Jesaja 51:2 - O Debleskro Drom 2021 (Sinte)

² ap o Abraham, tumaro phuro dad un ap i Sara, tumari phuri dai! Len his kek tchawe, har dom o Abrahames gole. Un me tchiwom miri bacht un soor ap lende un dom len bud tchawen.

O Debleskro Lab 2024 (Sinte-Manouche)

² ap o Abraham, t'maro phouro dad oun ap i Sara, t'mari phouri day! Len his kek čave, har dom o Abrahames gole. Oun me čivom miri barht oun zoor ap lende oun dom len boud čaven.

Jesaja 51:2 ပူးပေါင်းရင်းမြစ်များ

1. Mose 24:1

O Abraham his phuro. Un o baro Debleskri soor un bacht his tchiddo ap halauter, hoi les his.

1. Mose 24:35

O baro Dewel tchiwas bari soor un bud bacht ap miro rai. Jaake was job brawelo. O Dewel das les bakre un grumja, rup un sonakai, budepangre: mursha un djuwja, ninna khamele un burike.

Jesaja 29:22

O baro Dewel, kai o Abrahames win las dran peskro phuro djipen, kowa penell pral o Jakobeskro kheer: Kanna hunte ladjell pes o Jakob buder gar, un leskro mui hunte well gar buder parno.

Jesaja 41:8

Tu, Israel, hal miro budepaskro, tu hal o Jakob, koles mange win rodom, tu weh o Abrahamestar, kai miro maal hi.

Jesaja 43:27

Tiro phuro dad, kolendar tumer lauter wan, ninna kowa las doosh ap peste, un tire rakepangre phagan mantsa.

Jesaja 48:1

Shunenn, tumer dran o kheer Jakob, tumer, kai wenn o labeha Israel gole dino, un wenn dran o kheer Juda. Tumer denn tumen sowel pash o baro Debleste, un penenn, te mangenn o Israeleskro Debles an. An o tchatchepen un i djudjo djijeha krenn tumer kowa gar.

Jesaja 60:22

Ninna dran tiri tikneder familja wenn jek sero menshe. Un i familjatar, hoi gar an-diklo hi, well i soreli natsjona. Me, o baro Dewel, krau kowa peskro tsireske sik.

Jesaja 63:16

Tu hal maro dad. O Abraham djinell tchi mendar, un o Jakob prindjrell men gar. Tu, baro Dewel, hal maro dad, kowa kai men win las dran o them Egiptia. Glan rah tsiro kral tu tuke koleha i baro lab.

Ezekiel 33:24

Tu, mensho, kolla, kai an kol khetne dine forja an o them Israel djiwenn, penenn: “O Abraham his jek, un kowa las o tselo them peske dren. Mer ham bud, – tchatchepah, menge hi o them dino!”

5. Mose 1:10

Tumaro baro Dewel kras tumen jaake bud. Tumer han kau diwes jaake bud har kol momlia an o bolepen hi.

5. Mose 26:5

Un tu peness glan o baro Debleste, kai tiro Dewel hi: “Miro phuro dad his i Aramari, koles kek them his, kai lo khere his. Un job djas peskri familjah an o them Egiptia, un his kote i wi-themari. Leskre menshe his gar budeder har i wast pherdo, un kote wan le bud un budeder, i bari soreli natsjona.

Josua 24:3

Un me lom tumaro dades Abraham dran ko them ap i wawar rig o panjestar Eufrat, un anom les an o them Kanaan, un mukom les kote trujel te djal, un mukom leskri familja bares te well. Un dom les o Isaak.