Jesaja 6:2 - O Debleskro Drom 2021 (Sinte)

² Jagengre bolepangre his pral leste tardo, hakenes lendar his shob mussja har tchirklengre mussja: dujentsa tchakran le pengre jaka, dujentsa tchakran le pengre pire un dujentsa hadan le pen an o bolepen.

O Debleskro Lab 2024 (Sinte-Manouche)

² Yagengre bolepangre his pral leste tardo, hakenes lendar his shob moussya har čirklengre moussya: douyentsa čakran le pengre yaka, douyentsa čakran le pengre pire oun douyentsa hadan le pen an o bolepen.

Jesaja 6:2 ပူးပေါင်းရင်းမြစ်များ

1. Mose 17:3

Koi mukas pes o Abram ap i phub te perell. Un o Dewel rakras leha un penas:

1. Rajengro liil 19:13

Har o Elija kowa shunas, tchiwas lo peskri plaashka glan peskro mui, djas i kotar glan un atchas tardo an i wudar an koi grotta. Un i rakepen was pash leste, hoi penas: “Hoi kameh tu kate, Elija?”

1. Rajengro liil 22:19

O Micha penas: “Shun, hoi o baro Dewel penell! Me dikom o baro Debles, har job beshdo his ap peskri beshepaskri. Un i tsele bolepangre his pash leste tardo ap leskri tchatchi rig un ap leskri serwi rig.

1. Rajengro liil 6:24

Len his mussja har tchirkle. Haki mussi his dui-te-paash metarja bares. Dui mussja buchles kerdo his khetne pantch metarja buchles jek rigjatar ap i wawar.

1. Rajengro liil 6:27

Un o Salomo tchiwas len mashkral an i kutch isema, jek langs i wawar. Un lengre mussja his jaake buchles, te djas koi mussi jekestar bis ap koi jek massuri un koi mussi o wawarestar bis pash koi wawar massuri. Mashkralstunes wan i mussja khetne.

1. Rajengro liil 8:7

Kal Cherubim kran pengre mussja buchles pral koi platsa, kai o mochton tardo his, un tchakran jaake o mochton un leskre hidjepangre kashta.

Nehemia 9:6

Tu, baro Dewel hal kokres o Dewel! Tu kral o bolepen un leskre tsele bolepangre momlia, un i phub un lauter, hoi ap late hi, ninna o baro pani un lauter, hoi an leste hi. Un tu kral, te djiwell kowa lauter. Un i tsele bolepangre an o bolepen witsrenn pen tele glan tute.

Hiob 1:6

Un was i diwes, kote wan i tsele bolepangre pash o baro Debleste khetne, un tchiwan pen tardo glan leste. Ninna o beng his mashkral lende.

Hiob 15:15

Ninna leskre bolepangren nai patsell lo gar. Un o bolepen hi gar djudjo glan leskre jaka.

Hiob 4:18

O Dewel nai patsell gar peskre budepangren an o bolepen. Un ap leskre bolepangre hatsell lo doosh.

Debleskri gili 103:20

Sharenn o baro Debles, tumer bolepangre, kai han leskre sorele kurepangre, un krenn, hoi job penell, un shunenn ap leskre laba!

Debleskri gili 104:4

O ducho, hoi phurdell tel o bolepen, hi tiro bitchepaskro. Un i jag hi tiro budepaskro.

Debleskri gili 18:10

Un job tserdas o bolepen ap i rig, un was tele. Kali rat his tel leskre herja.

Debleskri gili 89:7

Koon an o bolepen hi jaake har tu, maro baro Dewel? Hawo Dewel nai well jaake har maro baro Dewel?

2. Mose 25:20

Jon hadenn pengre mussja pre, jaake te tchakrenn le o pralstuno kotar. Un lengre shere dikenn pen an. Un lengre jaka dikenn tele ap o pralstuno kotar.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

2. Mose 37:9

Un kol bolepangre hadan pengre mussja pre un tchakran lentsa o pralstuno kotar. Un lengre shere dikan pen an. Un lengre jaka dikan tella ap o pralstuno kotar.

Jesaja 6:6

Un jek kol jagengre bolepangrendar was pash mande. Un job las i jagakri forshetta an leskro wast, un las kolah i kotar kasht, hoi chatchell, o Debleskro chatchepaskri tele.

