Jesaja 66:1 - O Debleskro Drom 2021 (Sinte)

¹ O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

O Debleskro Lab 2024 (Sinte-Manouche)

¹ O baro Devel penell: O bolepen hi miri rayli beshepaskri, oun i phoub i tikno banko, kay me mire herya pre čivau. Havo kheer kamenn t'mer mange pre te čivell, An havo kheer kamenn t'mer, te djivap?

Jesaja 66:1 ပူးပေါင်းရင်းမြစ်များ

1. Rajengro liil 8:27

Nai well tchatcho, kai o Dewel kamell te djiwell ap i phub? O tselo bolepen hi gar bares doha leske. Har nai krals kowa kau kheer, hoi me mukom te krell?

1. Familjakro liil 28:2

Un o baro rai David stas pre un penas: “Mire phrala, murshale mire menshendar, shunenn, hoi penau tumenge! An miro dji his, te krap i kheer, kai well o mochton o deesh labentsa o baro Deblestar dren tchiddo, un kai nai atchell o mochton. Kowa hi har i tikno banko tel i pire maro Deblestar. Un me lom bud koowa khetne kau khereske, hoi kamom pre te tchiwell.

2. Familjakro liil 2:5

Koon nai krell leske i kheer? O tselo bolepen hi gar bares doha leske. Koon palle hom me, te krap leske i kheer? Halauter hoi nai krau, hi, te krap i platsa, kai nai chatchrah sungepaskro koowa glan leste.

2. Familjakro liil 6:18

Nai well tchatcho, kai o Dewel kamell te djiwell pash i menshende ap i phub? O tselo bolepen hi gar bares doha, te rikrell lo tut. Har nai krals kowa kau kheer, hoi me mukom te krell?

Debleskri gili 11:4

O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

Debleskri gili 132:7

Awenn, mer djah an leskro kheer, un perah tele glan o stamin, kai tchiwell lo peskre herja pre.

Debleskri gili 99:9

Hadenn maro baro Debles! Mangenn les an ap leskri berga, kai job djiwella. Maro baro Dewel kokres hi o tchatcho Dewel.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 60:13

Kutch kasht dran o shukar weesh ap i berge Libanon well pash tute anlo, te well miro kheer shukar kerdo. Un jaake sikrau, har railo kai platsa hi, kai tardo hom.

Jeremia 23:24

Kek nai khatrell pes jaake tchorchanes, te dikau les gar, penell o baro Dewel. Kek platsa hi an o bolepen un ap i phub, kai me gar hom. penell o baro Dewel.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Mateo 12:6

Kanna penau me tumenge: Kowa, kai glan tumende tardo hi, kowa hi bareder har o Debleskro baro kheer.

Mateo 24:2

Koi penas lo ap lende: “Kowa, hoi tumer kote lauter dikenna, kowa lauter djal paash. Kate atchell kek bar ap i wawareste.”

Bičepangre 17:24

Ko Dewel kras o bolepen un i phub, un lauter, hoi koi pre hi. Job hi o rai pral o bolepen un i phub. Job djiwell gar an i Debleskre khera, kai i menshe pengre wastentsa kran.