Jesaja 51:7 - O Debleskro Drom 2021 (Sinte)

⁷ Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

O Debleskro Lab 2024 (Sinte-Manouche)

⁷ Shounenn, hoy penau, t'mer, kay prindjrenn o čačepen, t'mer menshe, kay kamenn miro drom te djal. Ma darenn glan ko praasepen, koleha i menshe t'men praasenn! Ma darenn glan lengro baro mouy!

Jesaja 51:7 ပူးပေါင်းရင်းမြစ်များ

Debleskri gili 37:31

O Debleskre laba hi an leskro dji. Un job perell gar o tchatcho dromestar tele.

Debleskri gili 40:8

Doleske penom tuke: Ake hom. Me krau, hoi mandar tchinlo hi an o liil:

Jesaja 25:8

O merepen lell lo krik hako tsireske. O baro Dewel, maro rai, khossell palle hakeneske i swa tele. Un koi ladj, hoi ap peskre menshende tchiddo hi an hake themma, lell lo lendar krik. Kowa penas o baro Dewel.

Jesaja 37:6

mukas lo lenge te penell: “Penenn tumaro rajeske: Jaake rakras o baro Dewel: ‘Tu shunal kol laba, kolentsa man i bitchepangre o baro rajestar dran o them Assur praassan. Ma traash glan kowa, hoi jon penan!

Jesaja 51:1

Shunenn, hoi penau, tumer, kai rodenn o tchatchepen, tumer, kai rodenn pal o baro Debleste tumari tseli sorjah: Dikenn ap o Abraham, tumaro phuro dad. Job his har i baro sorelo bar, un tumer han har barra, hoi dran leste dino wan. Dikenn ap tumare phurende, kolendar tumer wenna:

Jesaja 54:4

Ma dare! Tu weh gar wi-ladjedo koi tardo! Mukau kekes, te sal lo pral tute. Doleske ma ladj tut! Tu bistreh koi ladj, hoi ap tute his, har terno hals. Un ko tsiro, har tiro rom meras, well tuke buder gar an o shero.

Jeremia 1:17

Ab soreles! Un kre tut ap o drom! Un pen lenge halauter, hoi me tuke penau! Ma traash lendar, te krap me gar, te trashess tu glan lende!

Ezekiel 2:6

Un tu mensho, tu daress gar lendar, witar gar lengre labendar, hoi jon rakrenna. Tu djiweh mank lende har mank skorpione. Jon hi har subjengre burra trul tute. Ma muk len tuke daar te krell! Ma traash kolestar, hoi kolla rakrenna, kai mukenn pen tchi te penell!

Mateo 10:28

Ma trashenn kol menshendar, kai nai marenn tumen! Jon nai marenn gar o djipen an tumende, hoi ninna pal o merepen djiwella. Trashenn o Deblestar, kai nai tchiwell tumen pal o merepen an o bengeskri jag, kai han hako tsiro nashedo!

Mateo 5:11

Tumer patsenn ap mande. Doleske praassenn le tumen, lenn tumen palla, un rakrenn chochene tchilatche laba pral tumende. Te krenn le kowa, awenn bachtele!

Louka 6:22

Bachtele han tumer, te wenn i menshe chojedo ap tumende, un tchiwenn tumen pale, un praassenn tumen, un rakrenn tchilatches pral tumende, un kowa lauter krenn le doleske, te patsenn tumer ap o Menshengro Tchaweste!

Bičepangre 5:41

Koi djan jon penge i pralstunendar. Un jon his bachtelo, te hi le o Debleske jaake bud moldo, te rodas lo len win, te chan le dawa o Jesuseske.

2. Korintarja 3:3

Dran mari budi wan tumer pash o Jesus Kristeste. Un kanna han har i liil, hoi wella o Jesus Kristestar. Kau liil tchinas o Ducho o djido Deblestar, un kek mensho. Kau liil was gar tchinlo ap i barra. Na-a. Kau liil was tchinlo an i menshengre djia, an tumare djia.

5. Mose 6:6

Un kol laba, hoi me tuke kau diwes penau, less an tiro dji,

Filiparja 3:10

Kamoms te prindjrap tchi wawar har o Jesus Kristes un o Debleskri soor, kai kras les i mulendar djido. Un me lau duka ap mande, jaake har job duka ap peste las, te wap jaake har job bis ap o merepen,

Filiparja 3:8

Awa, kowa lauter, hoi me ap ko tsiro patsom un krom, hi mange kanna buder tchi moldo. Me prindjrau kanna o Jesus Kristes. Job hi miro rai. Doleske hi ko tselo wawar koowa mange har tchik, un tchi moldo. O Jesus Kristes kokres kamau te prindjrell budeder.

Hebrearja 10:16

Ap ko tsiro, hoi wella, penell o Dewel, sikrau me i menshende i newo drom, har nai wenn le pash mande: Me tchiwau miro tchatchepen an lengre shere un tchinau mire laba an lengre djia.

1. Petro 4:14

Te praassenn le tumen doleske, kai patsenn tumer ap o Jesus Kristeste, nai wenn tumer bachtelo. Palle nai djinenn: O Debleskro railo Ducho hi ap tumende tchiddo.

1. Petro 4:4

Kanna djiwenn tumer buder gar ko djungelo djipen har kol tchilatche. Kowa djal kolenge gar an o shero. Doleske tchingrenn le ap tumende.