Johanni 10:7 - O Debleskro Drom 2021 (Sinte)

⁷ Doleske penas o Jesus pale ap lende: “Tchatchepah, me penau tumenge: Me hom o wudar i bakrenge.

O Debleskro Lab 2024 (Sinte-Manouche)

⁷ Doleske penas o Yezous pale ap lende: “Čačepah, me penau t'menge: Me hom o voudar i bakrenge.

Johanni 10:7 ပူးပေါင်းရင်းမြစ်များ

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Debleskri gili 79:13

Mer ham tire menshe. Tu hal menge har i bakrengro, kai anell peskre bakre kote, kai hatsenn le chapaske. Mer parkrah men pash tute hako tsiro, un sharah tut kanna un an ko tsiro, hoi wella.

Debleskri gili 95:7

Job hi maro Dewel, un mer ham leskre menshe. Job dell jak ap mende har i bakrengro dell jak ap peskre bakre, un anell len kote, kai hi len doha te chal. Kau diwes rakrell job ap tumende. Shunenn ap leskre laba:

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Ezekiel 34:31

Awa, tumer mire menshe, han mire bakre, ap kolende jak dau. Un me hom tumaro Dewel. Kawa penell o baro Dewel, maro rai.

Ezekiel 36:38

An kol forja, kolendar kanna tchi har barra koi hi, djiwenn palle jaake bud menshe, har his bakre an o foro Jerusalem an kol bare diwessa, har kol bakre o baro Debleske maredo un chatchedo wan. Un jon dikenn un haiwenn palle, te hom me o baro Dewel.

Johanni 10:1

“Tchatchepah, me penau tumenge: Koon gar an o wudar dren djala, te well lo pash i bakrende, un well wawartchandes dren, kowa hi i tchorepaskro un i dre-phagepaskro.

Johanni 10:9

Me hom ko wudar. Te djal jek an kau wudar dren, kowa djal gar nashedo. Job djal dren un win, un job hatsell shukar senlepen chapaske.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Efesarja 2:18

Mende halauterende das job o Debleskro Ducho. Un kowa krell, te nai wah mer lauter glan o Debleste, maro dadeste.