Jesaja 7:4 - O Debleskro Drom 2021 (Sinte)

⁴ Un pen ap leste: “De jak! Atch pokones! Ab sorelo un ma traash glan kol dujende, o Rezin, ko Syrari, un o Pekach, koleskro dad o Remalja hi. Ninna te hi le chojedo, hi le tchi wawar har tele chatchedo kasht, kai gomme jagakro ducho pre djal.

O Debleskro Lab 2024 (Sinte-Manouche)

⁴ Oun pen ap leste: “De yak! Ač pokones! Ab zorelo oun ma traash glan kol douyende, o Rezin, ko Syrari, oun o Peka, koleskro dad o Remalya hi. Ninna te hi le rhoyedo, hi le či vavar har tele rhačedo kasht, kay gomme yagakro dourho pre djal.

Jesaja 7:4 ပူးပေါင်းရင်းမြစ်များ

2. Rajengro liil 15:27

Har o Asarja an o 52. (pantch-deesh-te-duito) bersh o baro rai pral o them Juda his, was o Pekach, koleskro dad o Remalja his, baro rai pral o them Israel. Biish bersha his lo baro rai un djiwas an ko tsiro an o foro Samaria.

2. Familjakro liil 20:17

Gar tumer hunte kurenn tumen kote. Atchenn glan lende tardo! Atchenn kote un dikenn, har me, o baro Dewel, tumen dran lengro wast win lau. Me hom pash tumende, tumer menshe dran Juda un Jerusalem. Ma darenn! Trashenn tchi! Taissar djan pash lende! O baro Dewel hi tumentsa.”

Jesaja 10:24

Doleske penell o baro Dewel, ko rai pral o bolepen un i phub, ap peskre menshende, kai ap i berga Zion djiwenn: Ma darenn i lurdendar dran o them Assur, ninna te denn le tumen pengre kashtentsa un hadenn len pre, te denn le tumen trad, jaake har kowa i Egiptarja ninna kran.

Jesaja 30:15

Doleske penell o baro Dewel, maro rai – job, kai kokres o Israeleskro Dewel hi: Te mukenn tumaro drom, wenn pash mande, un dikenn ap kowa, hoi me tumenge krau, palle wenn win lino dran o kurepen. Te rikrenn tumen pale, un rikrenn tumen ap mande, palle wenn sorelo. Kowa kamenn tumer gar te krell.

Jesaja 30:7

Kowa lauter hi tchitcheske. Hoi i Egiptarja nai krenn, hi tchi moldo. Doleske penau ap o them Egiptia: Tu hal i Rahab, kai atchell beshdo un krell tchi.

Jesaja 35:4

Penenn ap kolende, kolen i dareno dji hi: Awenn sorelo! Un ma darenn! Dikenn, kote hi tumaro Dewel! Job well, te dell lo tumen tumaro tchatchepen un i phagi kolende, kai kran tumenge tchilatchepen. Job well un lell tumen dran lengre wasta win.

Jesaja 37:6

mukas lo lenge te penell: “Penenn tumaro rajeske: Jaake rakras o baro Dewel: ‘Tu shunal kol laba, kolentsa man i bitchepangre o baro rajestar dran o them Assur praassan. Ma traash glan kowa, hoi jon penan!

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 7:1

Un i kurepen was an ko tsiro, har o baro rai pral o them Juda o Ahas his, koleskro dad o Jotam his, un koleskro dad o Usija his. O baro rai pral Syria, o Rezin, un o baro rai pral Israel, o Pekach, koleskro dad o Remalja his, wan pash o foro Jerusalem, te kurenn le pen o foreha. Jon nai lan les gar dren.

Jesaja 7:8

O foro Damaskus hi o shero o themestar Syria, un o Rezin hi o baro rai kokres pral Damaskus. Un o foro Samaria hi o shero o themestar Efrajim, un o Pekach hi o baro rai kokres pral Samaria. Un an 65 (shob-deesh-te-pantch) bersha dell buder kek them Efrajim. Un te patsenn tumer kawa gar, palle atchenn tumer gar!”

Jesaja 8:4

Glan te nai dell o ternepen gole ‘tata’ un ‘mama’, mukell o baro rai pral Assur o tselo brawlepen dran Damaskus un o tselo kutch koowa dran Samaria krik hidjrell.”

Jesaja 8:6

An i jaka kal menshendar hi o tikno pani Siloah tchi moldo, hoi nashell lokes an Jerusalem. Un kol dui raja, o Rezin un o Pekach, wenn lenge jaake sorelo glan, te trissenn le i darjatar.

Ropaskre gilja 3:26

O feteder koowa hi, te dikas mer pokones ap o baro Debleste, te well job menge ap i rig.

Amos 4:11

His sawe forja pash tumende, kai krom jaake paash, har krom i forja Sodom un Gomorra paash. Un tumer hans har i kotar kasht, hoi was win tserdedo dran i jag. Ninna palle wan tumer gar pale pash mande, penell o baro Dewel.

Habakuk 2:3

Ko tsiro hi kanna gar koi, te well kowa jaake, hoi sikrom tuke. Kowa well tchatcho ap peskro tsiro. Tu nai djineh tchatchepah, kai kowa jaake wella. An kal laba hi kek chochepen. Ninna te well kowa gar jaake sik, de jak, te well kowa. Hi tchatcho, hoi penau: Kowa wella un atchell gar krik.

Zakarie 3:2

Un o bolepaskro o baro Deblestar penas ap o bengeste: “O baro Dewel te tchingrell ap tute, tu beng! O baro Dewel, kai rodas o Jerusalem win, mu tchingrell ap tute! Kau mursh hi har i kasht, win tserdedo dran i jag.”

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 24:6

Baro kurepen wella an kol themma, kai hi dur tumendar un ninna an kolla themma, kai hi gar dur tumendar. Te shunenn tumer kowa, ma trashenn! Ko hunte well jaake. Ko tsiro, kai o Dewel o rai hi pral halauterende, well gar jaake sik.

5. Mose 20:3

“Murshale dran Israel, shunenn! Tumer djan kau diwes an o kurepen, te kurenn tumen kolentsa, kai kamenn tumen gar an o them. Awenn sorelo! Ma darenn lendar! Un ma mukenn tumen traash te krell!

1. Samuel 17:32

Un o David penas ap o Saul: “Miro rai, kek tire murshendar hunte darell ko Filistarestar! Me kamau koi te djal un man leha te marell.”