Johanni 11:11 - O Debleskro Drom 2021 (Sinte)

¹¹ Har o Jesus lenge kowa penas, penas lo: “Maro maal Lazaro sowas dren. Me djau koi, te djangrap les pre.”

O Debleskro Lab 2024 (Sinte-Manouche)

¹¹ Har o Yezous lenge kova penas, penas lo: “Maro maal Lazaro sovas dren. Me djau koy, te djangrap les pre.”

Johanni 11:11 ပူးပေါင်းရင်းမြစ်များ

2. Rajengro liil 4:31

O Gehasi djas glan win, un tchiwas ko lengsto kasht ap ko tchaweskro mui. Un tchi djas: kek gole un kek ducho. Koi djas job pale pash o Elisa un penas leske: “Ko tchawo djangras gar pre.”

2. Familjakro liil 20:7

Maro Dewel hal tu, un tradal kol tsele wawar menshen an kau them win glan mende, tire menshende Israel. Un dal kau them hako tsireske kol menshenge, kai wan o Abrahamestar, kai tiro maal his.

2. Mose 33:11

O baro Dewel rakras o Moseha, har mala rakran khetne, kai dikenn pen an i jaka. Palle djas o Mose pale ap i platsa, kai i menshe hi. Leskro terno budepaskro, o Josua, – koleskro dad hi o Nun, – atchas an o Debleskro plachteno kheer.

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

Mateo 27:52

I mulengre khera phagan pre. Un bud kolendar, kai ap o Debles patsan un meran, wan djido,

Mateo 9:24

penas lo: “Djan tumenge! Kai tchai meras gar. Joi sowella.” Un jon san pral leste.

Markus 5:39

Un job djas dren, un penas ap lende: “Hoske denn tumer gole un rowenna? Koi tchai meras gar, joi sowella.”

Johanni 11:10

An i rat chatchell o kham gar. Koon an i rat ap o drom hi, kowa perella.”

Johanni 11:12

Kal labentsa penas o Jesus, kai o Lazaro meras. Jon haiwan kowa gar. Jon patsan, kai o Jesus penas, kai job sowella. “Rai,” penan le ap leste, “te sowell lo, well lo pale sasto.”

Johanni 11:3

Kol dui phenja bitchran menshen pash o Jesuseste, te penenn le leske: “Rai, koles, kai tu kameh, hi nasselo.”

Johanni 3:29

Koles, kai i pirni hi, ko hi ninna o pirno. Un o maal ko pirnestar, kai pashel tardo hi, un shunell o pirneskro gole, hi bachtelo pral kowa. Kai bacht hi man kanna.

Bičepangre 7:60

Un job peras ap i phub tele, un das pale gole: “Rai, le koi doosh lendar!” Har job kowa penas, meras lo.

1. Korintarja 15:18

Te stas o Jesus Kristo gar i mulendar pre, palle hi kolla nashedo, kai ap o Jesus Kristeste patsan un meran.

1. Korintarja 15:34

Djan o tchatcho drom! Ma pijenn tumen mato! Djiwenn buder gar an o tchilatchepen! Mank tumende hi menshe, kai djinenn gar, koon o Dewel hi. Un kowa penau tumenge, te ladjenn tumen.

1. Korintarja 15:51

Shunenn, me penau tumenge, hoi kek djinella: Mer merah gar lauter. Well i tsiro, koi lell men o Dewel win dran kowa, hoi mer kanna ham, un krell men wawartchandes.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

1. Tessalonikarja 5:10

Kowa meras menge, te djiwas leha khetne, mer, kai gomme djido ham, un ninna kolla, kai meran.

Jakobo 2:23

Kote was tchatcho, hoi an o Debleskro lab tchinlo hi: O Abraham patsas o Debles. Doleske tchiwas les o Dewel an o tchatchepen glan peste. Ninna i menshe penan lestar, kai hi job o Debleskro maal.