Jesaja 51:18 - O Debleskro Drom 2021 (Sinte)

¹⁸ Kote his kek mank tire tsele tchawende, kolen ap i phub anal, kai sikras tut o tchatcho drom. Un kek his koi, kai tut ap o wast las, tire tsele tchawendar, kolen bares tserdal.

O Debleskro Lab 2024 (Sinte-Manouche)

¹⁸ Kote his kek mank tire tsele čavende, kolen ap i phoub anal, kay sikras tout o čačo drom. Oun kek his koy, kay tout ap o vast las, tire tsele čavendar, kolen bares tserdal.

Jesaja 51:18 ပူးပေါင်းရင်းမြစ်များ

Hiob 8:20

Penau tuke, o Dewel witsrell kolen gar pestar, kai an o tchatchepen djiwenn. Un job rikrell gar i tchilatchen pash o wast.

Debleskri gili 142:4

Har djinom buder gar, hoi te krap, djinal tu, har mantsa dureder djal. Ap ko drom, hoi me hunte djom, tchiwan le dorja win, te perap dren.

Debleskri gili 88:18

Jon wenn ap mande haki rigjatar, har baro diwjo pani hi le trul mande o tselo diwes.

Jesaja 41:13

Me, o baro Dewel, hom tiro Dewel, un taprau tiro tchatcho wast, un penau tuke: Ma dare! Me hom ap tiri rig!

Jesaja 45:1

Kawa penell o baro Dewel ap o Kirus, koles job win rodas, te well lo baro rai: Me taprom tiro tchatcho wast, te witsrap wawar themma tel tire herja, un te lap i chare lengre bare rajendar krik, te wenn wudja pre kerdo glan tute, te atchenn foreskre wudja gar pandlo glan tute.

Jesaja 49:21

Palle putcheh tutar an tiro dji: Koon anas mange jaake bud tchawen ap i phub? Me homs muklo, kek tchawentsa, kokres un krik tradedo. Un kolla kote, koon tserdas len bares? Atchom me gar kokres pral? Kai his kolla?

Jesaja 54:11

Jerusalem, tu bibachtelo foro, pral koleste i baro phurdepen djas, Tut his kek, kai tire swa tele khossas! Dik, me tchiwau tut pale pre kutch barrentsa. Tire telstune barra krau dran safire.

Jeremia 10:20

Miro plachteno kheer was paash dino, un mire shelle hi an kotja tchinlo. Mire tchawe djan mandar krik, un hi gar buder koi. Kek tchiwell miro kheer pale pre, kek tchiwell i plachta koi pral.

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Ezekiel 34:6

Jon nashan trujel ap i tsele tikne un bare berge, un hi buder gar khetne. Kate te kote an o tselo them hi le. Un kek hi koi, kai pal lende putchell un len rodell.

Amos 5:2

Koi terni tchai Israel peras, te stell li buder gar pre. Muklo hi li tchiddi ap i phub, un kek hi koi, kai hadell lat pre.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 9:36

Un har job kol bud menshen dikas, khaitan le les. Jon his leske har bakre, kai hi len kek bakrengro, kai ap lende garda della. Jon his khino, un len his buder kek soor an lende.

Markus 8:23

Un job las koles, kai dikas nai gar, pash o wast, un anas les win glan o gab. Palle tchiwas lo tchunger ap leskre jaka, tchiwas peskre wasta ap leste, un putchas lestar: “Dikeh tu tchomone?”

Bičepangre 13:11

Kanna dikeh tu, har o rai Jesus tuke i phagi della. Tu weh korelo, un dikeh i tsiro o kham buder gar.” Ap jek kopo was lauter tamlo glan leskre jaka. Un job djas trujel, te nai rodell lo jekes, kai lell les pash o wast.

Bičepangre 9:8

Har o Saulo pre stas un i jaka pre kras, his lo korelo. Jon lan les pash o wast un anan les an o foro Damaskus.

Hebrearja 8:9

Kau newo drom hi gar jaake, har ko phuro drom, hoi sikrom lende ap ko diwes, kai taprom lengre phuren ap i wasta, te anap len dran o them Egiptia win. Har atchan le gar ap miro drom, mukom len.