Johanni 10:34 - O Debleskro Drom 2021 (Sinte)

³⁴ Penas o Jesus: “An o Debleskro lab, ap koleste tumen rikrenna, kote hi tchinlo: Me, o Dewel penom: Tumer han debla.

O Debleskro Lab 2024 (Sinte-Manouche)

³⁴ Penas o Yezous: “An o Debleskro lab, ap koleste t'men rikrenna, kote hi činlo: Me, o Devel penom: T'mer han debla.

Johanni 10:34 ပူးပေါင်းရင်းမြစ်များ

Debleskri gili 138:1

I gili o Davidestar. Parkrau man pash tute miro tselo djijeha. Tuke giwau miri gili, un kek wawar debleske.

Debleskri gili 82:1

I gili o Asafestar. O Dewel hi tardo mashkral o bolepaskro tsillo, un rakrell o tchatchepen win pral i debla.

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

2. Mose 4:16

O Aron rakrell tuke ap i Israelitarja, un lauter, hoi tu leske peneh, kowa penell lo! Job hi har tiro mui. Un tu hal leske har i dewel, kai leske i laba an o mui tchiwell.

2. Mose 7:1

Un o baro Dewel penas ap o Moseste: “Shun, me krom, te wess har o Dewel o Faraeske. Un tiro phraal Aron rakrell tuke. Job rakrell, hoi leske peneh.

Johanni 10:35

Kolentsa, kai o Dewel rakras, ap kolende penas job debla. Un kowa, hoi an o Debleskro lab tchinlo hi, nai well gar krik lino.

Johanni 12:34

Koi penan i menshe ap leste: “Dran o Debleskro lab shunam, kai ko baro rai, kolestar o Dewel penas, te well job, atchell hako tsiro. Har nai peneh tu, kai o Mensheskro Tchawo hunte well ap o trushel dino? Koon hi ko Mensheskro Tchawo?”

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.

Johanni 8:17

Ninna an o Moseskre lila hi tchinlo: Te penenn dui pral jekeste win, jaake hi kowa tchatcho.

1. Korintarja 14:21

An o Debleskro lab hi tchinlo: Me kamau te rakrap ap kal menshende an o wawar rakepen. Un wi-themarja penenn lenge mire laba. Un ninna palle shunenn le gar ap mande, penell o Dewel.