Jesaja 57:2 - O Debleskro Drom 2021 (Sinte)

² Job djal kote, kai leske mishto djal. Kek darjah hi kolla an pengre tchibja tchiddo, kai pengro drom an o tchatchepen djan.

O Debleskro Lab 2024 (Sinte-Manouche)

² Yob djal kote, kay leske mishto djal. Kek daryah hi kolla an pengre čibya čiddo, kay pengro drom an o čačepen djan.

Jesaja 57:2 ပူးပေါင်းရင်းမြစ်များ

1. Mose 17:1

O Abram his 99 (enja-deesh-te-enja) bersh phuro. Koi mukas pes o baro Dewel glan leste te dikell, un penas ap leste: “Me hom o sorelo Dewel. Dja ap miro drom, te hatsap kek tchilatchepen ap tute!

2. Familjakro liil 16:14

un was paskedo an peskri barrengri grufta, hoi mukas job peske win te dell an o Davideskro foro. Un jon tchiwan les ap i tchiben, kai bud latcho sungepaskro koowa un sungepaskro djet dren his, hoi kolla kran, kai haiwan pen mishto koi pre. Un jon kran i bari jag, te sharenn le les.

Hiob 3:17

Kote mukenn i tchilatche tele pengri diwji goljatar. Kote nai sowenn kolla, kai hunte maran pen tele.

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 14:18

I tsele themengre raja wan shukar paskedo, hakeno an peskro mulengro kheer.

Jesaja 26:7

Tu kreh kolenge, kai o tchatchepen krenn, o drom, un leh krik, hoi lenge an o drom tchiddo hi.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Ezekiel 32:25

Mashkral kolende, kai wan maredo, hi le tchiddo pengre tsele menshentsa. Trul leste trujel hi le paskedo. jon halauter, kai gar tchinle hi ap pengro mass, un o chareha maredo wan. Har le djido his, his i wawaren bari daar lendar. Kanna hunte hidjrenn le pengri ladj khetne kol wawarentsa an o mulengro them, un hunte wenn tchiddo mank kolende, kai o chareha maredo wan.

Daniel 12:13

Un tu, Daniel, atch o Debleha tiro tselo djipen! Un palle sob! Te hi kai phubjakro tsiro trujel, steh tu pale pre o djipaske un leh tiro brawlepen.”

Mateo 25:21

Penas o rai ap leste: Kowa kral tu mishto. Tu hal i latcho budepaskro. Me dom tut i tikni budi, un tu kral kai budi mishto. Doleske dau me kanna bud koowa an tire wasta. Ab an miro kheer dren, te wess tu mantsa bachteles!

Louka 1:6

O Zachari un i Elisabet his latcho an o Debleskre jaka. Un jon shunan ap o Debleste, un kran lauter, hoi an o Debleskro lab tchinlo his.

Louka 16:22

O diwes was, kai ko tchorwelo meras. Un i bolepangre anan les an o bolepen, te beshas lo pes pash o Abraham. I tsiro koi pre meras ninna ko brawelo, un las i shukar paskepen.

Louka 2:29

“Miro Dewel, miro rai, kanna nai merau me an o latchepen, jaake har tu penal.

Louka 7:50

O Jesus penas ap late: “Tu patseh ap mande. Doleske hi tiri doosh tutar krik lino. Dja mo Debleha!”

2. Korintarja 5:1

Mer djinah, maro djipen ap kai phub atchell gar. Pal maro merepen lah i newo trupo. Ko newo trupo hi har i kheer, hoi kras o Dewel un kek mensho. Ko kheer atchell hako tsiro an o bolepen.

2. Korintarja 5:8

Tchatchepah, maro dji hi sorelo, un mer kamams, te mukas i phub, te was khere pash o Debleste.

Filiparja 1:23

Awa, me djinau gar, hoi feteder hi. Ap jek rig kamaus te merap un te wap pash o Jesus Kristeste. Kowa wals mange feteder.

Debleskro tsiro 14:13

Un me shunom, har i rakepen dran o bolepen penas: “Tchin kowa an i liil dren: Kanna un an ko tsiro, hoi wella, hi kolla bachtele, kai merenna un rikran soreles pengro patsepen ap o rajeste, o Jesuseste.” “Awa,” penell o Debleskro Ducho, “lenge djal latches, un jon bistrenn pengri tseli phari budi. Kowa, hoi jon kran o Debleske hi gar bistedo an o bolepen.”