Jesaja 6:4 - O Debleskro Drom 2021 (Sinte)

⁴ Koi gole lendar mukas i telstune barra o kherestar te trissell. Un o kheer his pherdo jagakro ducho.

O Debleskro Lab 2024 (Sinte-Manouche)

⁴ Koy gole lendar moukas i telstoune barra o kherestar te trissell. Oun o kheer his pherdo yagakro dourho.

Jesaja 6:4 ပူးပေါင်းရင်းမြစ်များ

Debleskri gili 18:8

Koi trissas i phub, pral un tele djan i berge o Debleskri bari choljatar.

2. Mose 40:34

Koi was i wolka ap o Debleskro plachteno kheer. Un o kheer was pherdo railepen o baro Deblestar.

Ezekiel 1:24

Har djan le, dan lengre tchirklengre mussja jaake bari gole, har i sorele panja gole denn. Koi gole his har i gole o sorelo Deblestar, un har koi gole kote, kai bud menshe khetne hi, un har koi gole, hoi bud lurde denn, kai djan an o kurepen. Un te atchan i bolepangre tardo, palle mukan le pengre tchirklengre mussja tele te djal. Un me shunom i bari gole, hoi was dran o bolepen pral lende.

Ezekiel 10:5

Un kol tchirklengre mussja fun kol bolepangre kran jaake bari gole, har te rakrell o sorelo Dewel. Un me shunom lat ninna an koi bari glanstuni platsa.

Ezekiel 41:16

his dren i kashteha tchakedo fun i phub bis pre pash i tikne wochja. Un trul i wochja djan triin shukar sane kashta trujel.

Ezekiel 44:4

Un o mursh anas man pash o wudar, hoi ap i nordetikri rig hi, un djas kote mantsa dren ap koi tikni glanstuni platsa glan o baro Debleskro kheer. Koi dikom, kau kheer his pherdo o baro Debleskro railepen. Un me mukom man ap i phub te perell glan leste.

Amos 9:1

Me dikom o Debles, maro rajes, tardo pash i chatchepaskri an peskro kheer. Un job penas: De ap o pralstuno kotar kol barrendar, kai hidjrenn miro kheer! De jaake soreles, te trissenn ninna i telstune barra, un o tselo kheer an kotja perella, un muk len te perell ap i sherja kal menshendar. Un hoi lendar pral atchell, kamau te marell o chareha. Kek nai nashell peske. Kek atchell djido.

Debleskro tsiro 11:19

Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.

Debleskro tsiro 15:8

Un o Debleskro kheer his pherdo tampa, hoi was dran o Debleskro railepen un soor. Un kek nai djas kote an o Debleskro kheer dren, bis te anan kol efta bolepangre efta kope i bari phagi pral i phub.