Johanni 1:18 - O Debleskro Drom 2021 (Sinte)

¹⁸ Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

O Debleskro Lab 2024 (Sinte-Manouche)

¹⁸ Kek mensho dikas o Debles. O Debleskro čavo kokres sikras men, koon o Devel hi. Yob hi yek o Debleha.

Johanni 1:18 ပူးပေါင်းရင်းမြစ်များ

1. Mose 16:13

Koi putchas i Hagar pestar: “Dikom me tchatchepah o Debles, kai man dikell?” Un joi das o baro Debles, kai lah rakras, ko lab ‘Tu hal i Dewel, kai man dikell’.

1. Mose 18:33

Un o baro Dewel heras pre, te rakrell lo o Abrahameha un djas peske. Un o Abraham djas pale khere.

2. Mose 23:21

Denn jak, te shunenn ap kowa, hoi job tumenge penell! Me bitchrom les. Te shunenn tumer gar ap leste, bistrell lo tumari doosh gar.

2. Mose 24:10

Un jon dikan o Israeleskro Debles. Un tel leskre herja his tchomone, hoi wi-dikas har kol kutch barra, hoi kharenna Safire. Un kowa his jaake djudjo un blaueto har o bolepen.

Gosewe laba 8:30

kote homs leskro tchawo an leskri gali. Un job his bachtelo pral mande hako diwes. Un me khelom mange glan leste hako tsireske.

Jesaja 40:11

Job dell jak ap lende har i bakrengro dell jak ap peskre bakre un dell len te chal, un lell i terne bakren an peskre mussja, un hidjrell len an peskri baja. Un kolla, kai len terne hi, lenge djal lo latches trujel.

Ropaskre gilja 2:12

Ap pengre dajende penenn le ropah: “Man hi bok! Man hi trush!” un perenn khetne ap i dromma har dukede lurde, un merenn an i mussja pengre dajendar.

4. Mose 12:8

Jaake har rakrell i mensho i wawareha, rakrau me leha, an laba, kai lo mishto haiwella un gar an parmisse. Un job dikell man, o baro Debles, har hom. Hoske his tumen kek traash, te rakrenn djungeles pral o Mose, koles miro tchatcho wast hi?”

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

Louka 10:22

Lauter das miro dad an mire wasta. Un kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell o dades kolende, kai job win rodas.”

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 12:41

Glan i rah tsiro dikas o Jesaja o Jesuseskro railepen un rakras lestar. Doleske penas job kowa glan-wi.

Johanni 13:23

Jek lendar, koles, kai kamas o Jesus o djijestar, his pash leste beshdo.

Johanni 14:9

“Jaake rah hom pash tumende un tu prindjreh man gar, Filipo?” penas o Jesus. “Koon man dikella, kowa dikell o dades. Har nai peneh tu: Sike mende o dades?

Johanni 17:26

Me sikrom lende, koon tu hal. Kowa krau me dureder, te well tiro kamlepen, hoi hi tut mange, ninna an lende. Jaake djiwau me an lende.”

Johanni 17:6

Tu dal menshen dran kai phub gole un dal len mande. Kolende sikrom, koon tu hal. Jon his tiro un tu dal len mande. Un jon rikran pen ap tiro lab.

Johanni 3:11

Tchatchepah, me penau tuke: Mer rakrah pral kowa, hoi prindjrah. Hoi mer dikam, kowa penah mer nai ninna. Tumer patsenn gar, hoi mer tumenge penah.

Johanni 6:46

Kek dikas o dades. Kowa kokres, kai was o Deblestar, dikas les.

2. Korintarja 4:4

Jon patsenn gar ap leste. O beng, kai o rai hi pral kai phub, kras len korelo, te dikenn le gar, hawo latchepen well dran o latcho lab o Jesus Kristestar. Ko lab sikrell men o Jesuseskro railepen. Un job hi jaake har o Dewel.

5. Mose 4:12

Un o baro Dewel rakras ap tumende dran koi jag win. Leskro rakepen shunan tumer, un dikan kekes.

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

1. Timoteo 1:17

Me sharau o Debles, koles, kai hako tsiro o baro rai hi; kowa, kai merella gar, un kai nai dikell les kek. Kowa kokres hi o Dewel. Leskro railepen atchell hako tsireske. Amen.

1. Timoteo 6:16

Job nai merell gar. Job djiwell kote, kai i momeli jaake sorelo hi, kai kek nai dren djala. O Debles dikas kek mensho, un kek mensho nai dikell les. Koles well o tselo railepen un i tseli soor!

Josua 5:13

His i diwes, har o Josua pash o foro Jericho his, koi dikas job ap jek kopo i murshes glan peste. Koles his peskro charo an o wast. Un o Josua djas pash leste un penas: “Ap koneskri rig hal tu? Ap mari rig? Ap i wawarengri rig?”

1. Johanni 4:12

Kek mensho dikas o Debles. Te hi men i dji i wawar patslenge, atchell o Dewel mentsa. Un leskro tselo kamlepen hi an mende.

1. Johanni 4:20

Te penell jek: “Me kamau o Debles,” un krell peskro phraleske tchilatchepen, kowa hi i chocheno. Job kamell gar peskro phrales, koles job nai dikella. Har nai kamell lo o Debles, koles job nai gar dikella?

1. Johanni 4:9

O Dewel sikras men peskro kamlepen, har bitchras lo peskro tchawes ap kai phub, te las mer lestar o tchatcho djipen.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.