Jesaja 57:14 - O Debleskro Drom 2021 (Sinte)

¹⁴ O baro Dewel penell: Krenn o drom! Krenn o drom! Krenn mire menshenge o drom! Lenn halauter krik, hoi lenge ap o drom tchiddo hi!

O Debleskro Lab 2024 (Sinte-Manouche)

¹⁴ O baro Devel penell: Krenn o drom! Krenn o drom! Krenn mire menshenge o drom! Lenn halauter krik, hoy lenge ap o drom čiddo hi!

Jesaja 57:14 ပူးပေါင်းရင်းမြစ်များ

Debleskri gili 68:4

Hi wawartchandes kolentsa, kai an o tchatchepen tardo hi: Jon wenn bachtelo, stenn un sanenn i bachtjatar glan o Debleste.

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Jesaja 40:3

Shunenn! Koi dell jek gole: “Krenn o baro Debleske o drom an o mulo tato them, te nai well lo pash i menshende! Lenn halauter krik, hoi maro Debleske an o drom tchiddo hi!

Jesaja 49:11

Mank mire tsele berge krau i drom, un mire dromma djan pral lende wergel.

Jesaja 62:10

Murshale an o foro Jerusalem, djan win dran o foreskre wudja! Djan win! Krenn i drom i menshenge, kai khere wenn! Krenn o drom tchatcho! Lenn kol barra krik! Krenn ko drom djudjo! Hadenn i sikepen pre i menshenge dran wawar themma!

Jeremia 18:15

har mire menshe man bistran. Jon anenn viechen un sungepaskro koowa kol deblenge, kai kek hi. Kolla anan len o phureder drom tele, un mukenn len ap i djungele dromma te djal.

Remarja 14:13

Doleske hunte penell kek mendar ap o wawareste: “Tu djal gar mishto ap o Debleskro drom.” Denn jak, te tchiwenn tumer i wawar patsleske tchi an o drom, jaake te djinell lo buder gar, har te djal lo ap o Debleskro drom.

1. Korintarja 1:23

Mer penah i menshenge, kai o Jesus Kristo ap o trushel hunte meras. Pral kowa hi i bibolde chojemen. Un i wawar menshenge hi kowa dinlepen.

1. Korintarja 8:13

Doleske, te dikell miro phraal, kai chau ko mass, un doleske well lo o Debleskro dromestar tele, palle kamoms me miro tselo djipen buder kek mass te chal.

1. Korintarja 8:9

Kowa hi tumaro koowa, hoi tumer krenna. Ninna te hi kowa jaake, denn jak ap kolende, kai gomme gar soreles an o patsepen hi, te perenn jon gar o Debleskro dromestar tele!

2. Korintarja 6:3

Kowa hi ap miro dji, te djiwas jaake, te hatsell kek i doosh ap mende, te rakrell nai kek djungeles pral mari budi.

Hebrearja 12:13

Atchenn ap o tchatcho drom, te wenn kolla, kai gar sorelo hi, sasto an o patsepen, un te perenn le gar ko dromestar tele!