Jesaja 53:6 - O Debleskro Drom 2021 (Sinte)

⁶ Mer halauter hams har bakre, kai nashan pen. Hakeno djas ap peskro drom. O baro Dewel mukas ap leste mari tseli doosh te perell.

O Debleskro Lab 2024 (Sinte-Manouche)

⁶ Mer halauter hams har bakre, kay nashan pen. Hakeno djas ap peskro drom. O baro Devel moukas ap leste mari tseli doosh te perell.

Jesaja 53:6 ပူးပေါင်းရင်းမြစ်များ

1. Mose 22:6

O Abraham las ko kasht chatchepaske, un das ko kasht peskro tchaweste te hidjrell. Job kokres las i jag un i tchuri. Jaake djan jon dui khetne dureder.

Debleskri gili 119:176

Me hom har i bakro, hoi nashedo djas. Rode man, tiro budepaskres, me bistrom tire laba gar!

Debleskri gili 69:4

Me dom gole, bis te man kek soor buder an mande his, un miri meen dukas. Mire jaka wan khino, jaake rah dikau pal miro Debleste.

Jesaja 40:2

“Rakrenn i menshenge an Jerusalem an o dji, un penenn lenge: Ko tsiro hi trujel, kai hunte budran tel duka un dawa. Tumari tseli doosh hi plaissedo. O baro Dewel das tumen i phagi, hoi his jaake baro, har te lans dui kope i phagi tumaro tselo tchilatchepaske.”

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jesaja 53:12

Doleske dau me les i platsa mank i bare un sorele rajende. Doleske, te das job peskro djipen an o merepen. Ninna te dikan i menshe ap leste, har te wals lo i tchilatcho, las job i doosh kol budendar ap peste, un mangas o Debles i tchilatchenge.

Jesaja 53:5

Mari doosh his kowa, kolake job dukedo was. Un koleske, hoi mer tchilatches kram, was job khetne dino. I phagi his ap leste tchiddo, te djas menge mishto. Job was dukedo, te was mer sasto.

Jesaja 53:7

Job was phares dino, un rikras kowa win, un das kek gole. Har sau terno bakro his lo, koles jek koi anella te well lo maredo. Un har sau bakro, hoi gar gole dell, te wenn lestar i balla tele tchinlo. Jaake kras job peskro mui gar pre.

Jesaja 55:7

Koon kamas tchi o Deblestar te djinell, kowa te djal kanna peskro tchilatcho dromestar tele! Un kowa, kai tchilatcho koowa an peskro shero hi, job te mukell sawo koowa, un well pale pash maro baro Debleste, jaake te krell job peskro dji leske pre, un lell leskri doosh krik.

Jesaja 55:8

O baro Dewel penell: Kowa, hoi mange an o shero djal, hi gar kowa, hoi tumenge an tumare sherja djal. Un tumare dromma hi gar mire dromma.

Jesaja 56:11

Bud chapen kamenn le, un lenn gar doha. Jaake hi kolla, kai ap mire menshende jak denn. Jon haiwenn tchi, hakeno dikell ap peste kokres, un rodell, har nai anell lo peskre lowe khetne.

Jesaja 6:7

Un ko kasht, hoi chatchell, rikras lo ap miro mui, un penas: “Dik kawa was ap tiro mui, un jaake hunte djas tiri doosh tutar krik, un ko tchilatchepen, hoi tu kral, hi tutar krik lino.”

Jesaja 66:3

Kowa, kai mange i gurum marell, marell ninna i menshes i chocheno debleske. Kowa, kai mange i terno bakro temerl dell, marell ninna i djukles i chocheno debleske. Kowa, kai mange chapen glan anell, anell ninna balengro rat i chocheno debleske. Kowa, kai mange sungepaskro koowa chatchrell, parkrell pes ninna pash i chocheno debleste. Jon djan pengre dromma jaake har jon les kamenna. Un shukar hi an lengre jaka, hoi an mire jaka djungeles hi.

Jeremia 50:6

Mire menshe hi har nashede bakre. Lengre bakrengre anan len o tchatcho dromestar tele. Jaake nashran le pen ap i berge. Pral tikne un bare berge hunte nashan le, un bistran, kai le khere hi.

Ezekiel 3:18

Te penau me ap i tchilatcheste: Tu hunte meress! Palle hunte peness tu leske kowa, un dess les trad, jaake te nai djal lo peskro tchilatcho dromestar tele, un atchell djido. Te peneh tchi, lell lo peskri phagi un hunte merell. Ap tute penau me palle: Tut hi doosh ap leskro merepen.

Daniel 9:5

Mer anam bari doosh ap mende, kram, hoi gar mishto hi, atcham gar tuha un mukam tiro drom. Mer djiwam gar pal tire laba un pal tiro tchatchepen.

Remarja 4:25

O Jesus Kristo hi kowa, koles o Dewel bitchras, te merell lo menge, un te lell lo mari doosh mendar krik. Un o Dewel kras les i mulendar djido, te nai krell lo men tchatcho glan leste.

Jakobo 5:20

palle las kawa les dran o merepen win, te djal job gar nashedo. Un leskri bud doosh hi lestar krik lino.

1. Petro 2:25

Tumer hans har bakre, kai nashran pen. Kanna anas tumen o Jesus Kristo pale ap o tchatcho drom. Job hi tumenge har i bakrengro, un dell garda ap tumende.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

Čačepangre 21:25

An ko tsiro his kek baro rai pral i Israelitarja. Hakeno kras, hoi an leskre jaka mishto his.