Jesaja 59:2 - O Debleskro Drom 2021 (Sinte)

² Na-a, tumari doosh, hoi ap tumende lan, hi tardo mank tumende un tumaro Debleste. Dran ko tchilatchepen, hoi kran, khatrell lo peskre jaka tumendar, un doleske shunell job gar.

O Debleskro Lab 2024 (Sinte-Manouche)

² Na-a, t'mari doosh, hoy ap t'mende lan, hi tardo mank t'mende oun t'maro Debleste. Dran ko čilačepen, hoy kran, khatrell lo peskre yaka t'mendar, oun doleske shounell yob gar.

Jesaja 59:2 ပူးပေါင်းရင်းမြစ်များ

Gosewe laba 15:29

O baro Dewel hi dur krik kolendar, kai tchilatcho hi. Job shunell kowa, hoi kolla lestar mangenna, kai an o tchatchepen tardo hi.

Jesaja 1:15

Un te hadenn tumer tumare wasta pre, te mangenn man an, palle tchakrau me mire jaka tele, te dikap tumen gar. Un ninna te mangenn mandar pale te pale, me shunau tumen gar: Tumare wasta hi pherdo rat.

Jesaja 50:1

Kawa penell o baro Dewel: Kai hi ko liil, hoi me hunte tchinoms, kai dren tardo hi, te mukom me tumari dat? Koon hi kowa, pash koleste man sijaan wals un tumen leske bikroms. Dran tumari doosh han bikedo. Tumer peran miro dromestar tele. Doleske hi tumari dai muklo.

Jesaja 57:17

Lengri doosh his, te lan le gar doha. Pral kowa wom chojedo, un koleske dom me len, khatrom man glan lende un choirom man. Un jon djan dureder ap pengro drom un wan gar pale pash mande.

Jesaja 58:4

Ap ko diwes, kai chan mange tchi, tchingrenn tumen un kurenn tumen, un denn i tchilatcho wasteha dren. An kau tsiro, kai chan mange tchi un krenn sawo tchilatcho koowa, nai wenn tumer gar shunlo an o bolepen.

Jeremia 5:25

Tumari doosh, hoi ap tumende anan, un ko tchilatchepen, hoi krenna, rikras ko latchepen tumendar pale, jaake te wan phare tsirja ap tumende.

Ropaskre gilja 1:8

Jerusalem anas doosh ap peste, doleske hi kau foro har i chatchedi djuwel. Halauter, kai hadan lat an o bolepen, praassenn lat kanna. Jon dikenn, har nango joi hi. Joi rowella un khatrell peskro mui.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Micha 3:4

Doleske shunell o baro Dewel gar ap tumende ap ko diwes, kai denn tumer gole ap leste. Job sikrell tumende o dumo ko tselo tchilatchepaske, hoi kran.

Josua 7:11

O Israel anas bari doosh ap peste! Jon rikran pen gar ap mire laba, hoi lenge penom, te hunte rikrenn le. Un jon lan kolestar, hoi mange his un tchoran les un tchiwan les tchorchanes pash pengro koowa pashel.

1. Samuel 4:3

Un har i lurde pale ap pengri platsa wan, putchan i phureder dran Israel: “Hoske kras o baro Dewel, te dan men i Filistarja kau diwes? Mer te las o mochton dran Shilo pash mende, kai o Debleskre deesh laba dren hi. Palle hi o baro Dewel mashkral mende, un lell men win dran i wasta kolendar, kai kurenn pen mentsa.”