Jesaja 66:2 - O Debleskro Drom 2021 (Sinte)

² Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

O Debleskro Lab 2024 (Sinte-Manouche)

² Me, o baro Devel, krom miro vasteha kova lauter, hoy koy hi. Oun me dikau kamles ap koleste, kay hi tele rikedo oun phagedo an peskro dji, oun kay darell glan miro lab.

Jesaja 66:2 ပူးပေါင်းရင်းမြစ်များ

1. Rajengro liil 21:29

“Dikal tu kowa, har kras pes o Ahab tiknes glan mande? Doleske mukau koi bibacht gar te well, jaake rah har job djiwell. An ko tsiro, kai leskro tchawo o baro rai hi, anau me koi bibacht pral leskro kheer.”

2. Rajengro liil 22:10

O Shafan penas o baro rajeske ninna: “O rashai Hilkija das man i liil.” Un o Shafan draweras ko liil glan o baro rajeste.

2. Rajengro liil 22:11

Jaake was, har o baro rai i laba dran ko liil shunas, kras lo peskre koola paash, kai ap leste his.

Esra 10:3

Mer kras maro Debleha win, te bitchras mer kol tsele djuwjen un lengre tchawen mendar krik, jaake har penan tumer – tu, miro rai, un kolla, kai rikrenn maro Debleskre laba. Mer kamah les jaake te krell, har an o Moseskre lila tchinlo hi.

Esra 9:4

Un pash mande wan halauter kolla khetne, kai an i traash his, hoi o Dewel pral o them Israel penella, kai leskre laba wan i pirentsa stakedo kolendar, kai wan dran o them Babilonia pale pale. Un me homs koi beshdo har mulo, bis te was rati - ko tsiro, kai o Debleske i viecho anlo un maredo well.

Debleskri gili 119:120

Tutar darau jaake, te trissau. Tu deh i phagi kolen, kai shunan gar ap tute.

Debleskri gili 119:161

Raja lenn man palla, ninna te krom me lenge tchi, tire laba kokres hi kolla, kai me darau man lendar.

Debleskri gili 138:6

Awa, ninna te hal jaake dur pral halauter, dikeh tu kolen, kai tele rikede hi. Un kol pre-phurden prindjreh fun dural.

Debleskri gili 34:18

Te denn kolla ap leste gole, kai rikrenn ap leste, palle shunell len o baro Dewel, un lell len win dran lengri tseli bibacht.

Debleskri gili 51:17

Baro Dewel, kre miro mui pre, te rakrap, hoi sharell tut!

Debleskri gili 51:19

Kowa, hoi tu kameh te well tuke anlo, hi i phagedo dji. Ap i mensheste, kai rowell pral peskri doosh, dikeh tu, miro Dewel, latches.

Gosewe laba 28:14

Bachtelo hi kowa, kai hako tsireske o Debleha djiwell! Kowa, kai mukell peskro dji har i bar te well, perell an i bibacht.

Gosewe laba 29:23

O pre-phurdepen i menshestar krell, te perell lo. Kowa, kai hadell pes gar, well an-diklo.

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jesaja 41:20

Kowa well jaake, te dikenn i menshe un haiwenn, un dikenn dren un djinenn: Dran i soor o baro Deblestar was kowa jaake. Awa, o Israeleskro tchatcho Dewel kras kawa halauter.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Jesaja 66:5

Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

Hosea 11:10

Palle djan le o baro Debleske palla, un job dell gole har i lewo, awa, job dell gole har i lewo, un leskre tchawe wenn trisslepah pash leste fun kotar, kai o kham tele djal.

Micha 6:8

Na-a, o baro Dewel penas menge, hoi latcho hi, un hoi lo mendar kamella: Kowa hi: Rike tut ap o tchatchepen, ab latches ap o wawareste, un dja o tselo djijestar tiro Debleha!

Habakuk 3:16

Har sikras man o Dewel kowa lauter, trissom me. Har shunom leskro rakepen, trissas miro mui. I traash djas mange an i kokale, un nashte homs buder gar ap mire herja tardo. Me kamau ap ko diwes te dikell, kai well koi bibacht pral kol menshende, kai djan ap mende pre.

Mateo 12:6

Kanna penau me tumenge: Kowa, kai glan tumende tardo hi, kowa hi bareder har o Debleskro baro kheer.

Bičepangre 7:50

Me krom o bolepen un i phub mire wastentsa.”

Bičepangre 9:6

Ste pre un dja an ko foro! Koi penenn le tuke, hoi te kress.”

Filiparja 2:12

Mire kamle phrala un phenja, tumer shunan hako tsiro ap kowa, hoi me tumenge penom, har pash tumende homs, ninna kanna, kai gar pash tumende hom. Me penau tumenge: Krenn lauter, te atchenn ap o Debleskro drom, bis te han pash leste! Shunenn ap o Debleste, un trashenn lestar!

Kolossarja 1:17

O Jesus Kristo his glan hako wawareste koi. Un lauter, hoi koi hi, rikrell lo djides.