Jesaja 61:9 - O Debleskro Drom 2021 (Sinte)

⁹ Lengre tchawe, kai pal lende wenna, hi prindjedo un an-diklo pash i menshende an hake themma. Un koon len dikell, haiwell: Kolla hi i menshe, ap kolende o baro Dewel peskri bacht tchiwas.

O Debleskro Lab 2024 (Sinte-Manouche)

⁹ Lengre čave, kay pal lende venna, hi prindjedo oun an-diklo pash i menshende an hake themma. Oun koon len dikell, hayvell: Kolla hi i menshe, ap kolende o baro Devel peskri barht čivas.

Jesaja 61:9 ပူးပေါင်းရင်းမြစ်များ

1. Mose 22:18

Tu kral, hoi me tuke penom. Doleske djal koi bacht, hoi dau tire menshende, dureder ap i tsele natsjone, kai ap i phub hi.”

1. Mose 30:27

Koi penas o Laban ap leste: “Ab mange latcho un atch kai! Haiwau, kai o baro Dewel peskri soor un peskri bacht ap mande tchiwella jaake rah, har tu pash mande hal.

Debleskri gili 115:14

Mu dell tumen o baro Dewel bud tchawe, tumenge un tumare tchawenge!

Jesaja 43:5

Ma dare! Me hom tuha! Me anau kolen, kai tutar hi, khere dran i themma, kai kote hi, kai o kham pre djal, un kai o kham tele djal.

Jesaja 44:3

Me tchorau pani ap o them, koles trush hi, un lengste panja nashenn an o truk them. Miro ducho tchorau ap kolende, kai tutar wenna, un miro latchepen ap tire tchawende.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Jesaja 65:23

Jon budrenn gar tchitcheske, un lengre tchawe wenn gar boldo, te merenn le sik. Jon hi menshe, ap kolende o baro Debleskri bacht tchiddo hi, – ap lende, ninna ap lengre tchawende.

Jesaja 66:22

Tumare tchawe un tumaro lab atchenn glan mande, jaake rah har o newo bolepen un i newi phub, hoi me krau, glan mande atchenna, penell o baro Dewel.

Jeremia 31:7

O baro Dewel penell: Giwenn un denn gole i bachtjatar pral o Israel, o pralstuno mank i natsjone! Denn bari gole, hoi was! Sharenn o baro Debles un penenn: O baro Dewel was peskre menshenge ap i rig, kolenge, kai i Israelendar pral atchan!

Zakarie 8:13

Tumer menshe dran o them Juda un dran o them Israel, hans i menshenge an wawar themma har menshe, ap kolende i bibacht tchiddo hi. Kanna krau tumentsa jaake, te dikenn le miri bacht ap tumende. Doleske ma darenn! Krenn tumare wasta soreles!”

Maleachi 3:12

Un i menshe an i tsele themma penenn pral tumende: “Dikenn, har bachteles jon hi! Hawo shukar them len hi!” Ko penell o baro Dewel, ko rai pral o bolepen un i phub.

4. Mose 22:12

O Dewel penas ap o Bileam: “Ma dja lentsa! Ma rake i bibacht pral kol menshende win! Miri bacht un soor hi ap lende tchiddo.”

Bičepangre 3:26

Doleske bitchras o Dewel peskro budepaskres, o Jesuses, glanstunes pash tumende, te anell job tumenge o Debleskri bacht, te djal hakeno tumendar peskro tchilatcho dromestar tele.”