Jesaja 51:9 - O Debleskro Drom 2021 (Sinte)

⁹ Baro Dewel, ste pre, ste pre! Sike tiri soor! Ste pre har an kol phure tsirja, har mare phurenge ap i rig wal. Hals gar tu kowa, kai o baro panjeskro sap, i Rahab, an kotja das?

O Debleskro Lab 2024 (Sinte-Manouche)

⁹ Baro Devel, ste pre, ste pre! Sike tiri zoor! Ste pre har an kol phoure tsirya, har mare phourenge ap i rig val. Hals gar tou kova, kay o baro panyeskro sap, i Rahab, an kotya das?

Jesaja 51:9 ပူးပေါင်းရင်းမြစ်များ

Hiob 26:12

Peskri sorjah kras lo o baro pani, te well lo diwjo, un job haiwas, har nai das lo o Rahab mulo.

Hiob 9:13

O Dewel rikrell peskri choli gar pale, un was sorleder har kolla, kai wan o baro panjeskro sapeske Rahab ap i rig.

Debleskri gili 21:13

Tu leh tiro bogo un rikreh ap lende, un kreh, te rissrenn le pen trujel un nashenn penge.

Debleskri gili 44:1

I gili o rajeske pral i gipangre. Kai gili hi jekestar dran i familja Korach.

Debleskri gili 44:2

Maro Dewel, mare kandentsa shunam mer, har mare phure menge penan, hoi tu kral an lengre diwessa glan i rah tsiro.

Debleskri gili 44:23

Tire menshe ham mer. Doleske wah mer o tselo tsiro mulo dino, har wams vieche, hoi wenn maredo.

Debleskri gili 44:24

Ste pre! Hoske soweh tu, mo rai? Ste pre un tchip men gar pale hako tsireske!

Debleskri gili 59:4

Dik, baro Dewel, har jon lurenn, te marenn le man! Fothe krom me tchi, un kek doosh ap mande hi, djan sorele mursha khetnes ap mande.

Debleskri gili 7:6

palle mu lenn man palla kolla, kai hi chojede ap mande! Mu taprenn le man, un witsrenn man ap i phub, un mukenn le man an i tchik tchiddo!

Debleskri gili 77:5

Mire jaka rikral tu pre, jaake te nai sowom me gar. Me djinom gar dureder, un man his buder kek laba.

Debleskri gili 78:65

Koi stas o baro Dewel pre, har jek, kai sowas un pre djangras. Sorelo his lo har jek, kai pash i pipen bachtelo was.

Debleskri gili 87:4

Mank kolende, kai man prindjrenna, hi i menshe dran i themma Egiptia un Babilonia, ninna i Filistarja un i menshe dran Tirus, ninna kolla dran o them Etiopia, kai kate boldo hi.

Debleskri gili 89:10

Tu hal o rai pral o baro diwjo pani. Job te hadell pes, kreh tu, te djal lo tele.

Debleskri gili 89:11

O baro panjeskro sap Rahab dal tu mulo, un kolen, kai tuke tchilatchepen kaman, tradal tu krik.

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

2. Mose 6:6

Doleske pen ap i Israelitarja: ‘Me hom o baro Dewel! Me lau tumen win dran tumari phari budi, hoi i Egiptarja ap tumende tchiwan. Miri bari choli well ap lende, un bari sorjah lau tumen win.

Jesaja 27:1

Ap ko diwes lell o baro Dewel peskro baro sorelo charo, hoi jaake mishto tchinell, un dell o sapes mulo, hoi kharell Leviatan, awa, ko baro panjeskro sap, hoi ap o naashepen hi un mukell pes gar te taprell.

Jesaja 30:7

Kowa lauter hi tchitcheske. Hoi i Egiptarja nai krenn, hi tchi moldo. Doleske penau ap o them Egiptia: Tu hal i Rahab, kai atchell beshdo un krell tchi.

Jesaja 51:17

Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

Jesaja 51:5

O tsiro, kai miro tchatchepen well, hi gar dur. Un ko diwes well sik, kai lau tumen win dran o tchilatchepen. Un me wau o tchatchepaskro rai pral i wawar themma. I menshe, kai djiwenn pash o baro pani, dikenn ap mande, te lap o kurepen krik.

Jesaja 52:1

Ste pre! Ste pre, Zion! Ab pale soreles! Tchip tire kutch rajengre ripja ap tute, Jerusalem, tu Debleskro foro! Tchatchepah, kek tsiro well kanna buder, kai djal jek an tute dren, hoi gar tchinlo was ap peskro mass, witar gar jek, kai glan mande pale-tchiddo hi.

