Johanni 1:44 - O Debleskro Drom 2021 (Sinte)

⁴⁴ O Filipo his dran o foro Betsaida. Ninna o Andreas un o Petro his dran ko foro.

O Debleskro Lab 2024 (Sinte-Manouche)

⁴⁴ O Filipo his dran o foro Betsayda. Ninna o Andreas oun o Petro his dran ko foro.

Johanni 1:44 ပူးပေါင်းရင်းမြစ်များ

Mateo 10:3

o Filipo, un o Bartolomeo, o Thomas un o Mateo, kai i biboldendar lowe i Remarjenge dren las, un o Jakobo, – koleskro dad his o Alfeo, un o Tadeo,

Mateo 11:21

Un job penas: Bibachtelo wenna tumer menshe an o foro Korazin! Bibachtelo wenna tumer menshe an o foro Betsaida! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un tchiwans jagakri tchik ap pengre shere, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Markus 3:18

Mank kol deesh-te-dujende his ninna o Andreas, un o Filipo, un o Bartolomeo, un o Mateo, un o Thomas, un o Jakobo, koleskro dad hi o Alfeo, un o Tadeo, un o Simon, kai his kol menshendar, kai kharenna Zelotarja,

Markus 6:45

Un sik pral kowa tradas o Jesus peskre malen, te djan le an o bero, te ulerenn le glan leste wergel ap i wawar rig pash o foro Betsaida. Job atchas pash i menshende, te bitchrell lo len khere.

Markus 8:22

O Jesus un peskre mala wan an o gab Betsaida. Koi anan le i murshes pash leste, kai dikas nai gar. Un jon mangan o Jesusestar, te tchiwell lo peskro wast ap leste.

Louka 10:13

“Bibachtelo wenna tumer menshe an o foro Betsaida! Bibachtelo wenna tumer menshe an o foro Korazin! Te krals jek an i forja Tirus un Sidon sawo baro koowa an o Debleskri soor, har me pash tumende krom, riwans i menshe kote i gono trul pende, un beshans pen an i jagakri tchik, te sikrenn le, kai lengro tchilatchepen khaitell len. Un jon mukans pengro tchilatcho drom, un djans ap o Debleskro drom.

Louka 6:14

Un kolla his: O Simon, – koleste das job ninna o lab Petro, un leskro phraal Andreas, o Jakobo, un o Johanni, o Filipo, o Bartolomeo,

Louka 9:10

Un kol deesh-te-dui bitchepangre wan pale, un penan o Jesuseske, hoi jon lauter kran. Un o Jesus las len peha, te well lo lentsa kokres, un djas lentsa pash ko foro Betsaida.

Johanni 1:43

O wawar diwes kamas o Jesus an o them Galilea te djal. Ap o drom tapras lo o Filipo, un penas ap leste: “Dja mantsa!”

Johanni 1:45

O Filipo hatsas o Natanael un penas ap leste: “Mer hatsam koles, pral koleste o Mose an peskre lila tchinas. Ninna o Debleskre rakepangre tchinan pral leste. Job kharella Jesus un hi dran o foro Nazaret. Leskro dad hi o Josef.”

Johanni 1:46

Un o Natanael penas ap leste: “Dran Nazaret nai well tchi, hoi mishto hi.” “Am un dik!” penas o Filipo.

Johanni 1:48

“Har nai djineh tu, koon me hom?” putchas o Natanael lestar. Penas o Jesus: “Har tu tel o faigetikro ruk hals, dikom me tut, glan ko tsiro, kai o Filipo das tut gole.”

Johanni 12:21

Kolla wan pash o Filipo, kai dran o gab Betsaida an o them Galilea his. Un penan ap leste: “Rai, mer kamah o Jesuses te dikell.”

Johanni 12:22

Koi djas o Filipo pash o Andreas un penas leske kowa. Un o Andreas un o Filipo djan pash o Jesuseste un penan les leske.

Johanni 6:5

Har o Jesus dikas, kai bud bud menshe leske palla djan, putchas lo o Filipestar: “Kai nai ginah mer jaake bud mare, te well i tsele menshen chapaske?”

Johanni 6:7

O Filipo penas: “Ninna te wals men dui-sheel rupene beme, wals kowa gar doha, te lell hakeno i tikno kotar maro.”

Bičepangre 1:13

An o foro Jerusalem djan le an ko kheer, an koi pralstuni isema, kai jon khetne atchan: O Petro, o Johanni, o Jakobo, o Andreas, o Filipo, un o Thomas, o Bartolomeo, un o Mateo, un o Jakobo, koleskro dad o Alfeo hi, un o Simon, kai hi kol menshendar, kai kharenna Zelotarja, un o Judas, o Jakobeskro tchawo.