Jesaja 52:8 - O Debleskro Drom 2021 (Sinte)

⁸ Shunenn, hoi kol mursha gole denn, kai jak denn ap o foro! Jon halauter denn gole i bachtjatar. Pengre jakentsa dikenn le, har o baro Dewel an o foro Zion pale well.

O Debleskro Lab 2024 (Sinte-Manouche)

⁸ Shounenn, hoy kol morsha gole denn, kay yak denn ap o foro! Yon halauter denn gole i barhtyatar. Pengre yakentsa dikenn le, har o baro Devel an o foro Sion pale vell.

Jesaja 52:8 ပူးပေါင်းရင်းမြစ်များ

Debleskri gili 102:22

Jaake te sharenn le o baro Debles ap i berga Zion, an o tselo foro Jerusalem hadenn le leskro lab,

Kamlepaskri gili 3:3

I lurde hatsan man, kolla, kai ap o foro garda denna un kote trujel djan: ‘Dikan tumer les, koles miro dji kamell?’

Kamlepaskri gili 5:7

Koi hatsan man kol mursha, kai denn garda an o foro un kai kote trujel nashenn. Jon dan man dawa un dukan man. Kal mursha tserdan i plaashka mandar tele.

Jesaja 24:14

Kolla, kai atchenn djido, giwenn i bachtjatar. Kolla, kai djiwenn ap i wawar rig o Mashkralstuno Baro Panjestar sharenn o baro Debleskro railepen:

Jesaja 26:1

Ap ko diwes giwenn le kai gili an o them Juda: Men hi i sorelo foro. O Dewel tchiwas sorele massurja trul mende, te krell kek menge tchilatchepen.

Jesaja 27:2

Ap ko diwes penell o baro Dewel tumenge: Man hi i shukar drakengro them; giwenn leske i gili!

Jesaja 30:26

An ko tsiro, kai pandell o baro Dewel i pandepen trul o dukepen peskre menshendar, hoi job len das, un krell lengro nasselo un ratlo mass pale sasto, hi o tchon jaake sorelo har o kham. Un o kham hi efta kope sorleder har kanna.

Jesaja 35:10

Kolen, kai job dran o pandepen win las, wenn pale khere, un wenn o gipah pash i berga Zion. Lengri bacht lell kek lendar. Lengre djia giwenn un bashrenn i bachtjatar. Un duk un ropen dell gar buder.

Jesaja 40:9

Tu, koi berga Zion, hal har i tchai, kai anell i latcho lab. Tu, o foro Jerusalem, hal bitchedo te aness bacht. Dja pre ap i bari berga! De sorjah gole, un ma dare! Dja pre ap i bari berga! Pen ap i forja an o them Juda: “Ake, tumaro Dewel!”

Jesaja 48:20

Djan win dran Babilon! Sik, nashenn dran o them Kaldea! Denn win gole i bachtjatar, un penenn kawa dureder, jaake te shunenn le kowa ap i tseli phub. Penenn: O baro Dewel las peskro budepaskres, o Jakobes, win dran o pandepen!

Jesaja 56:10

Kol mursha, kai hunte jak denn ap mire menshende, hi korelo, un jon halauter haiwenn tchi, un hi har djukle, kai kek gole denn. Jon hi koi tchiddo un dikenn suni, un kamenn te sowell.

Jesaja 58:1

De bari gole! Rike tut gar pale! Hade tiri gole, te well li jaake sorelo har i phurdepaskri! Un pen mire menshenge, hawo tchilatcho koowa jon kran! Awa, pen o khereske Jakob, hawi doosh job ap peste las!

Jesaja 62:6

Jerusalem, me tchiwom murshen ap tire massurja, te denn le jak ap tute. O tselo diwes un i tseli rat denn le bares gole, un mukenn gar tele, te bistrell tut o baro Dewel gar.

Jeremia 31:12

Jon wenna pral ap i berga Zion, un denn gole i bachtjatar, un wenn bachteles pral kowa, hoi o baro Dewel len dell: djob, mool, djet un terne bakre un grumja. Lengre djia wenn sorelo har i garta, kolat hako tsiro doha pani hi. Un lenge hi buder gar ropaske.

Jeremia 32:39

Me krau, te well len jek dji un jek djipen, te kamenn le ap mande te shunell pengro tselo djipen. Palle djal lenge mishto, ninna lengre tchawenge pal lende.

