Joel 1:20 - O Debleskro Drom 2021 (Sinte)

²⁰ Ninna i diwje vieche denn gole ap tute. Kek pani nashell un well dran i phub, un i jag chatchras o khass an o diwjo them.

O Debleskro Lab 2024 (Sinte-Manouche)

²⁰ Ninna i divye firhe denn gole ap toute. Kek pani nashell oun vell dran i phoub, oun i yag rhačras o khass an o divyo them.

Joel 1:20 ပူးပေါင်းရင်းမြစ်များ

1. Rajengro liil 17:7

Un har kek brishin das an o them, was o tsiro, kote his buder kek pani an ko tikno pani Krit.

1. Rajengro liil 18:5

Un o Ahab penas ap o Obadja: “Mer djas an o tselo them trujel, pash hake panja, tikne un lengste, un rodas senlepen, te nai atchenn i graja un i maultikre burike djido, un kek vieche merenn hunte.”

Hiob 38:41

Koon hi kowa, kai dell o korakeske leskro chapen, te denn leskre tchawe pash o Debleste gole, un i bokatar kate te kote nashenna?

Debleskri gili 104:21

Kol terne diwje margodje denn gole pal mass, un mangenn o Deblestar pengro chapen.

Debleskri gili 145:15

Menshe un vieche denn jak ap tute, te dess len pengro chapen ap o tchatcho tsiro.

Debleskri gili 147:9

I viechende dell lo pengro chapen, ninna i terne korake, hoi pal chapen gole denna.

Jeremia 14:4

I phub hi truk un dell gole pal brishin. Doleske hi kol hachenge ropaske, un khatrenn pengro mui.

Jeremia 28:8

O Debleskre rakepangre, kai his glan mande un glan tute, kolla rakran glan i rah tsiro pral kurepen, bok un nasslepen, hoi well pral sorele themma un bud menshende.

Joel 1:18

I grumja denn gole i bokatar, un nashenn trujel un hatsenn kek khass. Ninna i bakre bokenna.