Joel 2:27 - O Debleskro Drom 2021 (Sinte)

²⁷ Un tumer Israelitarja dikenna, te hom me mashkral tumende. Me, o baro Dewel, hom tumaro Dewel un kek wawar. Un tumer, mire menshe, wenn an kek tsiro buder praassedo.

O Debleskro Lab 2024 (Sinte-Manouche)

²⁷ Oun t'mer Israelitarya dikenna, te hom me mashkral t'mende. Me, o baro Devel, hom t'maro Devel oun kek vavar. Oun t'mer, mire menshe, venn an kek tsiro bouder praasedo.

Joel 2:27 ပူးပေါင်းရင်းမြစ်များ

Debleskri gili 46:5

Latcho djudjo pani nashella an o Debleskro foro, kai o Dewel pral halauter djiwell un leskro kheer hi, Ko pani krell ko fores bachtelo.

Debleskri gili 68:18

Bud serja wurdja hi o Debles. Lentsa was lo ap i berga Sinai, un djal dren an peskro kheer.

Gosewe laba 1:23

Te shunans ap mande, har dom tumen trad, sikroms tumende, hoi an miro dji hi, un mukoms tumen mire laba te haiwell.

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jesaja 44:8

Ma darenn, mire menshe! Ma trashenn! Mukom me kowa tumen gar te shunell un penom les tumenge gar glan i rah tsiro? Un tumer shunan un dikan les. Dell i wawar debles har man kokres? Dell i wawar sorelo debles, koles gar prindjrau?

Jesaja 45:18

O baro Dewel hi o Dewel, kai o bolepen kras. Job hi o Dewel, kai i phub kras un soreles pre tchiwas. Job kras lat gar jaake, te nai djiwell tchi koi pre. Na-a, job kras lat jaake, te well djipen ap late. Job penell: Me hom o baro Dewel, un dell kek wawar Dewel har man!

Jesaja 45:5

Me hom o baro Dewel un dell kek wawar. Me kokres hom o Dewel. Me dom tut bari soor, ninna te prindjral man gar,

Jesaja 45:6

te haiwenn le ap i tseli phub, te dell kek wawar dewel har man. Me hom o baro Dewel. Un dell kek wawar.

Jesaja 46:9

Mukenn tumenge an o shero te djal, har an o phuro tsiro his: Me hom o Dewel, un dell kek wawar har man. Kek hi jaake har me!

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Jesaja 53:6

Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

Ezekiel 37:6

Un me tchiwau muskle ap tumende, un mukau mass pral tumende te well, un tserdau hauta pral. Un dau ducho an tumende, te wenn djido. Un tumer dikenn un haiwenn pale, te hom me o baro Dewel.

Ezekiel 39:22

Un an ko tsiro dikenn un haiwenn i Israelitarja, te hom me o baro Dewel, lengro Dewel, un bistrenn kowa buder gar.

Ezekiel 39:28

Palle dikenn un haiwenn i Israelitarja, te hom me, o baro Dewel, lengro Dewel, kowa kai anas len an o pandepen an wawar themma, un mukell len palpale te well an lengro them. Kek lendar atchell kote pale.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Joel 2:26

Tumen well doha chapaske, un tumer sharenn o baro Debles, kai tumaro Dewel hi, un kras bud sorelo koowa mank tumende. Un tumer, mire menshe, wenn buder gar praassedo.

Zefanja 3:11

An ko tsiro hunte ladjenn tumer Israelitarja tumen buder gar doleske kai tumen pral mande hadan, un jaake bud tchilatchepen kran. Me lau kol pre-phurden, kai rikran jaake bud pendar, mashkral dran tumende krik. Ap miri berga, kai me djiwau, dell buder kekes, kai krell pes bares.

Zefanja 3:17

Tumaro baro Dewel hi pash tumende, job hi sorelo un hi ap tumari rig. Leskro dji giwell pral tumende, un job hi tumenge latcho. Tumari doosh lell lo tumendar krik an peskro baro kamlepen, un job dell gole i bachtjatar pral tumende,

Zakarie 2:9

Me kokres, penell o baro Dewel, wau i jagakri massuri trul o foro, un djiwau kote, un krau ko foro sorelo un shukar.’”

4. Mose 11:29

O Mose penas ap leste: “Kreh tu kowa mange? Me kamoms, te dals o baro Dewel peskre tsele menshende peskro ducho, te wans le halauter Debleskre rakepangre, kai leskre laba win kharenna.”

4. Mose 23:21

Me dikau kek bibacht ap o Jakob un kek tchilatchepen ap o Israel. O baro Dewel hi lengro Dewel un hi pash lende. Job hi lengro baro rai, koleske giwenn le i bachtjatar.

2. Korintarja 6:16

An o Debleskro baro kheer well o djido Dewel kokres sharedo un kek wawar koowa. Mer halauter ham o djido Debleskro baro kheer. O Dewel penas: Me kamau te djiwap pash lende un mashkral lende. Me kamau lengro Dewel te well, un jon hi mire menshe.

5. Mose 23:14

Un hakeno, kai djal kote, lell i kasht peha, hadell i tikni cheb win, beshell pes, un tchakrell palle kowa, hoi lestar win djas.

1. Petro 2:6

An o Debleskro lab hi tchinlo: Me rodom jek kutch bar win, un tchiwom les an o foro Zion tele, jaake te well miro kheer ap leste soreles tardo. Un koon ap koleste patsella, atchell djido.

Debleskro tsiro 21:3

Un me shunom i sorelo rakepen. Kowa was kotar, kai o Debleskro beshepaskro tardo hi, un kowa penas: “Dikenn, o Debleskro kheer hi pash i menshende! Job djiwell pash lende. Un jon hi leskre menshe. Un o Dewel hi lengro Dewel kokres, un hi pash lende.”