Johanni 11:2 - O Debleskro Drom 2021 (Sinte)

² I Maria his koi djuwel, kai ko kutch djet ap o Jesuseskre pire tchoras. Un peskre ballentsa khossas joi leskre pire. Kolakro phraal his o Lazaro. Kowa his nasselo.

O Debleskro Lab 2024 (Sinte-Manouche)

² I Maria his koy djouvel, kay ko kouč djet ap o Yezouseskre pire čoras. Oun peskre ballentsa khossas yoy leskre pire. Kolakro phraal his o Lazaro. Kova his nasselo.

Johanni 11:2 ပူးပေါင်းရင်းမြစ်များ

Markus 14:3

Un o Jesus his an o gab Betani, an o Simoneskro kheer. Kowa hi ko Simon, kai his les i djungelo nasslepen ap peskro mass. Har o Jesus kote chas, was i djuwel pash leste. Kolat his i tushni an o wast. Koi his djudjo un kutch djet dren, kerdo dran ko kasht, hoi kharella Narde. Un joi phagas koi tushni pre, un tchoras ko djet ap leskro shero, te makell li les dren.

Louka 7:13

Un o Jesus dikas lat, un leskro dji dukas. Un job penas ap late: “Ma rob!”

Louka 7:19

un bitchras len pash o Jesuseste, te putchenn le les: “Hal tu kowa, kai hunte well? Hunte dikas mer ap i wawareste, te well lo?”

Johanni 11:21

“Rai,” penas i Marta ap o Jesuseste, “te wals tu kai, merals miro phraal gar.

Johanni 11:3

Kol dui phenja bitchran menshen pash o Jesuseste, te penenn le leske: “Rai, koles, kai tu kameh, hi nasselo.”

Johanni 11:32

Har i Maria koi was, kai o Jesus hi, tchiwras pes li glan leste tele un penas: “Rai, te wals tu koi, merals miro phraal gar.”

Johanni 12:3

Un i Maria las i tushni, kai bud latcho un kutch djet dren hi, un tchoras kowa pral o Jesuseskre pire. Peskre ballentsa khossas joi leskre pire. Un an o tselo kheer his o latcho sungepen o djetestar.

Johanni 13:13

Tumer penenn ap mande: Sikepaskro un Rai. Un kowa hi tchatcho. Me hom kowa.

Johanni 13:14

Te thowom me, tumaro rai un sikepaskro, tumare pire, jaake hunte thowenn tumer ninna tumenge i pire, jek o wawareske.