Jesaja 66:18 - O Debleskro Drom 2021 (Sinte)

¹⁸ Me djinau kowa, hoi jon kran, un kowa, hoi an lengre sherja glan djas. Un me wau, te lap i menshen khetne dran i tsele themma un dran hako rakepen. Un jon wenna un dikenn miro railepen.

O Debleskro Lab 2024 (Sinte-Manouche)

¹⁸ Me djinau kova, hoy yon kran, oun kova, hoy an lengre sherya glan djas. Oun me vau, te lap i menshen khetne dran i tsele themma oun dran hako rakepen. Oun yon venna oun dikenn miro raylepen.

Jesaja 66:18 ပူးပေါင်းရင်းမြစ်များ

Hiob 42:2

Me haiwom kanna, te nai kreh tu halauter. Un halauter, hoi kameh te krell, kowa kreh tu ninna.

Debleskri gili 139:2

Tu prindjreh miro beshepen un miro tardepen. Tu haiweh fun dural, hoi an miro shero trujel djal.

Debleskri gili 67:2

Dewel, kre tiro dji menge pre, un tchip tiri bacht ap mende! Dik tu latches ap mende!

Debleskri gili 72:11

I tsele bare raja perenn tele ap i phub glan leste. Un i tsele natsjone budrenn leske.

Debleskri gili 72:17

Leskro lab mu atchell hako tsireske. Jaake rah har o kham ap o bolepen hi, mu well leskro lab sharedo! Lestar mu well latchepen ap i menshende an i tsele themma. Un jon te rakrenn i bacht pral leste win.

Debleskri gili 82:8

Ste pre, maro Dewel un rake o tchatchepen win pral i tseli phub! Tire hi i menshe an i tsele themma.

Debleskri gili 86:9

I tsele natsjone, kolen tu kral, kolla wenna un mangenn tut an, maro rajes, un sharenn tiro railepen.

Debleskri gili 94:11

O baro Dewel djinell, hoi an i menshengre sherja hi: lauter tchi-moldo koowa.

Debleskri gili 97:6

O bolepen sikrell leskro tchatchepen, un leskro railepen dikenn i tsele menshe.

Jesaja 11:9

Ap o Debleskri berga Zion krell buder kek tchilatcho koowa, witar gar dukrell jek i wawares. Jaake har o baro pani pherdo pani hi, jaake well i tseli phub pherde menshe, kai prindjrenn o baro Debles.

Jesaja 2:2

Well i tsiro, koi hi koi berga, kai o baro Debleskro kheer tardo hi, bareder har i tsele wawar berge, un dikell tele ap i tsele tikne berge. Un i menshe dran bud themma nashenn pash kai berga,

Jesaja 37:28

Tiro tardepen prindjrau un tiro beshepen dikau, un ko tsiro djinau, kai djah tu win, un kai weh pale dren. Un ninna djinau, hawi bari choljah tu diwjes ap mande djah.

Jesaja 40:5

O baro Debleskro railepen well diklo. Un i tsele menshe dikenn les. Kowa penas o baro Dewel.”

Jesaja 45:22

Tumer menshe ap i tseli phub, awenn pash mande! Un me lau tumen dran o tchilatchepen win. Me hom o Dewel un dell kek wawar har man!

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 55:8

O baro Dewel penell: Kowa, hoi mange an o shero djal, hi gar kowa, hoi tumenge an tumare sherja djal. Un tumare dromma hi gar mire dromma.

Jesaja 56:8

O baro Dewel, maro rai, kowa kai anas i krik-tradede Israelitarjen pale an lengro them, penell: Me anau gomme budeder khetne pash kolende, kai khetne anlo wan.

Jesaja 57:12

Kanna sikrau me, hoi kowa moldo hi, hoi tu ‘tchatcho koowa’ khareh. Ko tselo koowa, hoi tu kral, hi tuke gar mishto.

Jesaja 59:7

Tumare herja nashenna pal o tchilatchepen, un hi sik, te mukenn le kolen te ratell, kai kek tchilatchepen kran. Kowa, hoi mukenn tumenge an o shero te djal, hi har nai chochenn un dukrenn i wawaren. Ap tumare dromma atchell phagedo djipen pale.

Jesaja 65:2

Me rikrom o tselo diwes mire wasta win kol menshenge, kai kaman gar ap mande te shunell, un djan i drom, hoi gar mishto hi, un djiwenn pal pengro shero.

Jesaja 66:10

Awenn bachteles o foreha Jerusalem, un giwenn un khelenn leske, tumer lauter, kai les o djijestar kamenn. Awenn bachteles leha, tumer lauter, kai pral leste rowan.

Jeremia 16:17

Mire jaka dikenn halauter, hoi jon krenna. Jon nai khatrenn pen gar glan mande. Lengri doosh hi glan mire jaka tardo.

Jeremia 3:17

An ko tsiro well o foro Jerusalem kharedo: O baro Debleskri beshepaskri. Un i tsele menshe wenn koi khetne. Un jon djan buder gar pal pengro shero un pengro tchilatcho dji.

