Jesaja 56:2 - O Debleskro Drom 2021 (Sinte)

² Mishto djal ko mensheske, kai djiwell jaake, un rikrell pes soreles ap mire laba: kowa, kai rikrell o Debleskro diwes dren un budrell gar ap leste; un kowa, kai rikrell peskro wast pale, te krell lo tchilatcho koowa.

O Debleskro Lab 2024 (Sinte-Manouche)

² Mishto djal ko mensheske, kay djivell yaake, oun rikrell pes zoreles ap mire laba: kova, kay rikrell o Debleskro dives dren oun boudrell gar ap leste; oun kova, kay rikrell peskro vast pale, te krell lo čilačo koova.

Jesaja 56:2 ပူးပေါင်းရင်းမြစ်များ

Nehemia 13:17

Kote tchingrom ap i pralstunende an Juda un putchom lendar, hoi kowa te well. “Tumer lenn o Debleske leskro diwes krik”, penom me. “Ko diwes, kai leske kokres hi.

Debleskri gili 106:3

Bachteles hi kolla, kai leskre laba rikrenna, un hako tsiro o tchatchepen krenna.

Debleskri gili 112:1

Sharedo well o baro Dewel! Bachtelo hi kowa, kai djiwell o baro Debleha, un rikrell pes o tselo djijestar ap leskre laba.

Debleskri gili 119:101

Hako tchilatcho dromestar rikrom mire herja pale, te rikrap tiro lab.

Debleskri gili 128:1

I gili te giwell ap o drom an Jerusalem. Bachtelo hi hakeno, kai djiwell o baro Debleha, un djal ap leskro drom.

Debleskri gili 34:14

Palle denn garda ap tumari tchip, te rakrell li kek tchilatchepen un kek chochepen!

Debleskri gili 37:27

Muk o tchilatchepen pal tute, un kre o latchepen! Palle nai atcheh hako tsireske khere an o them.

2. Mose 20:10

O eftato diwes hi mange, tiro baro Debleske. Ap ko diwes kress tu kek budi, witar gar tire tchawe un tcha, witar gar tiro budepaskro un tiri budepaskretsa, witar gar tire vieche, witar gar kol wi-themarja, kai an tiro foro djiwenna.

2. Mose 20:8

Ma biste, kai o eftato diwes o Debleskro diwes hi!

Gosewe laba 14:16

O gosewo darella un rikrell pes pale o tchilatchepastar. O dinelo well sik chojedo un patsell, te nai djal leske kek tchilatchepen.

Gosewe laba 16:17

Kolla, kai ap o tchatcho drom djan, atchenn dur krik o tchilatchepastar. Koon jak dell, hawo drom job djal, kowa dell jak ap peskro djipen.

Gosewe laba 16:6

Ab latches un rike pash o Debleste, un job bistrell tiri doosh. Te djiweh leha, rikreh tut pale o tchilatchepastar.

Gosewe laba 4:13

Atch pash kowa, hoi tuke siklo was, muk kowa gar! Rike tut ap kol gosewe laba! Dran lende well tut i latcho djipen.

Gosewe laba 4:27

Dja gar tele kau dromestar, gar tchatches un gar serwes. Rike tire herja pale o tchilatcho dromestar!

Sikepaskro 7:18

Mishto hi, te rikreh tut ap ko jek lab, un bistreh witar gar ko wawar lab. Koon djiwell o Debleha, rikrell pes ap kowa lauter.

Jesaja 56:4

Leske penell o baro Dewel: Te rikreh tu o Debleskro diwes dren, un kameh kowa te krell, hoi mange mishto hi, un rikreh tut ap kol laba, hoi mire menshendar win krom,

Jesaja 56:6

Un kol wi-themarja, kai djan ap o baro Debleskro drom, un hi leske koi, un kamenn les pengro tselo djijeha, un kamenn leskre budepangre te well, hakeno, kai rikrell o Debleskro diwes dren un budrell gar ap leste, un rikrell pes ap kol laba, hoi mire menshentsa win krom,

Jesaja 58:13

Te rikreh tire herja pale, te djas gar ap i budi ap o Debleskro diwes, un djah gar i lowenge palla ap ko diwes, hoi mange hi, un peneh: Kowa hi miro shukeder diwes, kai sharau o baro Debles un mangau les an, te shareh les tu jaake, te djas gar ap i budi un kek lowenge palla, un kreh kek bare laba,

Ezekiel 20:12

Ninna tchiwom o diwes dren, hoi mange hi, kai hunte budrenn le gar. Ko diwes his o sikepen koleske, hoi win kram. Jaake kamom, te djinenn i Israelitarja, kai me, o baro Dewel, rodom len mange win, te wenn le mire menshe.

Ezekiel 20:20

Un rikrenn o Debleskro diwes dren, te krenn kek budi ap leste. Ko diwes hi i sikepen koleske, hoi win kram, te djinenn tumer, te hom me, o baro Dewel, tumaro Dewel.

3. Mose 19:30

Rikrenn mire Debleskre diwessa dren, un anenn kek ladj ap miro kheer. Me hom o baro Dewel.

Louka 11:28

Koi penas lo: “Bachtele hi kolla, kai ap o Debleskro lab shunenna, un kowa ninna krenna, hoi o Dewel penella.”

Louka 12:43

Bachtelo hi job, te well peskro rai pale un dikell, kai job peskri budi mishto kras.

Johanni 13:17

Tumer djinenn kowa kanna halauter. Te krenn tumer kowa, han bachtelo.

Remarja 12:9

An tumaro kamlepen hunte well kek chochepen! Mukenn o tchilatchepen un krenn o latchepen!

Debleskro tsiro 22:14

Bachtele hi kolla, kai pengre ripja djudjes thowenna. Jon nai chan ko rukestar, hoi o djipen della, un nai djan an kol bare wudja an ko foro dren.