Jesaja 51:20 - O Debleskro Drom 2021 (Sinte)

²⁰ Tire tchawe peran khetne, un his tchiddo ap hake dromma. Jon hi har i tserfo, hoi an i netsa djas. Jaake tapras len koi choli o baro Deblestar, un leskro tchingepen.

O Debleskro Lab 2024 (Sinte-Manouche)

²⁰ Tire čave peran khetne, oun his čiddo ap hake dromma. Yon hi har i tserfo, hoy an i netsa djas. Yaake tapras len koy rholi o baro Deblestar, oun leskro čingepen.

Jesaja 51:20 ပူးပေါင်းရင်းမြစ်များ

Jesaja 29:9

Krenn dureder, har te wans dinelo an o shero! Krenn dureder, har te wans korelo ap i dui jaka! Tumer han mato – un pijan kek mool. Tumer perenn jek rigjatar ap i wawar – un pijan kek sorelo pipen.

Jesaja 40:30

Ninna terne menshe wenn khino un nashrenn pengri i soor, un terne kurepangre perenn, te hi len kek soor buder.

Jesaja 49:26

Kolla, kai chan tut, kolla hunte chan pengro mass un hunte pijenn pengro rat, un wenn kolestar jaake mato, har te pijans le gudli mool. Palle haiwenn i tsele menshe, te hom me o baro Dewel, kowa, kai lell tut win dran o merepen, un tserdell tut win dran i tchilatche wasta, me o sorelo Dewel o Jakobestar.

Jesaja 5:25

Doleske mukell o baro Dewel peskri choli pral peskre menshende te well. Un job hadell peskro wast ap lende un dell len. Un i berge trissenn. Un i mule atchenn tchiddo ap i dromma har tchik. Un an kowa lauter mukell leskri choli gar palla, leskro wast atchell hadedo, te dell lo trad.

Jesaja 51:17

Ste pre! Ste pre! Hade tut, Jerusalem! Tu pijal dran o baro Debleskro khoro, hoi his pherdi leskri choli. Tu hunte pijal ko khoro win, bis te tchi buder an leste his. Kolestar wal har jek, kai hi mato, un nai well buder gar tardo ap peskre herja.

Jesaja 51:21

Doleske shun tu kawa, tu bibachteli, kai mati hal, i moljatar hal gar mati:

Jesaja 66:15

Dik, o baro Dewel well an i jag, un leskre wurdja hi har i sorelo phurdepen. Job dell len lengro tchilatchepen pale i bari choljah, un leskro tchingepen hi har jag, kai chatchrell.

Jesaja 8:21

Un jon djan an o them trujel, phares dino un bari bokah. Un palle, te hi len bari bok, taprell len i choli, un jon praassenn pengro themeskro rajes un pengro debles. Un jon dikenn pre an o bolepen

Jeremia 14:16

Jaake djal ninna kol menshenge, kai shunenn ap lende. Jon hi mulo tchiddo ap i dromma an Jerusalem. I bok un o charo maras len. Un kek paskrell len, lengre romjen un lengre tchawen. Me anau tchilatchepen pral lende, jaake har jon tchilatchepen kran.

Jeremia 14:18

Djau me win ap o them, dikau me menshen, kai peran an o kurepen. Wau me an o foro, hi koi menshe tchiddo, kai meran i bokatar. Ninna Debleskre rakepangre un rashaja nashenn trujel an o them, un djinenn gar, hoi te krenn.

Ropaskre gilja 1:15

O baro Dewel stakras mire sorele kurepangren khetne, kai pash mande his; Job mukas i marepaskro chapen win te kharell, te nai wenn mare terne mursha maredo. Jaake har drake khetne stakedo wenn, te well i mool win, stakras lo i menshen dran Juda khetne.

Ropaskre gilja 1:19

Me kharom mire pirnen, un jon mukan man kokres. Mire rashaja un i phureder meran an o foro, har dikan le pal i kotar maro, te nai rikrenn le pen djido.

Ropaskre gilja 2:19

Ste pre an i rati, un de gole pale te pale ap o baro Debleste! Tchore tiro dji win glan o Debleste. Rike tire wasta glan leste pre un mange lestar o djipen tire terne tchawendar, kai i bokatar merenna ap hako dromeskri ekka.

Ropaskre gilja 4:11

O baro Dewel mukas peskri tseli choli win te well. Leskri tseli choli was pral lende. Un an o foro Zion mukas lo i bari jag te well, te chatchras o foro tele bis ap i telstune barra.

Ropaskre gilja 4:2

I terne mursha dran o foro Zion, – kutch har o latcheder sonakai his le menge – kanna hi le gar budeder moldo har pirja, hoi kerdo wan dran tchik!

Ropaskre gilja 5:13

Terne mursha hunte hidjran jarrengre barra, un tchawe peran tel o bud kasht, hoi hunte hidjran le.

Ezekiel 12:13

Me, o baro Dewel, witsrau miri netsa pral leste win, te well lo tapedo an mire dorja. Un pandles well lo an o them anlo, kai i Babilonarja djiwenn. Ko them nai dikell lo gar. Un kote merell lo.

Ezekiel 17:20

Me witsrau miri netsa pral leste win, te well lo tapedo an mire dorja. Un anau les an o them Babilonia. Kote dau les i phagi koleske, kai phagas lo mantsa.

Ezekiel 39:19

Pash kau chapen, hoi tumenge krau, chan tumer thulepen, bis te han tchalo. Un pijenn rat bis te han mato.

5. Mose 14:5

tserfe un wesheskre busja, diwje bakre un busja, antilope,

5. Mose 28:20

Te mukenn tumer o baro Debles un djan ap tumaro tchilatcho drom, bitchrell lo mank tumende bibacht un daar an halauter, hoi tumer krenna, jaake te djinenn buder gar, hoi te krenn. Jaake merenn tumer un djan sik tele.

Debleskro tsiro 14:10

Jon hunte pijenn o Debleskri mool. Kai mool hi o Debleskri choli. Kaja hi jaake soreli har i mool, kai kek pani dren hi. Kolla, kai mangenn o vieches an, hunte djan an i bari jag. Un koi jag un i jagakri khand krenn lenge bare duka. Un jon dikenn o Debleskre bolepangren un o terno bakres.