Jesaja 7:8 - O Debleskro Drom 2021 (Sinte)

^8-9 O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

O Debleskro Lab 2024 (Sinte-Manouche)

^8-9 O foro Damaskus hi o shero o themestar Syria, oun o Rezin hi o baro ray kokres pral Damaskus. Oun o foro Samaria hi o shero o themestar Efrayim, oun o Peka hi o baro ray kokres pral Samaria. Oun an 65 (shob-deesh-te-panč) bersha dell bouder kek them Efrayim. Oun te patsenn t'mer kava gar, palle ačenn t'mer gar!”

Jesaja 7:8 ပူးပေါင်းရင်းမြစ်များ

1. Mose 14:15

An i rati bitchras job peskre murshen ap dui rigja. Un job un leskre mursha djan ap lende pre un dan len, un lan len palla bis pash ko foro Hoba, hoi ap i serwi rig o forestar Damaskus tchiddo hi.

2. Samuel 8:6

Un job tchiwas moskre dren an lengro them. Un o Davides was penepaske pral i Syrarja, un jon hunte dan les rup un sonakai. Jaake his o baro Dewel o Davideske ap i rig, kai lo ninna djas.

Esra 4:2

Koi djan le pash o Serubbabel un pash i familjengre pralstunende un penan: “Mer kamah tumentsa o Debleske i kheer te krell. Mer mangah ninna tumaro Debles an, un maram leske viechen, jaake rah har o baro rai pral o them Assur, o Asarhaddon, men halauter kate an kau them mukas te anell.”

Jesaja 8:4

Glan te nai dell o ternepen gole ‘tata’ un ‘mama’, mukell o baro rai pral Assur o tselo brawlepen dran Damaskus un o tselo kutch koowa dran Samaria krik hidjrell.”

Jesaja 9:11

I Syrarja wenna fun glan un i Filistarja fun pal, te chan le o Israel pre har i diwjo viecho, hoi peskro mui dur pre krell. Un pral kowa lauter mukell o Debleskri bari choli gar tele, un leskro wast atchell pre hadedo, te dell lo len i phagi.

Jesaja 9:9

“Kol barra dran chatchedi tchik peran, – kowa krell tchi. Mer tchiwah mare khera sorele barrentsa pale pre. I faigetikre ruka wan tele dino. Kote tchiwah zedertikre ruka an i phub.”

Jeremia 49:23

Laba pral o foro Damaskus. I menshe an i forja Hamat un Arpad shunan tchilatcho koowa. Jon lan bari daar un djinenn gar, hoi te krenn. I traash well pral lende har o baro pani, hoi gar tardo atchell.

Ezekiel 27:18

Tut his bud bud koowa bikepaske. Jaake ginas ninna o foro Damaskus tutar, un das tut koleske mool dran o foro Helbon un parno bakrengro bal dran o them Zahar,

Hosea 13:1

His i tsiro, koi trissan i menshe, te rakras o Efrajim. Jaake an-diklo his lo an o them Israel. Palle was i tsiro, koi djas lo o Debleskro dromestar tele, un mukas pes o debleha Baal dren. Kowa his leskro merepen.