Johanni 11:4 - O Debleskro Drom 2021 (Sinte)

⁴ Har o Jesus kowa shunas, penas lo: “Kau nasslepen was gar ap leste, te merell lo. Job was nasselo, te dikenn tumer, hawi bari soor o Debles hi, un te well o Debleskro tchawo sharedo.”

O Debleskro Lab 2024 (Sinte-Manouche)

⁴ Har o Yezous kova shounas, penas lo: “Kava nasslepen vas gar ap leste, te merell lo. Yob vas nasselo, te dikenn t'mer, havi bari zoor o Debles hi, oun te vell o Debleskro čavo sharedo.”

Johanni 11:4 ပူးပေါင်းရင်းမြစ်များ

2. Mose 16:7

Un taissarlakro dikenn tumer o railepen o baro Deblestar. Job shunas, har tumer tumen ap leste choiran. Har choiran tumen ap mende, choiran tumen tchatchepah ap leste, gar ap mende. Hoi ham mer, te choirenn tumen ap mende?”

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 11:40

Penas o Jesus ap late: “Penom me tuke gar: Te patseh tu, dikeh tu o Debleskri bari soor?”

Johanni 12:28

Tata kre, te sharell hakeno tiro lab!” Koi was i rakepen dran o bolepen un penas: “Me krom, kai well job sharedo. Un kowa krau me pale.”

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Johanni 17:10

Halauter, hoi miro hi, hi ninna tiro. Un hoi tiro hi, hi ninna miro. Ap lende well miro railepen un miri soor diklo.

Johanni 17:5

Un kanna, tata, de man ko railepen un koi soor, hoi his man pash tute, har o bolepen un i phub gar koi his!

Johanni 2:11

Kowa his o ersto kopo, kai kras o Jesus i baro koowa an o Debleskri soor. Kowa kras lo an o gab Kana an o them Galilea. Kote sikras job peskro railepen un peskri soor. Un leskre mala patsan ap leste.

Johanni 5:23

te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.

Johanni 8:54

Penas o Jesus: “Te sharoms me man, wals kowa tchi moldo. Miro dad hi kowa, kai sharell man. Kolestar penenn tumer: Job hi maro Dewel.

Johanni 9:24

Kol pralstune bibolde dan koles, kai korelo his, o duito kopo gole, un penan ap leste: “Pen kanna o tchatchepen glan o Debleste! Mer djinah, kai djal kau Jesus gar ap o Debleskro drom.”

Johanni 9:3

“Kek lendar anas i doosh ap peste,” penas o Jesus. “Job gar, leskro dad un leskri dai witar gar. Job hi korelo, te well o Debleskri bari soor ap leste diklo.

Remarja 11:11

Me putchau tumendar kanna: Peran jon o Debleskro dromestar tele, te nai stenn le buder gar pre? Na-a. Kowa hi gar jaake. Har peran jon o Debleskro dromestar tele, was o Debleskri bacht pash kolende, kai hi kek bibolde, jaake te silwerenn i bibolde ap kolende.

Filiparja 1:11

Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.

Filiparja 1:20

Me patsau te rikrell man o Dewel an o wast, un kamau o tselo djijestar te krap tchi, kai hunte ladjap man glan leste. Kamau gar, te trashap i menshendar. Jaake har rakrom hako tsiro o Jesus Kristestar, un trashom lendar gar, jaake kamau les ninna kanna an o stilepen te krell, ninna te hunte merap, te dikenn i menshe ap miro djipen un ap miro merepen, har baro un railo o Jesus Kristo hi.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!

1. Petro 4:11

Das tut o Dewel gole, te rakress o Debleskro lab, palle rake o Debleskro lab! Das tut o Dewel i soor, te budress i patslenge, palle kre kowa an o Debleskri soor! Jaake sharah mer o Debles an halauter, hoi o Jesus Kristo men das. Les hi o railepen un i soor kanna un hako tsiro. Amen!

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.