Jesaja 7:21 - O Debleskro Drom 2021 (Sinte)

²¹ An ko tsiro hi jek murshes jek terni grumni un dui bakre.

O Debleskro Lab 2024 (Sinte-Manouche)

²¹ An ko tsiro hi yek morshes yek terni groumni oun douy bakre.

Jesaja 7:21 ပူးပေါင်းရင်းမြစ်များ

Jesaja 14:30

I tchorwelen mire menshendar hi doha te chal. Un kolen, kai tchi hi, nai tchiwenn pen tele kek darjah. Tumen, Filistarja, mukau i bokatar te merell. Un hoi tumendar pral atchell, dau mulo.

Jesaja 17:2

Kol forja an Syria hi muklo, un i vieche nai chan kote, un kek hi koi, kai len krik tradell.

Jesaja 27:10

I sorelo foro hi muklo. Kek djiwell buder an i shukar khera. O foro hi har i diwjo muklo them, kai i grumja chan un pen tele tchiwenn, un o senlepen ap i burra chan.

Jesaja 35:1

Bachteles well ko them, hoi kanna tato un mulo hi. Un o diwjo truk them sal, un lauter an leste djiwell pre un anell blume win.

Jesaja 37:30

Un tuke, Hiskija, mu well kowa i sikepen: An kau bersh chan tumer, hoi pestar kokres bares wella, ninna an o wawar bersh. Un an o triinto bersh nai tchiwenn pale djob an i phub un anenn djob dren, un tchiwenn drakengre ruka an i phub, un chan tumenge i drake, hoi ap lende bares wenna.

Jesaja 5:17

Mank i barra ko paash-dino forestar nashenn i bakre trujel un rodenn o chapen. Un i busja chan mank i khera, hoi kol brawele pale hunte mukan.

Jesaja 7:25

Ninna koi phub, hoi kanna i hachetikri phub hi, well jaake pherde subjengre burra un subjengro senlepen, te darenn i menshe, te djan le koi. Un jon tradenn i grumja koi, un i bakre stakrenn lauter khetne.

Jeremia 39:10

Kokres i tchorwelen, kolen kai tchi his, mukas o Nebusaradan, an o them Juda pale, un das len drakengro them un hachetikri phub.