Jesaja 61:1 - O Debleskro Drom 2021 (Sinte)

¹ O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

O Debleskro Lab 2024 (Sinte-Manouche)

¹ O baro Debleskro dourho hi ap mande. O baro Devel rodas man vin oun bičras man, te penap i čorvelenge o lačo lab. te krap i phagede djia sasto, te penap i pandlen, te hi le bouder gar pandlo, oun penap i stilden, te nay djan le vin dran o stilepen.

Jesaja 61:1 ပူးပေါင်းရင်းမြစ်များ

Debleskri gili 102:20

O baro Dewel dikas pral tele dran o pralstunepen, kai lo khere hi. Dran o bolepen dikas lo tele ap i phub,

Debleskri gili 147:3

Kolen, kai lengro dji phagedo hi, krell lo pale sasto, un kolenge, kai dukedo hi, tchiwell lo i pandepen pre.

Debleskri gili 149:4

O baro Dewel dikell latches ap peskre menshende. Job well kolenge ap i rig, kai tele rikedo hi un hadell len pre.

Debleskri gili 2:6

“Ap i berga Zion, kai mange hi, tchiwom me i baro rajes, koles me wi-rodom.”

Debleskri gili 22:26

Tut kamau me te sharell, kote, kai bud khetne wenna. Glan kolende, kai tut an-mangenna, kamau me tuke te dell, hoi sowel dom.

Debleskri gili 25:9

Kolen, kai tele rikedo hi, anell lo ap o tchatcho drom, un sikrell lende, hoi lo lendar kamella.

Debleskri gili 34:18

Te denn kolla ap leste gole, kai rikrenn ap leste, palle shunell len o baro Dewel, un lell len win dran lengri tseli bibacht.

Debleskri gili 45:7

Miro Dewel, tiri rajeskri beshepaskri atchell hako tsireske. Tu hal i tchatcho un latcho rai pral tire menshende.

Debleskri gili 51:17

Baro Dewel, kre miro mui pre, te rakrap, hoi sharell tut!

Debleskri gili 68:7

Kolen, kai kokres hi, anell lo khere, kolen, kai stilde hi, lell lo win dran o stilepen, te djal lenge pale mishto. Hi wawartchandes kolentsa, kai kamenn tchi lestar te djinell: Kolla hunte atchenn an o mulo them.

Debleskri gili 69:32

Kowa hi tuke feteder har te anap tuke i grumni, awa, i sorelo gurum, te well lo tuke chatchedo.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

2. Mose 29:7

Le o makepaskro djet un tchore les pral leskro shero, mak les o Debleske!

Jesaja 29:19

Un o baro Dewel krell kolen pale bachtelo, kai wan tele rikedo. Un i tchorwele giwenn i bachtjatar pral o Israeleskro Debleste.

Jesaja 30:19

Tumer menshe an o foro Jerusalem, kai djiwenn ap i berga Zion, tumer hunte rowenn buder gar. Te denn tumer ap leste gole, hi lo latches ap tumende. Jaake sik har shunell lo tumari gole, rakrell lo ap tumende pale.

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 32:7

O chocheno djal chochene dromma. Tchilatcho koowa lell lo peske glan, un leskro chochepah anell lo doosh ap i tchorwelende, ninna te hi kolla an o tchatchepen.

Jesaja 40:9

Tu, koi berga Zion, hal har i tchai, kai anell i latcho lab. Tu, o foro Jerusalem, hal bitchedo te aness bacht. Dja pre ap i bari berga! De sorjah gole, un ma dare! Dja pre ap i bari berga! Pen ap i forja an o them Juda: “Ake, tumaro Dewel!”

Jesaja 42:1

O baro Dewel penell: Ake, miro budepaskro; les hi miro wast. Me rikrau les, un rodom les mange win, un hom bachtelo pral leste. Miro ducho tchiwom ap leste, te anell lo miro tchatchepen pash i menshende an i tsele themma.

Jesaja 42:7

Tu kress i korelenge i jaka pre, un less i pandlen win dran o stilepen, kai hi le beshdo an i kali rat.

Jesaja 48:16

Stakrenn glan mande, un shunenn kawa! Glan i rah tsiro penom tumenge, hoi wella. Kowa penom gar an i khatepen. Har kowa was, homs koi. Un kanna bitchras man o baro Dewel, maro rai, un das man peskro ducho.

Jesaja 49:9

– te peness i pandlen: Djan win; un kolenge, kai an i kali rat hi: Awenn win! Palle hi le har bakre, hoi chapen hatsenn pash o drom. Un ap o pralstuno them hatsenn le senlepen.