Jeremia 33:11

kote well pale sapen shunlo un bachteli gole. O pirno un leskri pirni, kai i bijab krenn, giwenn pale. Un wawar anenn viechen an miro kheer, te parkrenn le pen pash mande, un giwenn koi pashel: Parkrenn tumen pash o baro Debleste, ko rajeste pral o bolepen un i phub; job hi kamles ap mende. Hako tsiro hi leskro latchepen menge koi. Me krau te djal kau themeske pale jaake mishto, har leske glan kowa djas.

Jeremia 33:7

Awa, me krau te well pale lauter mishto i menshenge Juda un Israel, un krau kal themma pale jaake sorelo, har his le glan kowa.

Jeremia 6:17

Ninna dom tumen menshen, kai denn jak ap tumende. Denn garda koi pre, te phurdenn le i phurdepaskri, hoi sikrella: Bibacht wella … Jon penan: Mer kamah len gar te shunell.

Ezekiel 3:17

Tu, mensho, wess kowa, kai dikell i bibacht te well un penell kowa i Israelenge dureder, jaake har jek ap i foro jak dell, un i menshenge penell, te wenn lurde. Te penau me tuke i lab, hunte peness kowa lenge, te djinenn le, hoi kamau ap lende te anell.

Ezekiel 33:7

Tu, mensho, tut rodom win, te dess jak ap o kheer Israel. Te shuneh i lab dran miro mui, hunte peness kowa lenge, te djinenn le, hoi kamau me pral lende te anell.

Zefanja 3:9

Pal kowa dau i menshen an i wawar themma djudje muja, te kharenn le halauter o baro Debleskro lab an, un mangenn les khetne an.

Zakarie 12:8

An ko tsiro rikrell o baro Dewel peskre wasta pral i menshende an o foro Jerusalem. Un i menshe kote sikrenn pen jaake sorelo, te hi i bango jaake sorelo har o David his. Un i menshe dran o Davideskro kheer djan glan lende, har te djals o Debleskro bolepaskro glan lende.

Bičepangre 2:1

Ap i biboldengro baro diwes, hoi kharella Fingsta his jon lauter an jek kheer khetne.

Bičepangre 4:32

Kol tsele patslen his jek dji un jek djipen. Kek lendar penas: Ko brawlepen, hoi man hi, hi mange kokres. Na-a, kowa his lauterenge koi!

1. Korintarja 1:10

Mire phrala, me shunom, kai hi tchingepen mashkral tumende. Kowa penan mange kolla dran i familja koi djuwjatar Kloe. Kanna mangau tumen an o lab maro rajestar, o Jesus Kristestar: Ma tchingrenn tumen buder! Atchenn khetne un rikrenn khetne an kowa, hoi tumer krenna un patsenna!

1. Korintarja 13:12

Kanna dikah o Debleskro koowa gar mishto. Mer dikah kowa jaake har an o phuro blendari. Jek diwes wella, kai dikah mer o Debles, har job hi. Lauter, hoi me kanna lestar djinau, hi tikne kotja. Well ko diwes, kai prindjrau les jaake, har job man prindjrella.

Hebrearja 13:17

Shunenn ap kolende, kai sikrenn tumen, har te djan ap o Debleskro drom! Krenn kowa, hoi jon tumenge penenna! Lengri budi hi, te denn le jak ap tumende. Un jon hunte penenn o Debleske, har jon kran pengri budi. Djiwenn jaake, te krenn le pengri budi i bachtelo djijeha! Te rowenn jon pral tumende, palle wals kowa tumenge gar mishto.

Debleskro tsiro 18:20

Awenn bachtelo, tumer, kai djiwenn an o bolepen! O baro foro hi paash! Awenn bachtelo, tumer Debleskre menshe! Awenn bachtelo tumer, kai han o Jesuseskre bitchepangre, ninna tumer, kai han o Debleskre rakepangre! Kowa, hoi o foro tchilatches kras ap tumende, das o Dewel ko fores pale.

Debleskro tsiro 19:4

Un kol biish-te-star tchatchepangre phure un kol star sorele bolepangre witsran pen tele glan o Debleste, kai ap peskro rajeskro beshepaskro beshdo hi, un sharan les, un penan: “Amen, Halleluja!”