Jesaja 53:2 - O Debleskro Drom 2021 (Sinte)

² Job was baro glan o baro Debleste har i sano terno ruk, har i drab hoi dran i truk phub well. Les his kek shukapen un kek barepen. Un har mer les dikam, hatsam tchi, hoi an mare jaka shukar wals.

O Debleskro Lab 2024 (Sinte-Manouche)

² Yob vas baro glan o baro Debleste har i sano terno rouk, har i drab hoy dran i trouk phoub vell. Les his kek shoukapen oun kek barepen. Oun har mer les dikam, hatsam či, hoy an mare yaka shoukar vals.

Jesaja 53:2 ပူးပေါင်းရင်းမြစ်များ

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 4:2

I tsiro wella, kai krell o baro Dewel peskro them Israel railo un shukar. Un kolla, kai pral atchan un an o them djiwenn, hi bachtelo pral ko bud latcho koowa, hoi i phub win anell. Un wawar menshe sharenn len koleske.

Jesaja 52:14

His i tsiro, kai dikan bud menshe darenes ap leste, jaake dino dikas lo win, te dikas lo buder gar har i mensho win, awa, djungleder dino har hako wawar mursh.

Jesaja 9:6

I rajeskri soor, hoi les hi, well baro un bareder. Un an kek tsiro dell tchingepen. Job well beshdo ap o Davideskri beshepaskri, un hi i rai, kai krell o tchatchepen jaake win, har o Dewel kamell un mishto hi kanna un hako tsireske. O baro Dewel, ko rai pral o bolepen un i phub, krell kowa lauter. Jaake las lo pes kowa soreles glan.

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Zakarie 3:8

Shun kanna, Jeshua, tu baro rashai: Tu un tire phrala, kai glan tute beshdo hi, tumer han i sikepen, hoi o baro Dewel kamell te krell an o tsiro, hoi wella: Me bitchrau miro budepaskres, kai kharell ‘newo ruk’.

Zakarie 6:12

Un pen leske: Kowa penell o baro Dewel, ko rai pral o bolepen un i phub: Ko mursh, kai well kharedo ‘newo ruk’, well baro ap peskri platsa. Un job krell o baro Debleske i newo kheer.

Markus 6:3

“Hi kowa gar ko mursh, kai budrell i kashtentsa? Hi leskri dai gar i Maria? Hi leskre phrala gar o Jakobo, o Josef, o Simon, un o Judas? Un ninna leskre phenja djiwenn pash mende.” Un jon choiran pen pral leste.

Markus 9:12

Koi penas lo ap lende: “Tchatchepah, o Elija well un anell o Debleskre menshen pale khetne. Hoske hi tchinlo pral o Menshengro Tchaweste, kai hunte wenn bud duka ap leste un kai i menshe rikrenn tchi lestar?

Louka 2:7

Un lat was i tchawo. Un joi tchiwas pherne trul leste, un tchiwas les kote dren, kai o chapen i viechenge dren tchiddo wella. An i kertchima his lenge kek tchiben.

Louka 9:58

Penas o Jesus ap leste: “I diwje djuklen hi i tchiben an i phub, kai sowenn le. Un i tchirklen hi i tikne khera ap i ruka. Me, o Mensheskro Tchawo, man hi tchi, kai nai tchiwap man tele, te sowap.”

Johanni 18:40

Jon dan pale gole: “Gar koles! Mer kamah, te mukess o Barabes dran o stilepen win!” Kowa his i marepaskro.

Johanni 19:5

Un o Jesus was win. Un ap leskro shero his i pandle subjengre kashta, un koi loli kutch plaashka his ap leste. Un o Pilato penas ap lende: “Dikenn, hawo mensho hi lo!”

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

1. Petro 2:14

Shunenn ninna ap i moskre! Kolen das o themeskro rai i budi, te denn le kolen i phagi, kai kran tchilatcho koowa, un te sharenn le kolen, kai krenn latcho koowa.