Jesaja 52:2 - O Debleskro Drom 2021 (Sinte)

² Jerusalem, ste pre dran i tchik! Trissle koi tchik tele! Un besh tut ap i rajeskri beshepaskri! Witse kol shelle tele, hoi trul tiri meen pandlo hi, tu stildi tchai Zion!

O Debleskro Lab 2024 (Sinte-Manouche)

² Yerusalem, ste pre dran i čik! Trissle koy čik tele! Oun besh tout ap i rayeskri beshepaskri! Vitse kol shelle tele, hoy troul tiri meen pandlo hi, tou stildi čay Sion!

Jesaja 52:2 ပူးပေါင်းရင်းမြစ်များ

Jesaja 10:27

Ap ko diwes lau tumen win dran i wasta kolendar dran o them Assur, te nai rikrenn le tumen buder gar tele. Palle han buder gar lengre pandle budepangre. I lurde dran o them Assur djan pre an Rimmon,

Jesaja 14:25

Me dau i Assirjen an miro them, ap mire berge stakrau len khetne, te nai rikrenn le buder gar mire menshen tele, un krenn lenge buder gar i pharo djipen.

Jesaja 29:4

Palle han tchiddo ap i phub. Un dran i tchik rakrenn tumer palle jaake, har te wans tel i phub. Un tumaro rakepen well gar mishto shunlo, un hi har o rakepen i mulestar, kai dran i phub rakrell.

Jesaja 3:26

I menshe an tiro foreskre wudja, Jerusalem, denn palle gole un rowenn. Un o foro hi palle wi-tchoredo un muklo.

Jesaja 49:21

Palle putcheh tutar an tiro dji: Koon anas mange jaake bud tchawen ap i phub? Me homs muklo, kek tchawentsa, kokres un krik tradedo. Un kolla kote, koon tserdas len bares? Atchom me gar kokres pral? Kai his kolla?

Jesaja 51:14

Kolla, kai tele rikede hi, wenn sik win dran o pandepen. Jon merenn gar an lengro stilepen, un len well doha chapen.

Jesaja 51:23

Me dau les kanna an o wast kolendar, kai tiro djipen jaake phares kran, kolla, kai ap tute penan: “Witse tut tele, te djap pral tute wergel!” Un tu kral tiro dumo jaake, te hals jek i phubjah, un hals lenge har o drom, pral koleste jon pral wergel djan.

Jesaja 60:1

Ste pre, Jerusalem, ab railo har o kham! I newo diwes well tuke, un o Debleskro railepen djal pre pral tute.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Jesaja 9:4

I lurdengre kircha, kolentsa i lurde phares pre stakran un lengre baja, kai rat ap lende hi, wenn an i jag witsedo un chatchrenn pre.

Jeremia 51:45

Tumer Israelitarja, mire menshe, djan win dran ko them! Hakeno tumendar mu nashell peskro djipaske! Miri bari choli well pral o foro.

Jeremia 51:50

Tumer i menshendar Israel, kai wan gar maredo, djan win dran o foro Babilon! Un rikrenn tumen gar pre! Ninna te han an i dur them, ma bistrenn o baro Debles, witar gar o foro Jerusalem!

Jeremia 51:6

Nashenn sik dran o foro Babilon, nashenn tumaro djipaske! te djan gar halauter tele an koi doosh, hoi kau foro ap peste anas! Kowa hi o baro Debleskro tsiro, kai dell lo i Babilonarjen ko tchilatchepen pale, hoi kolla kran.

Ezekiel 34:27

te hidjrenn i ruka latche rukengre, un te well bud djob bares ap i hachetikri phub. Un mire menshe djiwenn an pengro them kek darjah. Me phagau kol shelle, kolentsa jon pandlo his. Un lau len win dran i wasta kolendar, kolenge jon hunte budran. Palle dikenn un haiwenn le, te hom me o baro Dewel.

Zakarie 2:6

Un me putchom lestar: “Kai djah tu?” Job penas: “Kamau te dikap pal, har baro un buchlo o foro Jerusalem hi.”

Zakarie 2:7

Un me dikom ko bolepaskres, kai mantsa rakras, har lo i kotar glan djas. Un i wawar bolepaskro was pash leste.

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Debleskro tsiro 18:4

Un me shunom, har jek wawar dran o bolepen rakras un penas: “Mire menshe! Djan dran ko foro win, te lenn tumer gar leskri doosh un leskri bibacht ap tumende!