Jesaja 53:8 - O Debleskro Drom 2021 (Sinte)

⁸ Job was stildo un glan i tchatchepangre anlo un krik lino, te well lo maredo. Un kek nai rakrell leskre tchawendar, kai pal leste wenna. I doshake mire menshendar was job win tserdedo dran o them, kai i djide djiwenn.

O Debleskro Lab 2024 (Sinte-Manouche)

⁸ Yob vas stildo oun glan i čačepangre anlo oun krik lino, te vell lo maredo. Oun kek nay rakrell leskre čavendar, kay pal leste venna. I doshake mire menshendar vas yob vin tserdedo dran o them, kay i djide djivenn.

Jesaja 53:8 ပူးပေါင်းရင်းမြစ်များ

Debleskri gili 69:12

Har riwom i gono an, te sikrap har pharo miro dji hi, kran le i sapaskri gili pral mande.

Debleskri gili 88:5

Hom lauterenge har jek, kai ap o merepen tchiddo hi. Hom har i mursh, koles kek soor buder hi.

Jesaja 53:12

Doleske dau me les i platsa mank i bare un sorele rajende. Doleske, te das job peskro djipen an o merepen. Ninna te dikan i menshe ap leste, har te wals lo i tchilatcho, las job i doosh kol budendar ap peste, un mangas o Debles i tchilatchenge.

Jesaja 53:5

Mari doosh his kowa, kolake job dukedo was. Un koleske, hoi mer tchilatches kram, was job khetne dino. I phagi his ap leste tchiddo, te djas menge mishto. Job was dukedo, te was mer sasto.

Jeremia 11:19

Me homs har i terno bakro, kai djinell gar, te well lo kote anlo, kai well lo maredo. Jaake djinom gar, kai rakran le khetne, har te krenn le mange tchilatchepen. Jon penan mandar, har te woms i ruk: Mer dah ko ruk tele, jaake rah har hi lo sasto. Maras les, te well lo bistedo!

Ropaskre gilja 3:54

Pani djas pral miro shero; kote penom: Kanna hom nashedo.

Daniel 9:26

Un pal kol efta kope 62 (shob-deesh-te-dui) bersha well ko rai maredo, kai o Deblestar bitchedo was. Un kek his ap leskri rig tardo. Un palle wenna lurde jek rajestar, kai gomme wella, un denn o fores un o Debleskro kheer paash. Un jon djan tele har an i baro pani. Un jaake rah har i phub gomme koi hi, atchell kurepen un marepen. Kowa hi i wi-kerdo koowa.

Mateo 1:1

Kawa hi o liil, hoi sikrella, koon o Jesus Kristeskre phure his. Mank lende his o David un o Abraham.

Johanni 19:7

“Pal maro biboldengro tchatchepen hunte well lo mulo dino,” penan i bibolde ap o Pilato. “Job penas, kai hi lo o Debleskro tchawo.”

Bičepangre 8:33

Jon kran leha, har te wals lo tchi moldo un rakran gar o tchatchepen, har anan le les glan i tchatchepangre. Kek nai rakrell leskre tchawendar. Leskro djipen was kai phubjatar krik lino.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.