Joel 2:20 - O Debleskro Drom 2021 (Sinte)

²⁰ Un me tradau kol bud lurden krik tumendar, kai wenn koi rigjatar, kai norden hi. Kolla lendar, kai djan glanstunes, tradau an o Mulo Baro Pani, un kolla, kai wenn palstunes, tradau an o Mashkralstuno Baro Pani; un i tsele wawar lurden tradau an i diwjo tato them. Kote merenn le. Un lengri khand djal pre. Jaake lenn le pengri phagi ko bud tchilatchepaske, hoi le kran.

O Debleskro Lab 2024 (Sinte-Manouche)

²⁰ Oun me tradau kol boud lourden krik t'mendar, kay venn koy rigyatar, kay norden hi. Kolla lendar, kay djan glanstounes, tradau an o Moulo Baro Pani, oun kolla, kay venn palstounes, tradau an o Mashkralstouno Baro Pani; oun i tsele vavar lourden tradau an i divyo tato them. Kote merenn le. Oun lengri khand djal pre. Yaake lenn le pengri phagi ko boud čilačepaske, hoy le kran.

Joel 2:20 ပူးပေါင်းရင်းမြစ်များ

2. Rajengro liil 8:13

O Hasael penas: “Me hom i tchorwelo djuklo. Har nai krau me sawo koowa?” Koi penas o Elisa: “O baro Dewel sikras mande, kai weh tu baro rai pral Syria.”

Debleskri gili 126:3

Awa, o baro Dewel kras baro koowa ap mende, un maro dji giwas i bachtjatar.

2. Mose 10:19

Un o baro Dewel kras, te phurdas ko baro ducho kanna soreles katar, kai o kham tele djal. Un ko ducho hadas i stepangre pre un witsras len an o baro pani, hoi kharella ‘Baro Lolo Pani’. An o tselo them Egiptia atchas kek stepaskro pral.

2. Mose 8:14

I durkepangre kaman kowa ninna pengri sorjah te krell. Un jon haiwan les gar. Un i matsille his ap i menshende un ap i viechende.

Jesaja 34:3

Un kolla, kai temerl dino wan, atchenn tchiddo un wenn gar paskedo. Un o khand lendar djal pre, un ko rat lendar nashell i berge tele har pani.

Ezekiel 47:18

Un koi rig o themestar Israel djal fun kotar, kai o kham pre djal, mashkral o foro Hauran un o foro Damaskus dureder langs o lengsto pani Jordan bis tele pash o Londo Baro Pani. O Jordan nashell mank o them Israel un o them Gilead. Pash o Londo Baro Pani djal o them Israel bis pash o foro Tamar. Jaake dur djal o them Israel ap koi rig, kai o kham pre djal.

Amos 4:10

Me bitchrom sawo pharo nasslepen ap tumende, har bitchrom ap o them Egiptia. Me marom tumare terne murshen an o kurepen, un mukom tumare grajen pandles krik te anell. O khand kol mule lurdendar ap lengri platsa mukom an tumare naka te djal. Ninna palle wan tumer gar pale pash mande, penell o baro Dewel.

Zakarie 14:8

An ko tsiro nashenn djide panja dran o foro Jerusalem win. Ko jek paash nashell an o baro pani, hoi kote hi, kai o kham pre djal. Ko wawar paash nashell an o baro pani, hoi kote hi, kai o kham tele djal. Ko pani nashell an i nijal har an o wend.

Maleachi 3:11

Un me rikrau i stepangren dur krik tumari phubjatar, te chan le gar kowa pre, hoi kote baro was. Un tumare drakengre ruka wenn pherde drake. Ko penell o baro Dewel, ko rai pral o bolepen un i phub.

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.