Jesaja 8:6 - O Debleskro Drom 2021 (Sinte)

⁶ An i jaka kal menshendar hi o tikno pani Siloah tchi moldo, hoi nashell lokes an Jerusalem. Un kol dui raja, o Rezin un o Pekach, wenn lenge jaake sorelo glan, te trissenn le i darjatar.

O Debleskro Lab 2024 (Sinte-Manouche)

⁶ An i yaka kal menshendar hi o tikno pani Siloah či moldo, hoy nashell lokes an Yerusalem. Oun kol douy raya, o Rezin oun o Peka, venn lenge yaake zorelo glan, te trissenn le i daryatar.

Jesaja 8:6 ပူးပေါင်းရင်းမြစ်များ

1. Rajengro liil 7:16

Un job kras dui sherja dran lolo saster un tchiwas len pral pre ap i turme, hako shero his 2,5 (dui-te-paash) metarja baro.

Nehemia 3:15

Un o Djido Panjeskro Wudar kras o Shallum, koleskro dad o Kol-Hose his. O Shallum his o pralstuno pral o them trul o foro Mizpa. Job kras ko Djido Panjeskro Wudar un tchiwas i dacha pre, un kol dui wudja dren, ninna i kashtengre un i saster, hoi i wudja pandenna. Un job tchiwas i massuri pale pre pash ko tikno pani Shelah, hoi pash o baro rajeskri baar his, bis pash o barrengro drom, hoi djal tele dran o Davideskro foro.

Debleskri gili 46:4

ninna te wals o baro pani diwjo un chojedo, un djals sawi sorjah pre, te perenn i berge khetne.

Jesaja 1:20

Kamenn tumer gar te shunell, un pandenn tumare djia glan mande, palle wenn o chareha mulo dino. Kowa penau me, o baro Dewel!”

Jesaja 28:2

O baro Dewel bitchrell jekes, koles bud soor un penepaske hi. Un kowa well har i baro diwjo phurdepen, kai brishineskre barra dren hi, un hoi lauter paash dell. Job witsrell halauter tel peste an i tchik, jaake har i baro brishin, hoi lauter tel pani tassell.

Jesaja 30:12

Doleske penell o Israeleskro Dewel, kai kokres o tchatcho Dewel hi: Tumer kamenn tchi kolestar te djinell, hoi penom. Un rikrenn tumen ap kolende, kai rikrenn i wawaren tele, un kamenn chochepah dureder te well.

Jesaja 5:24

Doleske merenn le tele har o senlepen, koleskre draba nasselo hi, un koleskri bluma tele perell, un har o khass, pral koleste i jag djal un les pre chatchrell. Jon kaman gar te djal o drom o baro Deblestar, kai hi o rai pral o bolepen un i phub. Un i labendar lengro latcho Deblestar kaman le tchi te djinell.

Jesaja 7:4

Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

Jesaja 7:6

‘Mer kamah pral te djal an o them Juda, un i menshenge koi daar te krell, un lengro them dren te lell. Un o Tabealeskro tchawes tchiwah pral lende, te well lo lengro baro rai.’

Jesaja 8:5

Un o baro Dewel rakras pale ap mande un penas:

Jeremia 18:14

Te dell gib ap i berga Libanon, atchell o gib i raheder tsiro tchiddo, un ko brishineskro pani nashell gar jaake sik krik,

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Jeremia 2:18

Hoi hi tut kolestar, te djah an o them Egiptia, un kameh koi dran o pani Nil te pijell? Un hoi hi tut kolestar, te djah tu an o them Assur un kameh dran o pani Eufrat te pijell?

Louka 13:4

Hoi hi kol menshentsa, kai ko baro kheer an o gab Siloah ap lende peras un jon meran? Hi kol menshe tchilatcheder har kol wawar an o foro Jerusalem, kai koi djiwan?

Johanni 9:7

Un job penas ap leste: “Dja pash ko pani Siloam, un thob tut koi!” Siloam kharella: O Dewel bitchras man. Koi djas job un thowas pes kote. Har job pale was, dikas lo nai.