Jesaja 51:6 - O Debleskro Drom 2021 (Sinte)

⁶ Dikenn pre an o bolepen un tele ap i phub! O bolepen verdjal har i jagakro ducho verdjal. Un i phub perell an peste khetne har i ripen, un hi gar buder. Ninna te merenn kolla, kai ap late djiwenn, har i matsille, lau me tumen dran o merepen win hako tsireske. Un hako tsireske tchiwau tumen an o tchatchepen.

O Debleskro Lab 2024 (Sinte-Manouche)

⁶ Dikenn pre an o bolepen oun tele ap i phoub! O bolepen ferdjal har i yagakro dourho ferdjal. Oun i phoub perell an peste khetne har i ripen, oun hi gar bouder. Ninna te merenn kolla, kay ap late djivenn, har i matsille, lau me t'men dran o merepen vin hako tsireske. Oun hako tsireske čivau t'men an o čačepen.

Jesaja 51:6 ပူးပေါင်းရင်းမြစ်များ

Debleskri gili 103:17

O latchepen o baro Deblestar hi gar jaake. Kowa atchella hako tsireske. An kek tsiro lell lo les krik kolendar, kai djiwenn leha. Ninna lengre tchawenge un kolengre tchawenge rikrell job peskro lab,

Debleskri gili 111:3

Kowa, hoi o baro Dewel krella, hi railo un shukar. Un leskro tchatchepen atchella hako tsireske.

Jesaja 13:13

Me mukau o bolepen te trissell. Un i phub atchell buder gar kote tardo, kai li kanna hi, ap ko diwes, kai me, o baro Dewel, o rai pral o bolepen un i phub, anau miri choli pral i phub.

Jesaja 33:6

Un tumer menshe an Jerusalem, tumenge well i tsiro, kai hunte darenn tchi. Bud bacht un goswepen well tumenge. Tumer djinenn, hoi tumenge mishto un gar mishto hi, un djiwenn o baro Debleha. Job hi tumaro bareder brawlepen.

Jesaja 34:4

Un i tsele bolepangre momlia perenn khetne. Un o bolepen tserdell pes khetne har i liil, hoi well khetne lino. Un kol bolepangre momlia perenn tele har mule patria ap o drakengro ruk un har faige, hoi gar bares wan ap i faigetikro ruk.

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jesaja 45:17

O Israel well win lino o baro Deblestar dran o tchilatchepen hako tsireske. Kek ladj un kek praassepen well ap leste – an kek tsiro.

Jesaja 50:9

Dikenn, o baro Dewel, miro rai, hi ap miri rig. Koon hi palle, kai penell, te hi man i doosh? Lauter kolla, kai kamenn tchomone ap mande pre te anell, perenn khetne har i phuro ripen, hoi an kotja perell, te chan les i kirme pre.

Jesaja 51:8

Lenge djal har i ripen dran bakrengro bal, hoi i kirme paash chan. Miro tchatchepen atchell hako tsiro tardo, un hako tsireske lau tumen dran i bibacht win.

Jesaja 54:10

I berge nai djan ap i rig, un i tikne berge nai perenn khetne, miro latchepen, kowa djal gar tutar, un kowa, hoi win kram, te ham mer mala, atchell tardo. Kowa penau me, o baro Dewel, kai peskro dji tuke pre kras.

Jesaja 54:9

Me krau kanna har an ko tsiro, kai o Noah djiwas, kai dom me man sowel, te well gar buder jaake baro pani pral i phub. Kau diwes dau man sowel, te wap gar buder chojedo ap tute, un te tchingrap gar buder tuha.

Daniel 9:24

Efta kope efta-deesh (70) bersha hi ko tsiro, hoi o Dewel peske glan tchiwas, te well o tchilatchepen un i doosh krik lino tire menshendar un dran o Debleskro foro. Palle well i phagi krik lino un ko tchatchepen well, hoi hako tsiro atchella. Un kowa, hoi an o dikepen diklo was, well tchatcho, ninna kowa, hoi o Debleskre rakepangre glan-wi penan. Un o Debleskro kheer well pale newes o Debleste dino.

Mateo 24:35

O bolepen un i phub atchenna gar. Mire laba atchenna hako tsiro.

Johanni 5:24

Tchatchepah, me penau tumenge: Koon miro lab shunella, un patsell ap koleste, kai man bitchras, koles hi ko djipen, hoi gar pre-herella. Pral leste well kek phagi wi-rakedo. Job mukas ko merepen pal peste, un djas an o djipen.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

2. Tessalonikarja 2:16

O Dewel hi maro dad un kamell men o djijestar. Job hi menge latcho, un penell menge an o dji, te kras lo lauter menge mishto, un te lell lo men pash peste hako tsireske. Lestar mangah un maro rajestar, o Jesus Kristestar,

Hebrearja 5:9

Un job kras kowa lauter, un tchi atchas pral, hoi hunte krals lo gomme. Jaake nai lell lo lauteren, kai ap leste shunenna, hako tsireske dran o tchilatchepen un o merepen win.

Hebrearja 9:12

Har o Jesus an o Debleskro kheer an o bolepen djas, anas lo gar i bakrengro rat peha, witar gar i grumjengro rat. Na-a. Peskro rat anas lo glan o Debleste. Kowa kras lo jek kopo un gar bud kope. Un jaake las lo mari doosh hako tsireske mendar.

Hebrearja 9:15

Har o Jesus Kristo meras, las lo i doosh kol menshendar krik, kai djan ap o phuro drom, un kras lenge i newo drom, kai nai wenn le pash o Debleste, te djiwenn lauter kolla, kai o Dewel peske gole das, leha khetne hako tsiro, un te lenn le ko shukar brawlepen pash leste an o bolepen, jaake har job penas.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.