Jesaja 66:24 - O Debleskro Drom 2021 (Sinte)

²⁴ Un jon djan win, te dikenn le penge kol mule menshen an, kai mantsa phagan. Kolengro kirmo merell gar, un lengri jag djal gar win. Un jon hi tchadepaske halauterenge, kai dikenn le.

O Debleskro Lab 2024 (Sinte-Manouche)

²⁴ Oun yon djan vin, te dikenn le penge kol moule menshen an, kay mantsa phagan. Kolengro kirmo merell gar, oun lengri yag djal gar vin. Oun yon hi čadepaske halauterenge, kay dikenn le.

Jesaja 66:24 ပူးပေါင်းရင်းမြစ်များ

Debleskri gili 110:6

un job o tchatchepen win rakrella, un an hake themma bud menshen i phagi della. Palle hi bud menshe mulo tchiddo ap o buchlo them. Bud pralstune wenn khetne dino.

Jesaja 1:28

Khetne phagedo wenn kolla, kai o Debleskro dromestar tele djan, khetne kolentsa, kai doosh ap pende anan. Un kolla, kai o baro Debles mukan, hunte merenn.

Jesaja 1:31

Un ko mursh, hoi sorelo his har i ruk, well har mulo kasht. Un ko sorelo koowa, hoi lo kras, well har i jag, hoi ko mulo kasht pre chatchell. Jaake djal lauter an i jag pre, un kek nai krell koi jag win.

Jesaja 14:11

Tiro railepen, hoi trul tute his, was witsedo an o telstunepen, un i bashepangre bashrenn buder gar tuke. I kirme hi kanna tiro tchiben, un kirmentsa tchakreh tut.

Jesaja 24:20

I phub perell jek rigjatar ap i wawar har i mato, un perell khetne har i plachteno kheer. O tchilatcho koowa ap i phub hi jaake pharo, te perell li un stell gar buder pre.

Jesaja 26:11

Baro Dewel, tiro wast hadal dur pre, te dess len trad. Un jon kamenn gar te dikell. Muk len dren te dikell, hawo kamlepen tut tire menshenge hi, te ladjenn le pen. Chatche len pre an tiri jagakri choli, kolen kai kamenn tut gar.

Jesaja 34:10

hoi chatchell diwes un rati. Un koi jag djal gar win. Un latar djal i kalo ducho pre an o bolepen hako tsiro. Un kek nai djiwell buder an ko them jaake rah har menshe koi hi, un kek djal pral wergel an i wawar them an kek tsiro.

Jesaja 34:3

Un kolla, kai temerl dino wan, atchenn tchiddo un wenn gar paskedo. Un o khand lendar djal pre, un ko rat lendar nashell i berge tele har pani.

Jesaja 48:22

Kau tselo latcho koowa, hi gar i tchilatchenge, penell o baro Dewel.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jesaja 51:8

Lenge djal har i ripen dran bakrengro bal, hoi i kirme paash chan. Miro tchatchepen atchell hako tsiro tardo, un hako tsireske lau tumen dran i bibacht win.

Jesaja 65:15

Pash mire wi-rodede menshe hi tumare laba sawe laba, kolentsa jon i bibacht pral jekeste win rakrenn, un penenn: “O baro Dewel maro rai, mu dell tut mulo har kales un koles.” Lengre budepangren dell job i newo lab.

Jesaja 66:16

I jagah un peskro chareha krell o baro Dewel o tchatchepen win pral i tsele menshende, un bud lendar wenn jaake maredo.

Daniel 12:2

Un bud kolendar, kai tel i phub tchiddo his un sowan, kolla stenn pre, ko jek o djipaske, hoi gar pre herella, un ko wawar i bari ladjake un o praassepaske, hoi buder gar pre herella.

Zakarie 14:12

Un kowa hi ko pharo nasslepen, hoi o baro Dewel ap kolende tchiwell, kai djan an o kurepen o foreha Jerusalem: Lengro mass merell tele, har le gomme ap lengre pire tardo hi, lengre jaka an o shero un lengri tchip an o mui merenn tele un perenn win.

Mateo 3:12

Job hi har i hacho, kai rikrell i witsepaskri an peskro wast, te witsrell lo o djob pral, jaake te perell o phuss tele ap i phub. Peskro djob anell lo an peskro djobeskro kheer dren. Un o phuss chatchrell lo an i jag, hoi hako tsiro chatchella.”

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.