Jesaja 52:6 - O Debleskro Drom 2021 (Sinte)

⁶ Doleske well i diwes, kai mukau me mire menshen te djinell, koon hom. Un palle haiwenn le, me hom kowa, kai penell: Kate hom!

O Debleskro Lab 2024 (Sinte-Manouche)

⁶ Doleske vell i dives, kay moukau me mire menshen te djinell, koon hom. Oun palle hayvenn le, me hom kova, kay penell: Kate hom!

Jesaja 52:6 ပူးပေါင်းရင်းမြစ်များ

Debleskri gili 48:10

Maro Dewel, kate an tiro kheer mukah menge tiro latchepen an o shero trujel te djal.

2. Mose 3:13

O Mose penas ap o Debleste: “Dik, me te djau pash i Israelitarja un penau lenge: ‘O Dewel, koles tumare phure an-mangan, kowa bitchras man pash tumende.’ Hoi te penap lenge, te putchenn le mandar, hawo lab tut hi?”

2. Mose 33:19

“Mishto”, penas o baro Dewel: “Me kamau glan tute te djal, te dikess tu miro tselo latchepen. Un miro lab ‘Baro Dewel’ rakrau me glan tute win. Me hom latcho koneske, kones me kamau. Un krau miro dji pre koneske me kamau.

2. Mose 6:3

un sikrom man o Abrahameste un o Isaakeste un o Jakobeste. Har wom pash lende, sikrom lende, kai hom o sorelo Dewel. Miro lab ‘baro Dewel’, mukom len gar te djinell.

Jesaja 40:9

Tu, koi berga Zion, hal har i tchai, kai anell i latcho lab. Tu, o foro Jerusalem, hal bitchedo te aness bacht. Dja pre ap i bari berga! De sorjah gole, un ma dare! Dja pre ap i bari berga! Pen ap i forja an o them Juda: “Ake, tumaro Dewel!”

Jesaja 42:9

Kowa, hoi glan i rah tsiro penom, kowa was. Kanna penau newo koowa glan-wi. Glan o tsiro, kai kowa wella, mukau me les tumen te shunell.

Jesaja 49:23

Un bare raja wenn tuke koi un lengre romja denn jak ap tire tikne tchawende. Un bare raja witsrenn pen glan tute ap i phub, un tchumrenn i tchik tire pirendar. Kote haiweh tu palle, te hom me o baro Dewel. Un kolla, kai dikenn ap mande, te wap ap lengri rig, dikenn gar tchitcheske ap mande.

Jesaja 60:16

Tu leh o brawlepen i menshendar dran wawar themma un kutch koowa lengre rajendar. Palle haiweh, te hom me, o baro Dewel, kowa, kai las tut win dran o pandepen, te hom me, o Israeleskro sorelo Dewel, kowa, kai tuke plaissras.

Jeremia 31:34

Kek hunte penell ap o wawareste: Tu prindjress o baro Debles. Halauter djinenn, koon me hom, i tikne un i bare. Kowa penau me, o baro Dewel. Me bistrau koi doosh, hoi le ap pende anan, un lengro tchilatchepen well buder gar an miro shero.

Ezekiel 20:44

Tumer Israelitarja, te djau me jaake tumentsa trujel, te wap sharedo, un krau gar pal tumare tchilatche dromma, un pal tumaro tchilatcho koowa, hoi kran, palle dikenn un haiwenn tumer, te hom me o baro Dewel, tumaro rai.

4. Mose 23:19

O Dewel hi gar i mensho, kai chochella, witar gar i mensheskro tchawo, koles khaitell, hoi job kras. Penell job tchomone, hoi job gar krella? Penell job kowa, kai rikrell job gar?