Jesaja 61:2 - O Debleskro Drom 2021 (Sinte)

² Me wom bitchedo, te dap win gole, te was ko bersh, kai sikrell o baro Dewel peskro latchepen ap peskre menshende. Ninna was ko diwes, kai dell maro Dewel hakenes ko tchilatchepen pale, hoi job ap o them Juda kras. Job bitchras man, te khossap i swa tele kolenge, kai kanna rowenn.

O Debleskro Lab 2024 (Sinte-Manouche)

² Me vom bičedo, te dap vin gole, te vas ko bersh, kay sikrell o baro Devel peskro lačepen ap peskre menshende. Ninna vas ko dives, kay dell maro Devel hakenes ko čilačepen pale, hoy yob ap o them Youda kras. Yob bičras man, te khossap i sva tele kolenge, kay kanna rovenn.

Jesaja 61:2 ပူးပေါင်းရင်းမြစ်များ

Jesaja 1:24

Doleske penell o baro Dewel, ko rai pral o bolepen un i phub, kai hi o Israeleskro sorelo Dewel: Dikenn tumen glan! Me dau tumen pale, hoi ap mande kran, tumen, kai kamenn man gar. Miri bari choli well pral tumende, kai krenn lauter wawartchandes, har me kamau.

Jesaja 13:6

Rowenn, o diwes, kai o baro Debleskri choli well, hi buder gar dur. Ap ko diwes anell o sorelo Dewel bari bibacht pral tumende.

Jesaja 2:12

Leskro diwes wella, ko diwes o baro Deblestar, ko rajestar pral o bolepen un i phub. Ap ko diwes well hako pre-phurdo tiknes kerdo, ninna hakeno, kai hadas pes, hakeno kai kras pes bares.

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

Jesaja 34:2

O baro Debles hi i bari choli ap i tsele themma lengre bud lurdentsa. Un job kras pash peste win, te hunte merenn le, un das len an i wasta kolendar, kai marenn len.

Jesaja 34:8

Kawa hi o tsiro, kai o baro Dewel i wawar themma pengri phagi dell, koleske, hoi le ap i menshende ap i berga Zion kran.

Jesaja 35:4

Penenn ap kolende, kolen i dareno dji hi: Awenn sorelo! Un ma darenn! Dikenn, kote hi tumaro Dewel! Job well, te dell lo tumen tumaro tchatchepen un i phagi kolende, kai kran tumenge tchilatchepen. Job well un lell tumen dran lengre wasta win.

Jesaja 40:1

“Rakrenn latches mire menshentsa, un khossenn lengre swa”, penell tumaro Dewel.

Jesaja 49:8

Kawa penell o baro Dewel: Har his o tsiro mishto, shunom ab tiri gole. Har was ko diwes, kai lom tut win dran i bibacht, wom ap tiri rig. Un me dom jak ap tute. Me lom tut: – te wess i drom, kai nai wenn i menshe dran hake themma pash mande, – te tchiwess pale o them pre tardo, – te dess tu lende kol kotja them, hoi lenge hi, un kanna muklo hi,

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jesaja 57:18

Lengre dromma dikom me, un doleske krau jaake: Me krau len sasto, sikrau len o drom, un rakrau latches lentsa. Un kolenge, kai rowenn,

Jesaja 58:5

Patsenn tumer, kai mange mishto hi, te rikrell pes i mensho pale o chapastar, un mukell peskro shero tele te perell har i phagedo shilftikro halmo? Te pandell lo i gono trul peste un beshell pes an i jagakri tchik? Patsenn tumer, sawo koowa hi mishto mange? Hi kowa tchatchepah i diwes, ap koleste me, o baro Dewel, latches dikau?

Jesaja 60:10

Un i wi-themarja tchiwenn tire massurja pale pre, un lengre bare raja wenn tuke pash o wast. An miri choli dom me tut, an miro latchepen lau tut pale pre.

Jesaja 66:14

Tumer dikenn kowa, un tumare djia giwenna. Un tumer lenn newi soor, jaake har o senlepen, te dell brishin. Un i menshe dikenn, te hi o baro Debleskri soor pash peskre budepangre, un leskri choli ap kolende, kai shunenn gar ap leste.

Jeremia 31:13

I terne tcha giwenn un khelenn, awa, i terne un i phure hi khetne bachtelo; lengro ropastar well sapen. Lengre djia, kai rowan, krau pale sorelo un bachtelo.

Jeremia 46:10

Kawa hi o diwes o baro Deblestar, kai hi o rai pral o bolepen un i phub. Ap ko diwes dell lo kolen, kai kamenn les gar, kowa pale, hoi jon ap leskre menshende kran. Leskro charo chal len, bis te hi lo tchalo, un well mato lengro rateha. Jon hi har vieche, kai maredo wenn o baro Debleske, kowa, kai hi o rai pral o bolepen un i phub. Job mukell len mulo te dell pash o pani Eufrat an o them, hoi kote tchiddo hi, kai norden hi.

Micha 3:8

Man hi i bari soor. O baro Dewel tchiwas peskro ducho an mande. un kras miro dji pherdi soor, te rakrap o tchatchepen win, te penap o Jakobeskre tchawenge pengri doosh, awa, te sikrap i Israelenge kai le o Debleskro dromestar tele djan.

Mateo 5:4

Bachtele hi kolla, kai kanna rowenna. O Dewel lell lengri duk dran lengro dji.

Louka 4:19

un te penap i menshenge: Kawa hi ko bersh, kai o Dewel i menshen bachteles krella.

Louka 6:21

Bachtele han tumer, kai kanna bokenna. Tumer wenna tchalo. Bachtele han tumer, kai kanna rowenna. Tumer san pale.

2. Korintarja 6:2

O Dewel penell an peskro lab: “Ap o tchatcho tsiro shunau tut, ap ko diwes lau tut dran o tchilatchepen win un dau tut o newo djipen.” Shunenn, kanna hi o tchatcho tsiro kai! Kanna lell lo tumen dran o tchilatchepen win!

1. Tessalonikarja 2:16

Jon mukenn men gar, te penas mer o latcho lab i wawarenge, kai kek bibolde hi, te nai wenn kolla ninna ap o Debleskro drom. Jaake was i biboldengri doosh jaake baro, bareder djal gar. Un o Debleskri choli was soreles pral lende.