Jesaja 6:9 - O Debleskro Drom 2021 (Sinte)

⁹ Un job penas: Dja koi, un pen ap kal menshende: Tumer shunenn un shunenn, un haiwenn tchi, un dikenn un dikenn un haiwenn gar, hoi dikan.

O Debleskro Lab 2024 (Sinte-Manouche)

⁹ Oun yob penas: Dja koy, oun pen ap kal menshende: T'mer shounenn oun shounenn, oun hayvenn či, oun dikenn oun dikenn oun hayvenn gar, hoy dikan.

Jesaja 6:9 ပူးပေါင်းရင်းမြစ်များ

Gosewe laba 28:5

Tchilatche menshe haiwenn gar, hoi o tchatchepen hi. Kolla, kai o baro Debles rodenn, kolla haiwenn lauter mishto.

Jesaja 28:13

Doleske haiwenn le gar, hoi o baro Dewel lenge penell. Leskro lab hi lenge tchi wawar koowa har sau koowa, hoi i ternepen rakrell: ba-ba-ba, ma-ma-ma. Jaake te djan le koi un perenn, un phagenn pen i herja, taprenn pen an i dori, un wenn pandlo.

Jesaja 29:10

O baro Dewel tchiwas i sopaskro ducho ap tumende. O Debleskre rakepangre hunte wans tumare jaka, – o Dewel kras len korelo, un i dikepangre dikenn buder tchi, har te wals i diklo trul lengre jaka pandlo.

Jesaja 29:13

O baro Dewel, maro rai, penas: Kal menshe sharenn man labentsa. Lengre tchipja hadenn man. Lengre djia hi dur krik mandar. Te mangenn le man an, rakrenn le palla, hoi lenge glan penlo was.

Jesaja 29:14

Doleske krau kal menshentsa pale sawo koowa, hoi le gar haiwenn, un hoi win dikell, har te wals kowa gar mandar, jaake te atchell lenge o rakepen krik. Lengre gosewe menshe hi palle buder gar gosewo. Un kolla, kai bud haiwan, haiwenn buder tchi.

Jesaja 42:20

Ninna te dikan tumer bud koowa, lan les gar an o dji. Ninna te his tumare kanda pre, shunan gar.

Jesaja 43:8

An kai glan mande kol menshen, kai korele hi, ninna te hi len jaka, un kolen, kai shunenn gar, ninna te hi len kanda!

Jeremia 5:21

Shunenn kai, tumer menshe, kai tumen tchi an o shero hi, kai len jaka hi, un dikenn tchi, kai len kanda hi un shunenn tchi!

Ezekiel 12:2

Tu, mensho, djiweh mank sawe menshende, kai mukenn pen tchi te penell. Kolen hi jaka, te dikenn le, un kamenn tchi te dikell. Un len hi kanda, te shunenn le, un kamenn gar te shunell. Jon mukenn pen tchi te penell.

Hosea 1:9

Un o Dewel penas: De les ko lab Lo-Ammi! I menshe an Israel hi gar mire menshe, un me hom gar lengro Dewel.

Markus 4:12

te nai dikenn le kowa pengre jakentsa, un haiwenn les gar, un te nai shunenn le les, un haiwenn les gar, te wenn le gar pash o Debleste, te lell lo lengri doosh lendar.

Louka 8:10

Penas lo ap lende: “O Dewel mukell tumen te haiwell, har kote djal, kai dell lo menshen pash peste gole, te djan le ap leskro drom. Kowa djinenn i wawar menshe gar. Lenge penau laba, kai o tchatchepen dren khatedo hi. Me rakrau jaake, te dikenn le kowa nai, un haiwenn les gar, un jaake, te shunenn le les nai, un haiwenn les gar.

Johanni 12:40

O Dewel kras, kai dikenn jon nai gar. Un lengro dji kras job pandlo. Kowa kras job, te dikenn jon nai tchi pengre jakentsa, un te djal tchi dren an lengro dji. Te nai mukenn le gar pengro tchilatcho drom un wenn pash o Debleste, te krell lo len sasto.

Remarja 11:8

Jaake hi tchinlo an o Debleskro lab: O Dewel bitchras i sopaskro ducho ap lende, kai kras len khino. Pengre jakentsa dikenn le les gar, un pengre kandentsa shunenn le les gar. Kowa hi jaake bis ap kau diwes.

5. Mose 29:4

40 (star-deesh) bersha djas lo glan tumende an o mulo tato them: Tumare koola djan gar paash, un tumare kircha ap tumare pire nashan pen gar tele.