Jesaja 51:23 - O Debleskro Drom 2021 (Sinte)

²³ Me dau les kanna an o wast kolendar, kai tiro djipen jaake phares kran, kolla, kai ap tute penan: “Witse tut tele, te djap pral tute wergel!” Un tu kral tiro dumo jaake, te hals jek i phubjah, un hals lenge har o drom, pral koleste jon pral wergel djan.

O Debleskro Lab 2024 (Sinte-Manouche)

²³ Me dau les kanna an o vast kolendar, kay tiro djipen yaake phares kran, kolla, kay ap toute penan: “Vitse tout tele, te djap pral toute vergel!” Oun tou kral tiro doumo yaake, te hals yek i phoubyah, oun hals lenge har o drom, pral koleste yon pral vergel djan.

Jesaja 51:23 ပူးပေါင်းရင်းမြစ်များ

Debleskri gili 129:3

Miro dumo dan le pre, har i hacho i phub pre dell un lengste tchinepangre krell.

Debleskri gili 66:12

Tu mukal menshe pral mende te well, mukal men an i jag un an o pani te djal. Un palle anal tu men dran lauter win un dal men newi soor.

Gosewe laba 11:8

Kowa, kai an o tchatchepen tardo hi, well win lino dran i bibacht. Un pal leste well ko tchilatcho koi dren.

Gosewe laba 21:18

Ap i tchilatchende un i phukepangre well koi bibacht anlo, hoi kaman le te anell ap i latche un tchatche menshende.

Obadja 1:16

Tumer menshe dran Juda, kai djiwenn ap miri berga, tumenge penau: Jaake har pijan tumer dran o khoro miri choljatar, jaake hunte pijenn palle i tsele wawar menshe ap i phub koi dran hako diwes. Jon hunte tchorenn o pipen an pende dren, bis te tchi buder dren hi, un kek lendar buder koi hi. Palle well, har te dans jon gar.

Micha 7:10

Kolla, kai rikrenn man tele un putchenn mandar ‘kai hi tiro baro Dewel’, jon hunte dikenn kowa, un hunte ladjenn. Un mire jaka dikenn, har le khetne stakedo wenna, har tchik ap i drom.

Zakarie 12:2

“Shunenn, me krau, te well o foro Jerusalem har i tcharo, kai i sorelo pipen dren hi. I menshe dran i themma trujel, kai wenn, te kurenn le pen o foreha, pijenn lestar un wenn har mate, kai nai atchenn buder gar ap i pire tardo. Ninna pral i menshende an o them Juda well kowa ap ko tsiro, kai hi o foro Jerusalem dren pandlo.

Josua 10:24

Un har le kol rajen pash o Josua anan, mukas job i tsele Israeleskre murshen khetne gole te dell, un penas ap i pralstunende pral i lurdende: “Awenn kate un tchiwenn tumare pire ap lengre meen!” Un jon wan un kran kowa.

Debleskro tsiro 11:2

Un ko kotar phub glan o Debleskro baro kheer, kote tchip ko kasht gar pre. Ko kotar phub well kolende dino, kai kek bibolde hi. Un jon stakrenn o Debleskro foro khetne star-deesh-te-dui tchon.

Debleskro tsiro 17:18

Un koi djuwel, hoi tu dikal, kaja hi ko baro foro, hoi hi les penepaske pral i bare rajende ap kai phub.”