Jesaja 66:13 - O Debleskro Drom 2021 (Sinte)

¹³ Awa, jaake har i dai peskro tchaweske i swa tele khossell, jaake krau me les tumentsa, un khossau tumare swa tele an o foro Jerusalem.

O Debleskro Lab 2024 (Sinte-Manouche)

¹³ Ava, yaake har i day peskro čaveske i sva tele khossell, yaake krau me les t'mentsa, oun khossau t'mare sva tele an o foro Yerusalem.

Jesaja 66:13 ပူးပေါင်းရင်းမြစ်များ

Debleskri gili 137:6

Miri tchip te atchell pral an miro mui, me te bistraus tut, Jerusalem, me te kamaus tchomone budeder har tut.

Debleskri gili 94:19

Har his mange ropaske, rakral tu latches ap miro dji, un kral les pale soreles.

Jesaja 12:1

I diwes wella, kai i menshe an Jerusalem giwenna: Me sharau tut, baro Dewel! Awa, tu hals chojedo ap mande. Kanna hal buder gar chojedo un rakreh latches mantsa.

Jesaja 40:1

“Rakrenn latches mire menshentsa, un khossenn lengre swa”, penell tumaro Dewel.

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Jesaja 49:13

De gole i bachtjatar, tu bolepen! Ab bachtelo, tu phub! Giwenn, tumer berge! O baro Dewel khossas i swa peskre menshendar tele, un kras peskro dji kolenge pre, kai tele rikedo wan.

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

Jesaja 66:10

Awenn bachteles o foreha Jerusalem, un giwenn un khelenn leske, tumer lauter, kai les o djijestar kamenn. Awenn bachteles leha, tumer lauter, kai pral leste rowan.

2. Korintarja 1:3

Sharas o Debles, o dades maro rajestar, o Jesus Kristestar. Job hi i latcho dad, un les hi i baro dji menge, un mukell men gar kokres.

2. Korintarja 1:4

Ninna te well bud pharo koowa ap mende, hi lo pash mende un krell mare djia soreles, te penas mer kolenge latche laba, ap kolende ninna pharo koowa wella, te wenn jon pale soreles, jaake har kras o Dewel mare djia soreles.

1. Tessalonikarja 2:7

Mer ham o Jesus Kristeskre bitchepangre un nai penams tumenge soreles, hoi te krenn. Kowa kram gar. Na-a, mer hams kamlo ap tumende, har i dai ap peskre tchawende.