Jesaja 60:2 - O Debleskro Drom 2021 (Sinte)

² Dik, kalepen tchakrell i phub un tamlepen i wawar themma, pral tute stell o baro Dewel pre, un leskro railepen mukell pes pral tute te dikell.

O Debleskro Lab 2024 (Sinte-Manouche)

² Dik, kalepen čakrell i phoub oun tamlepen i vavar themma, pral toute stell o baro Devel pre, oun leskro raylepen moukell pes pral toute te dikell.

Jesaja 60:2 ပူးပေါင်းရင်းမြစ်များ

1. Rajengro liil 8:11

An koi wolka his o baro Debleskro railepen. O tselo kheer his pherdo railepen o baro Deblestar. Doleske nai atchan i rashaja gar koi, te krenn le pengri budi.

Debleskri gili 102:16

I menshe an i tsele themma trashenn palle glan tute, o baro Debleste. Un i tsele bare raja ap kai phub witsrenn pen tele glan tiro railepen.

Debleskri gili 80:1

I gili o rajeske pral i gipangre, te giwell pash o bashepen ap i shob-dorjengri bashepaskri. Kai gili kras o Asaf.

Jesaja 2:5

Tumer menshe, kai wenn pal o Jakob, awenn, te djas o drom, kai o baro Debleskri momeli men sikrell, har te djiwas.

Jesaja 4:5

Pral i tseli berga Zion un pral kai platsa, kai wenn le khetne, bitchrell o baro Dewel palle jek wolka ap o diwes, un i jagakro ducho an i rati. Jaake tchakrell lo o foro peskro railepah

Jesaja 58:10

Tu dess tiro maro koles, kai bokell, un dess koles, kai les gar doha djipaske hi, lauter, hoi les hunte well. Palle djal tuke o kham pre an o kalepen, kai tu djiweh. Un tiri rati well har o mashkral-diwes.

Jesaja 58:8

Palle well tiro tchatchepen glan har o kham taissarlakro. Un tiro dukepen well sik sasto. Un hakeno dikell ko latcho un tchatcho koowa, hoi kral. Un o baro Dewel djal pal tute peskri sorjah un dell jak ap tute.

Jesaja 62:1

Te dikau tut, Jerusalem, nai rikrau gar miro mui, dran o kamlepen ap tute dau gar pre, bis te lell o foro peskro tchatchepen, un leskri bacht pre djal har o kham un diklo well har i jag an i rati.

Jesaja 66:11

Kanna nai wenn tumer tchalo leskro brawlepastar, jaake har pijell pes i ternepen tchalo pash peskri date, un pijell bachteles jaake bud thud har nai pijell lo.

Jesaja 8:22

un tel pende ap i phub, un hatsenn tchi har daar un tamlepen, awa bari daar un kali rat, kai hi le dren tradedo.

Jeremia 13:16

Hadenn tumaro baro Debles, jaake rah har o diwes hi, un tumen tumare pire gar an o tamlepen ap i berge dukrenna. Ninna te lurenn tumer ap koi momeli, anell o baro Dewel tamlepen un kali rat pral tumende.

Ezekiel 10:4

Un o baro Debleskro railepen, hoi his pral kol bolepangren, hadas pes fun kotar, un djas pash o kheer, kote kai o wudar hi. Un o tselo kheer was pherdo fun koi wolka, un i glanstuni platsa his pherdo o baro Debleskro railepen.

3. Mose 9:23

Un o Mose un o Aron djan pale an o Debleskro plachteno kheer. Un har le pale win wan, rakran le o Debleskri bacht win pral i tsele menshende. Kote sikras pes o baro Debleskro railepen glan i tsele menshende.

4. Mose 16:19

Un o Korach las i tsele menshen khetne ap peskri rig, un was lentsa glan o Debleskro kheer pash o wudar. Koi was o baro Debleskro railepen glan i tsele menshende.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 23:19

Tumer han korelo! Hi o Debleskri chatchepaskri gar budeder moldo har o chapen, hoi ap late tchiddo hi un doleske i Debleskro koowa hi?

Mateo 23:24

Tumer kamenn i wawaren o tchatcho drom te sikrell, un han kokres har i korele, kai tchi dikenna. Tumer trashenn hako tikno koowa, hoi tumen pale-tchiddo krella, un denn gar garda ap kowa, hoi tumen glan o Debleste pale-tchiddo krella.

Johanni 1:1

Har o bolepen un i phub gar koi his, his o Lab koi. Kowa, kai hi o Lab, his pash o Debleste. Un job his o Dewel.

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 1:18

Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

Johanni 8:55

Tumer prindjrenn les gar. Me prindjrau les. Te penaus me, kai prindjrau les gar, woms i chocheno har tumer. Me prindjrau les un krau, hoi job penella.

Bičepangre 14:16

An o phuro tsiro mukas job i menshen, kai kek bibolde hi, jaake te djiwell, har jon kaman.

Bičepangre 17:23

Me djom an tumaro foro trujel, un dikom ko koowa, hoi tumenge mulno hi, un hoi tumer an-mangenna. Un me hatsom i bar, kai anenn le chapen i debleske. Ap ko bar hi tchinlo: Ko debleske, kai prindjrah gar. Un me penau tumenge: Ko Dewel, kones tumer an-mangenna, ninna te prindjrenn les gar, pral koleste rakrau me kanna.

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

2. Korintarja 3:18

Mer lauter, kai patslo ham, dikah o Debleskro railepen jaake mishto, har te dikah an i dikepaskri. Kek diklo hi ap mare jaka tchiddo. Un har mer dikah ap leste, wah mer bud un budeder jaake, har job hi. Kowa krell o Debleskro Ducho an mende.

Kolossarja 1:13

Job las men win dran i wasta kolestar, kai hi o rai pral o tamlepen un o tchilatchepen, te djiwas mer khetne peskro Tchaweha, koles job o djijestar kamella. Kowa hi maro rai,

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.