Ezekiel 38:10

Kawa penell o baro Dewel, maro rai: An ko tsiro well tchomone pre an tiro dji, un tu leh tuke tchilatcho koowa glan.

Ezekiel 39:21

Un me sikrau i menshenge an wawar themma, har baro un railo me hom. Halauter dikenn, har me o tchatchepen win krau pral o Gog, un hawi sorjah dau les un leskre lurden pengri phagi.

Joel 3:2

An ko tsiro tchorau miro ducho ninna win pral i budepangre, mursha har djuwja.

Amos 5:12

Me djinau ko bud tchilatcho koowa, hoi kran tumer. Un dikau, har baro tumari doosh hi. Tumer rikrenn tumen gar pale, latche menshen palla te lell, un mukenn tumen te ginell. Kek tchatchepen denn tumer i tchorwelen.

Zakarie 14:16

Un kolla, kai djides atchan kol menshendar dran i themma, kai his an o kurepen o foreha Jerusalem, kolla wenna hako bersh an Jerusalem, te sharenn le o baro rajes an Jerusalem. Job hi o baro Dewel, ko rai pral o bolepen un i phub. Kote an Jerusalem kamenn le ninna kol bare diwessa te rikrell, kai i menshe an patjengre khera djiwenn.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Mateo 12:25

O Jesus haiwas, hoi an lengro shero trujel djas. Un job penas ap lende: Hako them un hako foro djal paash, kai dui bare raja kurenn pen. Un an jek kheer nashte wenn gar dujen penepaske. Kowa djal gar.

Mateo 9:4

Un o Jesus haiwas, hoi an lengro shero trujel djas. Un job penas ap lende: “Hoske djal sawo tchilatchepen an tumaro shero trujel?

Louka 5:22

Un o Jesus haiwas, hoi jon mashkral pende jaake penan. Un job penas ap lende: “Hoske djal kowa an tumaro shero trujel?

Johanni 17:24

Tata, me kamau, te wenn kolla, kai tu man dal, pash mande, kote, kai me hom, te dikenn le miro railepen un miri soor, hoi tu man dal. Tu kamal man o djijestar, har o bolepen un i phub gar koi his.

Johanni 5:42

Me prindjrau tumen un djinau, kai hi gar o Debleskro kamlepen an tumende.

Remarja 16:26

Kanna well ko drom diklo. Ko dromestar tchinan i Debleskre rakepangre an pengre lila, jaake har o baro Dewel kamas. Kowa djiwella hako tsiro, un kamas i tsele menshendar ap i phub, te patsenn le un shunenn le ap leste.

1. Korintarja 3:20

Hi ninna tchinlo: O Dewel djinella, hoi an i menshengro dji glan djala, kai lengro goswepen tchi molella.

5. Mose 31:21

Palle well bud bibacht un djungelo koowa pral lende. Un jon giwenn koi gili. un koja well gar bistedo lengre tchawendar, un sikrell lende, kai dom len trad, hoi wella, te mukenn le miro drom. Glan te anom len an ko them, koleske me man sowel dom, te anau len koi, prindjrau ko koowa, hoi lenge an o shero trujel djal.”

Hebrearja 4:12

O Debleskro lab hi djido un sorelo, un tchinell sorleder har i charo, hoi tchinell ap dui rigja. Jaake har tchinell i charo dur dren an o mass, ninna an i kokale, jaake tchinell o Debleskro lab dur dren an o mensheskro dji, un sikrell leste, hoi hi latcho un tchilatcho an leskro djipen.

Debleskro tsiro 11:15

Un ko eftato bolepaskro phurdas an peskri phurdepaskri. Koi his i rakepen an o bolepen, un bud dan bari gole, un penan: “Kanna hi o Dewel un leskro tchawo, o Jesus Kristo, i raja pral i tsele menshende ap i phub hako tsireske.”

Debleskro tsiro 2:13

Me djinau, tumer djiwenn kote, kai o beng o rai pral i menshende hi. Tumer rikrenn soreles ap mande, un mukan o patsepen gar, ninna an kol diwessa, har was o Antipas maredo, har job i menshenge mandar penas an tumaro foro, kai o beng djiwella.

Debleskro tsiro 2:2

Me prindjrau lauter, hoi tumer mange kran, tumari tseli phari budi. Tumer dan tumaro patsepen gar pre. Un tumer mukenn gar tchilatche menshe mashkral tumende te well. Un tumer lan kolen an o jak, kai penan, te hi le o Jesuseskre bitchepangre, un jon hi kowa gar. Un tumer haiwan, te chochran le.

Debleskro tsiro 2:9

Me djinau, te lenn le tumen palla. Ninna djinau, har tchorwelo han. Tchatchepah han tumer brawelo! Me djinau ninna, te rakrenn kolla djungeles pral tumende, kai penenn pendar, te hi le Debleskre menshe. Jon hi kek Debleskre menshe. Na-a, jon hi bengeskre menshe.