Johanni 10:6 - O Debleskro Drom 2021 (Sinte)

⁶ Kal laba penas o Jesus lenge. Jon haiwan gar, hoi job kamas lenge te penell.

O Debleskro Lab 2024 (Sinte-Manouche)

⁶ Kal laba penas o Yezous lenge. Yon hayvan gar, hoy yob kamas lenge te penell.

Johanni 10:6 ပူးပေါင်းရင်းမြစ်များ

Debleskri gili 106:7

Mare phure haiwan gar ko baro sorelo koowa, hoi tu an o them Egiptia kral, un bistran har bud lenge latches hals, un hadan pen pral tute pash o Baro Lolo Pani.

Debleskri gili 82:5

Tumer mukenn tumenge tchi te penell. Dinele han tumer, un djan tumaro drom, har te wals kali rat, kai dikenn tchi. Doleske dell kek tchatchepen buder ap kai phub.

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

Daniel 12:10

I djia bud menshendar wenn djudjo kerdo un wenn thodo, har sonakai an i jag thodo well. Un i tchilatche krenn dureder o tchilatchepen. un haiwenn kau koowa gar. Kokres kolla, kai o Debleskro drom prindjrenna, haiwenn ninna kau koowa.

Mateo 13:34

Kowa lauter rakras o Jesus ap lende sawe labentsa, kai i khatedo tchatchepen dren hi. Wawartchandes rakras lo gar ap lende.

Mateo 13:51

Haiwan tumer kawa lauter? Un jon penan ap leste: “Awa.”

Markus 4:34

Hako kopo, kai job lenge o Debleskro lab penas, rakras lo sawe labentsa, kai i khatedo tchatchepen dren hi. Job te his pengre malentsa kokres, palle penas lo lenge, hoi kol laba kamenn te sikrell.

Johanni 16:25

Kowa penom me tumenge gar an o mui. O diwes wella, kai me rikrau buder tchi pale. Palle rakrau tumentsa miro dadestar jaake, kai haiwenna halauter.

Johanni 16:29

Koi penan leskre mala ap leste: “Kanna rakreh tu jaake, kai haiwah kowa. Tu rikreh buder tchi pale.

Johanni 6:52

Kanna tchingran pen kol bibolde, un penan: “Har nai dell men ko mursh peskro mass te chal?”

Johanni 6:60

Har kolla, kai leha djan, kowa shunan, penan bud lendar: “Kowa hi kek shukar koowa, hoi job koi penella. Koon shunell kowa nai?”

Johanni 7:36

Har haiwas mer leskro rakepen: Tumer rodenn man, un hatsenn man gar un kote, kai me palle hom, koi nai wenn tumer gar?”

Johanni 8:27

Jon haiwan gar, kai o Jesus o Deblestar, peskro dadestar, rakras.

Johanni 8:43

Hoske haiwenn tumer miro rakepen gar? Tumaro dji hi pandlo. Tumer shunenn nai miro lab gar.

1. Korintarja 2:14

I mensho, koles o Debleskro Ducho gar hi, haiwell gar, hoi o Debleskro Ducho penella. O Debleskro koowa hi leske dinlepen. Ko mensho nai dikell gar, har o Dewel kowa dikella.

2. Petro 2:22

Kol menshenge djal jaake, har penlo well: “Ko djuklo chal pale kowa, hoi job win tchadas. Un ko balo witsrell pes pal o thopen pale an i tchik.”

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.