Jesaja 8:18 - O Debleskro Drom 2021 (Sinte)

¹⁸ Me un kol tchawen, kai o baro Dewel man das, ham har i sikepen, hoi sikrell, hoi kamell o baro Dewel te krell an Israel, job, ko rai pral o bolepen un i phub, kai hi khere ap i berga Zion.

O Debleskro Lab 2024 (Sinte-Manouche)

¹⁸ Me oun kol čaven, kay o baro Devel man das, ham har i sikepen, hoy sikrell, hoy kamell o baro Devel te krell an Israel, yob, ko ray pral o bolepen oun i phoub, kay hi khere ap i berga Sion.

Jesaja 8:18 ပူးပေါင်းရင်းမြစ်များ

1. Mose 33:5

Un o Esau dikas pre un dikas i djuwjen i tchawentsa un putchas lestar: “Koon hi kolla, kai pash tute hi?” Penas o Jakob: “Miro Rai, kalla hi mire tchawe. O Dewel his mange jaake latcho, kai das lo man kal tchawe.”

1. Familjakro liil 23:25

Kolestar penas o David: O baro Dewel, kai o Israeleskro Dewel hi, das peskre menshen i them, kai le khere hi. Un job kamell hako tsiro an o foro Jerusalem te djiwell.

Debleskri gili 22:30

Ninna i brawele ap kai phub, kolen hako tsiro budeder hi har doha chapaske, hunte witsrenn pen tele glan leste. Ninna hakeno, kai meras un pale tchik was, hunte perell ap i tchanga glan leste.

Debleskri gili 71:7

Ninna te patsenn bud, kai praassal tu man, hal tu mange har i sorelo kheer, kai nai khatrau man.

Debleskri gili 9:11

Doleske rikrenn kolla ap tute, kai tiro lab prindjrenna. Koon tut, o baro Debles, rodella, koles mukeh tu gar kokres.

Debleskri gili 9:12

Giwenn o baro Debleske, kai ap i berga Zion khere hi! Penenn i menshenge an wawar themma, hoi job lauter kras!

Jesaja 12:6

Giwenn un denn gole i bachtjatar, tumer, kai djiwenn an o foro Zion. O Israeleskro Dewel hi bares mashkral tumende.

Jesaja 14:32

Hoi hunte penas kolenge, kai i Filistarendar bitchedo wan? Penenn lenge: O baro Dewel tchiwas o foro Zion soreles pre. Un kate nai khatrenn pen peskre tchorwele menshe kek darjah.

Jesaja 20:3

Palle penas o baro Dewel: Jaake har miro budepaskro, o Jesaja, triin bersha nanges un pirkenes trujel nashas, te sikrell lo, hoi pral i themma Egiptia un Etiopia wella,

Jesaja 24:23

Un o tchon well lolo i ladjatar, un o kham ladjell pes un khatrell pes. O baro Dewel, ko rai pral o bolepen un i phub, well o baro rai ap i berga Zion an o foro Jerusalem. Un i phureder dikenn leskro railepen.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Jesaja 7:16

Glan te was ko tsiro, kai djinell lo kowa, well ko them muklo tchiddo, glan koleskre dui bare rajende tut sawi bari daar hi.

Jesaja 7:3

Un o baro Dewel penas ap o Jesaja: Dja win, dja pash o Ahas, tu un tiro tchawo Shear-Jashub. Tu hatseh les kote, kai o panjeskro drom gar dureder djal, pash ko pralstuno pani, ap ko drom pash koi platsa, kai kolla budrenn, kai plachte krenna.

Jesaja 8:3

Un me djom pash miri romjate dren. Joi his i Debleskri rakepaskretsa. Un joi was wawartchandes un anas i mursh tchawes ap i phub. Un o baro Dewel penas ap mande: “De les o lab ‘Sik-randedo un sik-tchoredo’!

Jeremia 44:29

Un kawa hi ko sikepen, penell o baro Dewel: Me kamau tumen kate tumari phagi te dell, te djinenn tumer halauter, kai miro rakepen tchatcho wella, te well koi bibacht pral tumende.

Ezekiel 12:6

Glan lengre jaka le halauter ap tiri phik! Un har tamlo was, dja win! Un tchip i diklo trul tire jaka, jaake te dikess gar o them, hoi mukeh. Kamau, te wess i sikepen i Israelenge, hoi sikrell lende, har dau len trad.

Ezekiel 14:8

Me dikau tchilatches ap leste. Un ap leste dikenn i menshe, hoi saweha djal, kai sawo koowa krell, un jon rakrenn lestar i rah tsiro. Me krau les pale-tchiddo hako tsireske, te nai djiwell lo buder gar mank mire menshende. Jaake dikenn un haiwenn tumer, te hom me o baro Dewel.

Ezekiel 4:3

Un le tuke i bobeskro saster, un tchip les pre mank tute un o foro, har te wals lo i massuri! Un palle dik ap o foro, un kre jaake, har te pandals les dren. Kowa hi i sikepen i Israelenge, hoi sikrell lende, hoi pral lende wella.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Zakarie 8:3

Me wau pale ap i berga Zion un djiwau mashkral an o foro Jerusalem. Palle kharell pes Jerusalem ‘foro, kai rikrenn pen i menshe ap o baro Debleste’. Un i berga Zion, kai djiwau me, o baro Dewel, ko rai pral o bolepen un i phub, kai berga kharell ‘Debleskri berga’.”

Louka 2:18

Un lauter kran bare jaka, har jon shunan, hoi i bakrengre lenge penan.

Louka 2:34

Un o Simeon rakras o Debleskri bacht pral lende win un penas ap i Mariate: “Pral kau tchaweste choirenn pen bud menshe an o them Israel. Ap leste sikrell pes, koon djal ap o Debleskro drom, un koon perell o Debleskro dromestar tele.

5. Mose 28:46

Hako tsiro, kai well kai bibacht pral tumende, well diklo, te hi o baro Debleskro praassepen ap tumende tchiddo.

Hebrearja 10:33

Bud tumendar wan glan lauterende praassedo un dino. I wawar tumendar wan ap i rig kolendar, kai praassedo un dino wan.

Hebrearja 12:22

Kowa lauter dikan tumer gar. Na-a. Tumaro tsillo, kai wenn khetne o Debleha, hi ap i berga Zion an o bolepen. Kote hi o foro o djido Deblestar tardo, o newo foro Jerusalem. Kote hi bud bud serja bolepangre, kai sharenn o Debles.