Jesaja 52:10

Glan i jaka i menshendar an i tsele themma sikrell o baro Dewel peskri soor, kolah job peskre menshen win lell dran o pandepen. Ap i tseli phub dikenn le, har maro Dewel peskre menshen khere anell.

Jesaja 53:1

Koon patsals kowa, hoi mer kanna shunam! Koon hi kowa, ap koleste sikras o baro Dewel sawi soor?

Jesaja 62:8

O baro Dewel das pes sowel un das peskro tchatcho wast pre, un hadas peskri soreli mussi, un penas, te dell kek tsiro buder, kai mukell lo kolen tiro djob te chal, kai kurenn pen tuha, un witar gar i menshen dran wawar themma tiri mool te pijell, kolake tu jaake phares budral.

Ezekiel 29:3

Pen leske: Kawa penell o baro Dewel, maro rai: Tu Farao, baro rai pral Egiptia, kanna sikrau les tuke! Tu hal har i baro tchilatcho viecho tchiddo an tire bare lengste panja, un peneh: “Ko baro lengsto pani hi miro. Mange krom les.”

Micha 7:15

Muk men tiri soor te dikell, ko sorelo koowa hoi menge kral, har mare phure dran o them Egiptia djan,

Habakuk 2:19

Djungeles djal koleske, kai penell ap i kotar kasht: “Ste pre!”, un penell ap ko mulo bar: “Ab djido!” Har nai penell i mulo dewel tuke, hoi te kress? Ninna te hi rup un sonakai pral leste maklo, hi kek ducho an leste.

Habakuk 3:13

Tu djal win, te wess ap i rig tire menshenge, un o rajeske, koles tu win rodal. I dacha ap o kheer o tchilatchestar dal tu khetne. Un leskro kheer rissral trujel bis ap i telstune barra.

Zakarie 10:11

Te djan le darjah mank o baro pani, tradau me o pani pale. Un o lengsto pani Nil, ninna te djal lo dur tele, well truk. Un me rikrau o pre-phurdo them Assur tele. Un o them Egiptia hi buder gar o rai pral wawar themma.

Zakarie 2:13

Denn garda! Me dau len trad miro wasteha, te wenn le tchoredo kolendar, kai hunte budran lenge.” Palle dikenn tumer, kai o baro Dewel, ko rai pral o bolepen un i phub, kowa hi, kai bitchras man.

Louka 1:51

Un job hadas peskri soreli mussi, un tradas kolen krik, kai kran pen kokres bares.

Johanni 12:38

Jaake was kowa tchatcho, hoi o Jesaja, ko Debleskro rakepaskro, glan i rah tsiro penas: Rai, koon patsell men, hoi mer penah? Koon haiwella o Debleskri bari soor?

Bičepangre 7:7

Un kolla, kai len dan un dukran, kolen dau me i phagi. Un pal kowa djan le dran ko them win, un mangenn man kate an kau them an.

5. Mose 4:34

Kek wawar dewel djas un las peske menshen win dran i wawar them, har job kras, har las lo tumen win dran o them Egiptia. Job sikras peskri bari soor un kras sau koowa, hoi kek wawar nai krell, un anas bud bibacht ap i Egiptarjen. Job kuras pes tumenge. Peskro sorelo wasteha un peskri pre-hadedi mussjah las lo tumen win, un kras i Egiptarenge bari daar. Kowa lauter dikan tumer.

Debleskro tsiro 11:17

un penan: Mer parkrah men pash tute, maro rai. Tu hal o sorelo Dewel. Tu djiweh kanna har djiwal an o phuro tsiro. Tu sikral tiri bari soor, un wal o rai pral halauter.

Debleskro tsiro 12:9

Un o baro lolo sap was win witsedo. Job hi ko phuro sap, hoi kharella ninna Beng un Satan, ko chocheno, kai tserdell i menshen ap i tseli phub ap peskro drom. Job was tele witsedo ap i phub, un leskre kurepangre leha.

Čačepangre 6:13

Un o Gideon putchas lestar: “Mangau tut, miro rai! Te hi o baro Dewel mentsa, hoske was kai tseli bibacht ap mende? Un kai hi ko tselo baro koowa, hoi o baro Dewel kras, kolestar menge mare phure rakran un penan: ‘O baro Dewel anas men dran o them Egiptia.’ Kanna mukas men o baro Dewel un das men an o wast kolendar dran o them Midian.”