Jesaja 52:4 - O Debleskro Drom 2021 (Sinte)

⁴ Kawa penell o baro Dewel, maro rai: Glan i rah tsiro djan mire menshe an o them Egiptia, te atchenn le kote i tsiro. Un ninna kolla dran o them Assur rikran len tele un kran lenge tchitcheske i pharo djipen.

O Debleskro Lab 2024 (Sinte-Manouche)

⁴ Kava penell o baro Devel, maro ray: Glan i rah tsiro djan mire menshe an o them Egiptia, te ačenn le kote i tsiro. Oun ninna kolla dran o them Assour rikran len tele oun kran lenge čičeske i pharo djipen.

Jesaja 52:4 ပူးပေါင်းရင်းမြစ်များ

1. Mose 46:6

Un jon lan pengre viechen un halauter, hoi lengre an o them Kanaan was, un djan an o them Egiptia: o Jakob peskri tseli familjah:

1. Mose 46:7

Leskre tchawe un leskre tchawengre tchawe, leskre tcha un tchawengre tcha, leskri tseli familja anas job peha an Egiptia.

Hiob 2:3

Un o baro Dewel putchas o bengestar: “Dal tu ninna jak ap miro budepaskro, o Hiob? Kek wawar hi ap i phub, kai hi jaake har kowa. Job hi an o tchatchepen tardo, un kek doosh hi ap leste. Job mangell man an, un rikrell pes dur krik o tchilatchepastar. Ninna kanna anell lo kek doosh ap peste, kai tu mandar kamal, te anap les an i bibacht, ninna te kras lo tchi.”

Debleskri gili 25:3

Kek, kai pes ap tute rikrell, hunte ladjell pes. Kolla, kai phukrenn ap tute tchitcheske, hunte ladjenn pen.

Debleskri gili 44:12

Har vieche, hoi wenn maredo, dal tu men pre. Un an i tsele themma trujel tradal tu men, jaake te atcham gar khetne.

Debleskri gili 69:4

Me dom gole, bis te man kek soor buder an mande his, un miri meen dukas. Mire jaka wan khino, jaake rah dikau pal miro Debleste.

Jesaja 14:25

Me dau i Assirjen an miro them, ap mire berge stakrau len khetne, te nai rikrenn le buder gar mire menshen tele, un krenn lenge buder gar i pharo djipen.

Jeremia 50:17

O Israel his har i nashedo bakro, hoi lan i lewe palla. Ko ersto his o baro rai dran o them Assur, kowa chas les. Pal leste was o baro rai pral o them Babilonia, o Nebukadnezar. Kowa dandras ko mass tele, hoi ap leskre kokale atchas.

Johanni 15:25

Jaake was kowa tchatcho, hoi an o Debleskro lab tchinlo hi: Jon hi tchilatcho ap mande, ninna te krom kek tchilatchepen ap lende.