Ezekiel 1:11

Dui lengre tchirklengre mussja his buchles rikedo un pre hadedo. Un i mussi jekestar tapras koi mussi ko wawarestar. Kol dui wawar tchirklengre mussjentsa tchakran le pen.

Ezekiel 1:24

Har djan le, dan lengre tchirklengre mussja jaake bari gole, har i sorele panja gole denn. Koi gole his har i gole o sorelo Deblestar, un har koi gole kote, kai bud menshe khetne hi, un har koi gole, hoi bud lurde denn, kai djan an o kurepen. Un te atchan i bolepangre tardo, palle mukan le pengre tchirklengre mussja tele te djal. Un me shunom i bari gole, hoi was dran o bolepen pral lende.

Ezekiel 1:4

Un me dikom i baro sorelo phurdepen, hoi was fun kotar kai norden hi, un tradas i bari wolka glan peste. Un jag was win, hoi pre un tele djas. Un o bolepen koi trujel his shukar har o kham. Un mashkral dren his tchomone, hoi dikas win har sonakai, hoi an i jag thodo well.

Ezekiel 1:6

Hakenes lendar his star tchirklengre mussja un i shero, kai ap hake star rigja i mui un jaka his.

Ezekiel 1:9

Kolentsa tapras jek ap o wawareste. Jon djan khetne ap hake rigja, un hunte rissran pen gar. Hakeno dikas glan peste.

Ezekiel 10:16

Te djan kol bolepangre, palle djan ninna kol rade pentsa. Un te kran le pengre tchirklengre mussja pre un buchlo, te hadenn le pen pre i phubjatar, palle atchan ninna i rade ap lengri rig.

Ezekiel 10:21

Hakenes lendar his jaka un i mui ap hake star rigja leskro sherestar. Un hakenes his star tchirklengre mussja, un tel kol tchirklengre mussja har wals len menshengre wasta.

Daniel 7:10

Un i lengsti jag das lestar karje win. Un leske budran serja kope serja. Un deesh-serja kope deesh-serja his glan leste tardo. Un i tchatchepangre raja beshan pen, un i lila wan pre kerdo.

Daniel 9:21

koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

Zakarie 3:4

Un o bolepaskro penas ap kolende, kai glan leste tardo hi: “Lenn kol tchikle koola lestar!” Un ap o Jeshua penas lo: “Me lom tiri doosh tutar, un mukau tuke newe koola te riwell.”

Louka 1:10

Un ap ko tsiro, har chatchras job ko kasht, hoi shukar sungella, his bud menshe win tardo, un mangan o Debles an.

Hebrearja 1:7

Pral peskre bolepangre penas lo: Jon hi mire budepangre, sik har i ducho, hoi phurdell pral i phub, un sorelo har i jag.

Debleskro tsiro 14:6

Un me dikom i wawar bolepaskres dur pral ap o bolepen. Kowa hunte penas i menshenge o latcho lab, hoi atchella un gar pre-herella. Job penas les i tsele menshenge, hoi ap i phub djiwenna, haki natsjona, haki harmenatsjona, hako rakepen, un an hake themma.

Debleskro tsiro 4:8

Un hakenes lendar his shob tchirklengre mussja. Kolla his dren un win pherde jaka. Un jon giwenn o tselo diwes un i tseli rat: Latcho - un tchatcho - har kek wawar - hi o Dewel, ko rai pral halauter. Hako tsiro djiwell lo, kanna, un an ko tsiro, hoi his, un hoi wella.

Debleskro tsiro 7:11

Un i tsele bolepangre his tardo trul o rajeskro beshepaskro un trul i tchatchepangre phurende un trul i star sorele bolepangre. Un jon witsran pen glan o rajeskro beshepaskro tele o mujeha ap i phub, un sharan o Debles.

Debleskro tsiro 8:13

Un me dikom dur pral ap o bolepen i baro tchirkles, un shunom, har job gole das: Bibacht, bibacht, bibacht! Te phurdenn i wawar triin bolepangre an pengre phurdepangren, palle wella i bari bibacht ap kolende, kai ap i phub djiwenna.