Jesaja 52:7

Har shukar hi, te well kowa pral i berge, kai penell menge latcho newo koowa, un penell: Hi buder kek kurepen. I latcho tsiro was. Tumer han buder gar pandlo. Un ap mende an Zion penell lo: Tiro Dewel hi o baro rai!

Jesaja 52:9

Giwenn khetne i bachtjatar, tumer dran o khetne phagedo foro Jerusalem! O baro Dewel las pes peskre menshenge an, un krell o foro Jerusalem newes.

Jesaja 57:15

Me, o pralstuno, kai hadedo hom, un hako tsiro djiwau, un kokres o tchatcho Dewel hom, penau: Me djiwau an o pralstunepen an miro bolepaskro kheer, un ninna pash o mensheste, kai i phagedo un tele-rikedo dji an leste hi, te dap pale soor koleste, kai tele rikedo hi, un mukap koles pre te djiwell, koleskro dji phagedo hi.

Jesaja 57:18

Lengre dromma dikom me, un doleske krau jaake: Me krau len sasto, sikrau len o drom, un rakrau latches lentsa. Un kolenge, kai rowenn,

Jesaja 59:21

Kawa krau me lentsa win, penell o baro Dewel: Me tchiwom miro ducho ap tumende. Un mire laba, hoi penom tumenge, atchenn pash tumende. Un tumer penenn len dureder ap tumare tchawende, un jon ap pengre tchawende, un kolla ap pengre tchawende. Kowa atchella jaake kanna un hako tsireske. Kowa penau me, o baro Dewel,

Jesaja 66:2

Me, o baro Dewel, krom miro wasteha kowa lauter, hoi koi hi. Un me dikau kamles ap koleste, kai hi tele rikedo un phagedo an peskro dji, un kai darell glan miro lab.

Jeremia 34:8

Kawa hi ko lab, hoi o baro Dewel ap o Jeremia penas, pal ko tsiro, kai o baro rai Zedekja i menshentsa an o foro Jerusalem win kras, te mukenn le i tsele ginle budepangre win,

Jeremia 52:33

Un o Jojachin tchiwas kol ripja pestar krik, hoi les an o stilepen ap leste his, un chas peskro tselo djipen pash o baro rajeste ap leskri chapaskri.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Hosea 6:1

Awenn, te djas pale pash o baro Debleste! Job dukas men, un job krell men pale sasto. Job das men dawa, un job pandell men pale khetne.

Micha 3:8

Man hi i bari soor. O baro Dewel tchiwas peskro ducho an mande. un kras miro dji pherdi soor, te rakrap o tchatchepen win, te penap o Jakobeskre tchawenge pengri doosh, awa, te sikrap i Israelenge kai le o Debleskro dromestar tele djan.

Mateo 11:5

I korele dikenna pale un i bange nashenna pale. I nassele, kai lengro mass ap lende tele merell, kolla wenna sasto. Kolla, kai nai shunan gar, shunenna kanna. I mule wenna djido. I tchorwele shunenn o Debleskro latcho lab.

Mateo 3:16

un taufras o Jesuses. Har o Jesus dran o pani pral djas, djas o bolepen pre. Un job dikas o Debleskro Ducho har i parno tchirklo ap peste tele te well.

Louka 7:22

Un job penas o Johanneskre malenge: “Penenn o Johanneske, hoi tumer dikan un shunan: I korele nai dikenn pale. Un i bange nai djan pale. I nassele, kai lengro mass ap lende tele merell, wenna sasto. Kolla, kai nai shunan gar, nai shunenna pale. I mule wenna djido. Un i tchorwele shunenn o Debleskro latcho lab.

Johanni 1:41

Kowa hatsas peskro phrales Simon, un penas ap leste: “Mer hatsam ko baro rajes, kolestar o Dewel penas, te well job.” Kowa kharella ap grichtikes Kristo.

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Bičepangre 4:27

Tchatchepah, jon wan lauter an kau foro khetne: O Pilato, o Herodes, i Remarja, un i tsele bibolde dran bud themma. Jon hi chojemen ap tiro budepaskro Jesus, kai tutar was. Koles rodal tu win, maro Dewel, te well lo baro rai.

2. Korintarja 3:17

Maro rai Jesus un o Debleskro Ducho hi jek. Te djiwell o Debleskro Ducho an jekeste, hi ko mensho buder gar pandlo, un hunte djal buder gar ap o phuro drom.

2. Korintarja 7:6

Kolen buder kek soor hi, kolen dell o Dewel newi soor. Un job das men newi soor an o dji, har was o Tito pash mende.

Hebrearja 1:9

O tchatchepen kamal tu, un o tchilatchepen dikeh glan i jaka nai gar. Doleske rodas tut tiro Dewel win, te wess tu bareder un bachtleder har kolla, kai pash tute hi.