Jesaja 53:4 - O Debleskro Drom 2021 (Sinte)

⁴ Tchatchepah, maro nasslepen, hoi menge his, las job ap peste. Un mare duka tchiwas lo ap peste. Mer patsam, te his leskri doosh, un kai o Dewel das les un phagas les.

O Debleskro Lab 2024 (Sinte-Manouche)

⁴ Čačepah, maro nasslepen, hoy menge his, las yob ap peste. Oun mare douka čivas lo ap peste. Mer patsam, te his leskri doosh, oun kay o Devel das les oun phagas les.

Jesaja 53:4 ပူးပေါင်းရင်းမြစ်များ

Debleskri gili 69:26

Mu well koi platsa paash dino, kai lengre plachtene khera tardo hi, te djiwell buder kek mensho koi.

Debleskri gili 69:27

Jon lenn koles palla, koles tu dal, un lenge hi shukar, te rakrenn le pral i duka un dawa, hoi tu les dal.

Debleskri gili 69:8

Dran tute hi i bari ladj ap mande, un miro shero hi lolo i ladjatar.

Jesaja 53:10

O baro Dewel kamas kowa jaake, te was lo phagedo. Job mukas ap leste duka te well. Pal kowa, kai das lo peskro djipen i doshake i menshendar, dikell lo tchawen, kai lestar wenna, un djiwell i lengsto djipen. Un kowa, hoi o baro Dewel peske glan las, well lestar kerdo.

3. Mose 16:10

Koi wawar busni well djides glan o baro Debleste tardo, un lake well i doosh i menshendar pre-tchiddo. Palle well li an o mulo tato them tradedo.

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Mateo 26:37

Un job las o Petres un kol dui Zebedeskre tchawen peha, un djas kote. Un leskro dji rowas, un i daar tapras les.

Mateo 8:17

Jaake was kowa tchatches, hoi o Debleskro rakepaskro, o Jesaja, glan i rah tsiro penas: Job las mare duka, un maro nasslepen mendar.

Johanni 19:7

“Pal maro biboldengro tchatchepen hunte well lo mulo dino,” penan i bibolde ap o Pilato. “Job penas, kai hi lo o Debleskro tchawo.”

Remarja 4:25

O Jesus Kristo hi kowa, koles o Dewel bitchras, te merell lo menge, un te lell lo mari doosh mendar krik. Un o Dewel kras les i mulendar djido, te nai krell lo men tchatcho glan leste.

Galatarja 3:13

Mer nashte rikram kowa lauter gar. Un dran kowa wam tel o Debleskro praassepen. Un o Jesus Kristo las ko praassepen mendar krik, har job ap o trushel dino was, un jaake menge praassedo was. O Debleskro lab penella: Hakeno, koon ap o trushel dino wella, hi praassedo.

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.

1. Petro 3:18

Ninna o Jesus Kristo las jek kopo duka ap peste, har job ap o trushel meras, un mari doosh ap peste las. Job his i latcho, un meras i tchilatchenge. Kowa kras lo, te anell lo len pash o Debleste. I menshe maran les. O Debleskro Ducho kras les djido.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.