Jesaja 54:8 - O Debleskro Drom 2021 (Sinte)

⁸ Har miri choli pral keras, rissrom me man tutar tele i tikno tsireske. Miro latchepen tuke herell gar pre. Doleske krau miro dji tuke bares pre, penell o baro Dewel, kowa kai tut dran o pandepen win lell.

O Debleskro Lab 2024 (Sinte-Manouche)

⁸ Har miri rholi pral keras, rissrom me man toutar tele i tikno tsireske. Miro lačepen touke herell gar pre. Doleske krau miro dji touke bares pre, penell o baro Devel, kova kay tout dran o pandepen vin lell.

Jesaja 54:8 ပူးပေါင်းရင်းမြစ်များ

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 103:4

kowa, kai man dran o merepen win lella, kowa, kai peskro latchepen un kamlepen pral mande win tchorella,

Debleskri gili 13:1

I gili o rajeske pral i gipangre. O David kras kai gili.

Debleskri gili 27:9

Ma dja tuke mandar! Bitche man, tiro budepaskres, gar tutar krik an tiri choli! Tu hal kowa, kai was mange ap i rig hako tsiro. Miro Dewel, tu hal kowa, kai man win lell. Ma muk man! Ma de man pre!

Debleskri gili 30:5

Bashrenn o baro Debleske, tumer, kai han leskro! Sharenn les, un bistrenn gar, te hi lo o Dewel.

Jesaja 14:1

O baro Dewel krell peskro dji peskre menshenge pre. Un pale rodell lo peske i Israelitarjen win, un mukell len an pengro them te djiwell. Un wi-themarja wenna un djiwenna khetne lentsa.

Jesaja 26:20

Tumer, mire menshe, djan an tumare khera! Pandenn i wudja pal tumende! Khatrenn tumen i tikno tsiro, bis te i choli trujel hi.

Jesaja 40:27

Hoske penenn tumer Israelitarja, tumer, kai wenna pal o Jakob: “O baro Dewel prindjrell men buder gar. Maro Dewel dikell gar koi pre, te well men maro tchatchepen.”

Jesaja 45:15

Tchatchepah, tu hal i Dewel, kai rikrell pes khatedo, tu o Dewel pral o Israel, tu leh dran o tchilatchepen win!

Jesaja 47:6

Me homs chojedo pral mire menshende, un tchiwom len pale mandar, har te wans le buder gar mire, un dom len an tiro wast. Un tut his kek dji lenge. Ninna ap i phurende tchiwal tu tiro pharo wast un dal len phari budi.

Jesaja 48:17

O baro Dewel, kowa, kai tut, Israel, win las dran o pandepen, job, o tchatcho Dewel, hi o Israeleskro Dewel un penell: Me, o baro Dewel, hom tiro Dewel, kowa, kai tute sikrell, hoi tuke mishto hi, un ap hawo drom tu hunte djas.

Jesaja 49:10

Jon bokenna gar un trushenna witar gar. Un o tato ducho dran o mulo them dukrell len gar, witar gar dell len o kham tchurje. Me, kai man i baro dji lenge hi, sikrau lenge o drom, un anau len pash shila pani, te nai pijenn le.

Jesaja 49:13

De gole i bachtjatar, tu bolepen! Ab bachtelo, tu phub! Giwenn, tumer berge! O baro Dewel khossas i swa peskre menshendar tele, un kras peskro dji kolenge pre, kai tele rikedo wan.

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jesaja 54:10

I berge nai djan ap i rig, un i tikne berge nai perenn khetne, miro latchepen, kowa djal gar tutar, un kowa, hoi win kram, te ham mer mala, atchell tardo. Kowa penau me, o baro Dewel, kai peskro dji tuke pre kras.

Jesaja 54:5

Kowa, kai tut kras, hi kanna tiro rom. ‘Baro Dewel, rai pral o bolepen un i phub’ hi leskro lab. Job ginas tut win dran o pandepen, un hi o Israeleskro tchatcho Dewel. Job well kharedo: O Dewel pral i tseli phub.

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jesaja 60:10

Un i wi-themarja tchiwenn tire massurja pale pre, un lengre bare raja wenn tuke pash o wast. An miri choli dom me tut, an miro latchepen lau tut pale pre.

Jesaja 63:7

Me kamau te rakrap pral o Debleskro latchepen, ko baro koowa, hoi o baro Dewel halauter menge kras, un ko tselo latcho koowa, hoi mukas lo ap o kheer Israel te well. Les hi lenge i baro dji un hi lenge jaake latches.

Jesaja 64:7

Kanna, baro Dewel, tu maro dad, mer ham har i loli phub, dran kolate tu i tcharo chatcheh. Tire wasta kran men halauter.

Jesaja 8:17

Me kamau ap o baro Debleste te dikell. Miro dji djal leske palla, ninna te khatras lo peskre jaka o Jakobeskre menshendar.

Jeremia 31:3

O baro Dewel sikras pes mande fun dural: Me kamom tut hako tsiro, doleske tserdom tut pash mande dran miro latchepen.

Jeremia 33:26

jaake tchiwau me gar mire menshen pale, kai wenna pal o David, kowa, kai mange koi his, un pal o Jakobeskre wawar tchawende. Dran o Davideskro kheer lau jekes, kai well o baro rai pral i menshende, kai wenna pal o Abraham, o Isaak un o Jakob. Me krau te well mire menshenge halauter pale mishto. Un me krau miro dji lenge pre.

Jeremia 51:5

I Babilonarja kran baro tchilatchepen ap o Israeleskro Debleste. O Israel un o Juda wan gar muklo pengro Deblestar, ko baro Deblestar, kai hi o rai pral o bolepen un i phub.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Habakuk 3:2

Baro Dewel, me shunom, hoi tu lauter kral, Har baro hal tu, baro Dewel! Kre sawo koowa pale an maro tsiro, sawo baro koowa, muk les men ninna te dikell an maro tsiro! An tiri choli biste gar tiro kamlepen!

Zakarie 1:15

un man hi i bari choli pral i pre-phurde themma. Miri choli ap mire menshende his gar jaake baro, har kowa, hoi kol wawar themma lentsa kran.”

Zakarie 1:16

Doleske penell o baro Dewel: “Me krau miro dji pale pre pral i menshende an o foro Jerusalem. Kote te well miro kheer pale pre tardo, un o foro pale newes kerdo.”

Zakarie 10:6

Un me krau o kheer Juda soreles, un wau ap i rig kolenge dran o kheer Josef. Man hi i baro dji lenge, un mukau len pale te djal an pengro them. Te wenn le jaake har jon his, har krom len gomme gar pale-tchiddo. Me, o baro Dewel, hom lengro Dewel un shunau lengro mangepen.

2. Tessalonikarja 2:16

O Dewel hi maro dad un kamell men o djijestar. Job hi menge latcho, un penell menge an o dji, te kras lo lauter menge mishto, un te lell lo men pash peste hako tsireske. Lestar mangah un maro rajestar, o Jesus Kristestar,

1. Timoteo 1:16

Me krom bareder tchilatchepen har hako wawar. Un ninna man las o Dewel dran miro tchilatcho djipen win, te nai sikrell o Jesus Kristo ap mande, har bud job i menshen kamella, jaake, te patsenn i menshe ap leste, un lenna ko djipen, hoi gar pre-herella.