Jesaja 51:22 - O Debleskro Drom 2021 (Sinte)

²² Kawa penell o baro Dewel, kai tiro rai un tiro Dewel hi, kowa, kai lell o koowa leskre menshendar an peskro wast: Dik, me lau ko khoro, hoi tut mates kras, dran tiro wast win. Tu hunte pijess buder gar dran o khoro, hoi pherdi miri choli his.

O Debleskro Lab 2024 (Sinte-Manouche)

²² Kava penell o baro Devel, kay tiro ray oun tiro Devel hi, kova, kay lell o koova leskre menshendar an peskro vast: Dik, me lau ko khoro, hoy tout mates kras, dran tiro vast vin. Tou hounte piyess bouder gar dran o khoro, hoy pherdi miri rholi his.

Jesaja 51:22 ပူးပေါင်းရင်းမြစ်များ

Debleskri gili 35:1

I gili o Davidestar. Baro Dewel, le miro koowa an tiro wast un tchinge kolentsa, kai mantsa tchingrenna! Kure tut kolentsa, kai kurenn pen mantsa!

Debleskri gili 60:3

Miro Dewel, tu tchiwal men pale, un tradal men kate te kote. Bari choli hi tut ap mende. Rake mentsa pale latches!

Gosewe laba 22:23

O baro Dewel lell lengro koowa an o wast. Un kowa, kai len win randas, koleske lell job o djipen krik.

Jesaja 29:9

Krenn dureder, har te wans dinelo an o shero! Krenn dureder, har te wans korelo ap i dui jaka! Tumer han mato – un pijan kek mool. Tumer perenn jek rigjatar ap i wawar – un pijan kek sorelo pipen.

Jesaja 3:12

Mire menshe, penell o baro Dewel, tumare pralstune hi tchawe. Un djuwja hi i raja pral tumende. Kolla kai hunte sikrans tumenge o drom, anenn tumen o tchatcho dromestar tele, un krenn, te nashrenn tumen.

Jesaja 3:13

Koi well lo, o baro Dewel, te penell lo, kones tchatches hi an o tchingepen. Job hi koi tardo, te krell lo o tchatchepen win pral peskre menshende.

Jesaja 49:25

Kawa hi kowa, hoi well, penell o baro Dewel: Ninna ko sorelo mursheske wenn leskre pandlen krik lino. Un kolen, hoi ko sorelo rai randas, wenn leske krik tserdedo. Kolla, kai kurenn pen tuha, kolentsa kurau me man, un tire tchawen lau dran lengre wasta win.

Jesaja 51:17

Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

Jesaja 62:8

O baro Dewel das pes sowel un das peskro tchatcho wast pre, un hadas peskri soreli mussi, un penas, te dell kek tsiro buder, kai mukell lo kolen tiro djob te chal, kai kurenn pen tuha, un witar gar i menshen dran wawar themma tiri mool te pijell, kolake tu jaake phares budral.

Jeremia 25:15

O baro Dewel, ko Dewel pral o Israel, penas ap mande: Le ko khoro mool dran miro wast. Kau khoro hi pherdi miri choli. De les i tsele natsjonenge te pijell, pash kolende me tut bitchrau.

Jeremia 50:34

O diwes well, kai lau len kote win, me hom sorelo. Me, o baro Dewel, ko rai pral o bolepen un i phub, lau lengro koowa an miro wast, un lau o kurepen krik i phubjatar, Pral i menshende an o them Babilonia anau traash.

Jeremia 51:36

Doleske penell o baro Dewel ap o foro Jerusalem: Dik, me kamau tiro koowa an miro wast te lell. Me krau, te well lengro lengsto pani Eufrat truk, un te nashell an lengre wawar panja buder kek pani.

Ropaskre gilja 3:15

Shutlo senlepen das lo man chapaske, un shutlo pipen te pijell.

Ropaskre gilja 3:58

Miro rai, tu lal miro koowa an tiro wast, un lal miro djipen dran o merepen.

Ezekiel 39:29

Me tchorau miro ducho win ap o kheer Israel, un mukau len buder gar. Kawa penell o baro Dewel, maro rai.

Joel 3:2

An ko tsiro tchorau miro ducho ninna win pral i budepangre, mursha har djuwja.

Obadja 1:16

Tumer menshe dran Juda, kai djiwenn ap miri berga, tumenge penau: Jaake har pijan tumer dran o khoro miri choljatar, jaake hunte pijenn palle i tsele wawar menshe ap i phub koi dran hako diwes. Jon hunte tchorenn o pipen an pende dren, bis te tchi buder dren hi, un kek lendar buder koi hi. Palle well, har te dans jon gar.

Micha 7:9

Djinau, me mukom o baro Debleskro drom. Doleske was leskri choli ap mande. Me hidjrau lat, bis te lell job miro koowa an leskro wast, un dell man miro tchatchepen. Job sikrell man peskri momeli, te dikap, har latcho job ap mande hi.

Zakarie 12:2

“Shunenn, me krau, te well o foro Jerusalem har i tcharo, kai i sorelo pipen dren hi. I menshe dran i themma trujel, kai wenn, te kurenn le pen o foreha, pijenn lestar un wenn har mate, kai nai atchenn buder gar ap i pire tardo. Ninna pral i menshende an o them Juda well kowa ap ko tsiro, kai hi o foro Jerusalem dren pandlo.

Mateo 20:22

Penas o Jesus: “Tumer djinenn gar, hoi mangenna mandar. Nai lenn tumer kol duka ap tumende, hoi me hunte lap ap mande?” Penan le: “Awa, ko nai krah mer.”

1. Samuel 25:39

Un har o David shunas, te meras o Nabal, penas lo: “Sharedo well o baro Dewel, kai i ladj, hoi o Nabal ap mande anas, ap leste pale anas. Un man, peskro budepaskres, rikras lo pale, te krap i tchilatcho koowa. Un ko tchilatcho koowa, hoi o Nabal kras, mukas o baro Dewel ap leskro shero pale te perell.” Un o David bitchras murshen pash i Abigajil, un mukas lake te penell, te kamell lo lat te romedinerell.