Jesaja 8:8 - O Debleskro Drom 2021 (Sinte)

⁸ Un jon wenna an o them Juda dren, har pani hoi dren phagell, un hoi bis pash i meen pre djal. O Dewel hi pash mende! Leskre mussja hi pral mende jaake dur har o them buchlo hi.

O Debleskro Lab 2024 (Sinte-Manouche)

⁸ Oun yon venna an o them Youda dren, har pani hoy dren phagell, oun hoy bis pash i meen pre djal. O Devel hi pash mende! Leskre moussya hi pral mende yaake dour har o them bourhlo hi.

Jesaja 8:8 ပူးပေါင်းရင်းမြစ်များ

2. Rajengro liil 17:3

Un o baro rai pral o them Assur, o Salmanassar, was peskre lurdentsa pral leste. Un i Israelitarja wan dino. Un o Hoshea hunte das leske hako bersh rup un sonakai.

2. Familjakro liil 12:4

Un job las kol tsele sorele forja dren, kai an o them Juda his, un was bis glan o foro Jerusalem.

Jesaja 10:6

Me bitchrom len pash kol menshende, kai kamenn mandar tchi te djinell, un ap kolende chojedo hom, te djan le ap lende pre, un randenn len win un tchorenn len win, un stakrenn len khetne har i tchik ap o drom.

Jesaja 30:28

Un leskro ducho hi jaake sorelo har i pani, hoi sorjah nashell, un hoi i mensheske bis pash i meen djala. Job lell i natsjone un witsrell len trujel, un trissell len, bis te gar bud lendar pral atchenn. Un job tchiwell saster an lengre muja, har te wans le graja, un tradell len koleha kate te kote.

Jesaja 43:2

Te djah tu an o pani, me hom pash tute, te tassenn tut kol sorele panja gar. Un te djah tu an i jag, palle chatchell li tut gar, un nai krell tuke tchi.

Jesaja 7:14

Doleske dell o baro Dewel kanna kokres i sikepen, te sikrell lo, kai hi lo ap tumari rig: I terni tchai well wawartchandes un lell i mursh tchawes. Un koles dell li o lab Immanuel.

Jesaja 7:17

Un pral tute un tire menshende un i menshende an tiro them anell o baro Dewel sawe diwessa, har jon gar wan, jaake rah har dran o them Israel dui themma wan: o Israel un o Juda. Kol diwessa wenna o baro rajeha pral o them Assur.”

Jesaja 8:10

Rakrenn khetne har te djan glan, un djinenn, kolestar well tchi. Rakrenn jaake bud har kamenn, Tchi well win. O Dewel hi mentsa.

Jeremia 47:2

Kawa penell o baro Dewel: Dik, panja wenna koi rigjatar, kai norden hi. Un kolla wenna i diwjo sorelo lengsto pani, hoi tchakrell kau tselo them tel peste, un halauter hoi koi dren hi, i forja un kol menshen, kai kote djiwenna. Un i menshe an kau them denn gole un rowenna.

Jeremia 48:40

Kawa penell o baro Dewel: Dikenn, kowa, kai marell o Moab, well sik har i adlari, un krell peskre mussja buchles pral o them.

Jeremia 51:42

I baro pani was pral o foro Babilon, sorele panja tchakran o foro tel pende.

Ezekiel 17:3

Pen lenge: Kawa penell o baro Dewel, maro rai: Kote his i baro adlari. Koles his bare mussja un pesse shukar phora trul peskro shero. Kowa djas ap i berga Libanon un phagas o pralstuno kotar i rukestar krik, hoi kharell zedera,

Ezekiel 26:19

Kawa penell o baro Dewel, maro rai: Me krau, te wess tu i mulo foro har kol forja, kai buder kek djiwell. Me mukau bud pani pral tute te well, te djas tele.

Daniel 11:10

Un leskre tchawe djan an o kurepen, un anenn bud bud lurden khetne. Un jek lendar well har i sorelo pani pral o them, un djal kau kopo glan bis pash o sorelo foro o wawar baro rajestar.

Micha 1:9

O dukepen o forestar Samaria nai well gar sasto. Koi bibacht well ninna an o them Juda, un taprell o foro Jerusalem, ko foro mire menshendar.

Micha 5:5

Pengre charentsa lenn le o them Assur dren – ko them o murshestar Nimrod – un wenn i raja pral lende. Te phagenn i lurde dran o them Assur an maro them dren, un kamenn les dren te lell, palle lell men maro newo rai dran lengre wasta win.

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”